Apokalisi 17:7 - Dɔnɔn kə̂ Siki: Tar kə̂ aw arə təbbə

⁷ Yeenn ngaâ anjə le pa arəm nan: «Məi aw unda dɔ binya mba ddi wa? Mâ pa nɛ̂n kə̂ iya rɔɛ̂ kə̂ dɔ dɛnɛ̂n tə̂ nəənn kə ye kə̂ dɔ da tə̂ kə̂ dɔɛ̂ ee siri ngaâ gajɛ̂ ee dɔku kə̂ nisi dɔɛ̂ tə̂ nəənn kari.

Maketuru le Lubba ke tar kabba

⁷ Yeenn ngaa anji le pa arem na: « Mei aw unda dɔ binya mba ddi wa? Ma pa ne ke iya rɔe ke dɔ dene te neenn, ke ye ke dɔ da te ke dɔe ee siri, ngaa gaje ee dɔku ke nisi dɔe te neenn kari.

Apokalisi 17:7 ပူးပေါင်းရင်းမြစ်များ

2 Tesalonisinyɛje 2:7

Mba singa-mɔngu lə Nje-mə-majang le aw dda kula lo-kiyɛ̂ tə̂ mban. Yeenn a, bbo dəw kə̂ aw ɔkɛ̂ ddəw le njaa goto a, nâ dda kula laa kə ddaka ngaa.

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 12:3

Marə nɛ̂n dang təl ubba mə dara tə̂ bbay. Marə tɔkə da kə̂ unn da-rɔ mar, rɔɛ̂ kasɛ̂ tokə lə puru, dɔɛ̂ siri a gajɛ̂ dɔku. Əjɔkudɔje siri toje dɔɛ̂je tə̂ kə̂ siri le.

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 18:1

Goe tə̂ a, moo marə anjə dang in darâ aw ddisi. Nee kə singa kə̂ ngəng ngaâ ndoko laa uru dɔ nangə tə̂.