Apokalisi 18:10 - Dɔnɔn kə̂ Siki: Tar kə̂ aw arə təbbə

¹⁰ Ndoo kə̂ naw noo le a ddade bbəəl ngaâ dâ karje ddəw əw bba dâ paje nan: «Nɛ̂n kəm-to-ndoo bbo! Nɛ̂n kəm-to-ndoo kə̂ baann bba be wa! Bbe-bo, Babilɔnn, bbe-bo kə̂ ngəng! Gɔl kar tə̂ kâra baa njaa sariya ddee dɔi tə̂ tokə be nəənn!»

Maketuru le Lubba ke tar kabba

¹⁰ Ndoo ke naw noo le a ddade bbeel, ngaa da karje ddew ew bba da paje na: « Ne kem-to-ndoo bbo!, Ne kem-to-ndoo ke baann bba be wa! Tɔku bbe, Babilɔnn, tɔku bbe ke ngeng! Me gɔl kare te kara baa njaa sariya ddee dɔi te toke be wa!»

Apokalisi 18:10 ပူးပေါင်းရင်းမြစ်များ

Apokalisi 11:8

Niinnde a nayn dɔ nangə tə̂ natâ mə tɔkə bbe tə̂ kə̂ n̂-tɔl Əbbədede tə̂ kakə-dəsə tə̂ le. Ddəw Ndil tə̂, dəwje undaje ri tɔkə bbe le nan Sɔdɔm ddəm Ejipitə ddəm.

Apokalisi 14:8

Marə anjə kə̂ to joo laa ddee go ne tə̂ kə̂ dɔngɔr le ngaâ pa nan: «Babilɔnn kə̂ to bbe-bo le oso mban, oso mban. Ne a narə dəwje kə̂ gəlde dang dang tɔyn ayje bɛn kaya laa kə̂ ɔn to puru le.»

Apokalisi 16:19

Babilɔnn kə̂ to bbe-bo le kayn loe mota ngaâ tɔkə bbeje lə gəl-dəwje osoje. Yeenn ngaâ Lubba ole məɛ̂ dɔ Babilɔnn bbe-bo tə̂ le ngaâ arə bɛn kə̂ to wungu laa kə̂ aw ɔn to puru mə əngo tə̂ dəwje kə̂ mə bbe tə̂ le ayje.

Apokalisi 17:12

«Gaji da kə̂ dɔku kə̂ oo le to tɔkə mbayje dɔku kə̂ nayn ɔnje mbay ang bbay. A dâ kinga singa kə̂ ta kɔn nɛ̂n mbay mba gɔl kar kâra kə da le.

Apokalisi 18:18

ngaâ dooje sa-puru kə̂ aw ɔɛ̂n le a, duruje əkii nan: «Tɔkə bbe kə̂ dda bba asə naan kə bbe-bo wa?»

Apokalisi 18:19

Daw jinje əbaburu nangə dunguje dɔde tə̂, n̂-nɔnje, n̂-ndingaje ndoo n̂-paje nan: «Nɛ̂n kəm-to-ndoo bbo! Nɛ̂n kəm-to-ndoo bbo! Bbe-bo, bbe kə̂ ddəw nɛ̂n-kinga tə̂ laa kə̂ banya, njê tɔkə toje tɔyn ingaje nɛ̂n nɛ̂n le, mə gɔl kar tə̂ kâra baa njaa n̂-təl to dɔ-ndubba bbo!»

Apokalisi 18:21

Marə anjə kə̂ nje-singa-mɔngu unn marə tɔkə biri-ər kə̂ ɔɔy ila mə ba-katə tə̂ ngaâ pa nan: «Dâ kila Babilɔnn bbe-bo kə singa tokə be tɔ: Dâ təl kingɛ̂ ang ngaa.

Apokalisi 18:8

Mba yeenn bba, nɛ̂n kəm-to-ndooje kə̂ toje ɔju dɔɛ̂ a kosoje dɔɛ̂ tə̂ ndɔ kâra baa njaa. Nɛ̂nje le toje to: Yo, ndoo, tɔkə bbo ngaâ puru a kɔɛ̂n. Mba Əbbə-dəwje Lubba kə̂ gangə sariya dɔɛ̂ tə̂ le to nje-singa-mɔngu.»