Apokalisi 17:5 - Dɔnɔn kə̂ Siki: Tar kə̂ aw arə təbbə

⁵ N̂-dda marə ri əngo-nɔɛ̂n tə̂, to ri kə̂ dəw gərə kandɛ̂ ang. Ri le nan: «Babilɔnn bbe-bo, kɔn dɛnɛ̂n njê-kayaje, kɔn nɛ̂nje kə̂ dɔ nangə tə̂ kə̂ asə ta koo kə kəm ang.»

Maketuru le Lubba ke tar kabba

⁵ N̂-dda mare ri engo-nɔe te, to ri ke dew gere kande ang. Ri le na: « Babilɔnn bbe-bo, kɔn dene nje-kayaje, kɔn neje ke dɔ nange te ke ase ta koo ke kem ang.»

Apokalisi 17:5 ပူးပေါင်းရင်းမြစ်များ

Pilipinyɛje 3:19

Dunnje ddəw yo, mba məde â to lubba ləde. Daw dɔsuje rɔde mba nɛ̂n-rɔ-kul ləde. Kəjə ləde to kə dɔ nɛ̂nje tə̂ kə̂ nangə̂ dɔrɔ.

2 Tesalonisinyɛje 2:7

Mba singa-mɔngu lə Nje-mə-majang le aw dda kula lo-kiyɛ̂ tə̂ mban. Yeenn a, bbo dəw kə̂ aw ɔkɛ̂ ddəw le njaa goto a, nâ dda kula laa kə ddaka ngaa.

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 11:8

Niinnde a nayn dɔ nangə tə̂ natâ mə tɔkə bbe tə̂ kə̂ n̂-tɔl Əbbədede tə̂ kakə-dəsə tə̂ le. Ddəw Ndil tə̂, dəwje undaje ri tɔkə bbe le nan Sɔdɔm ddəm Ejipitə ddəm.

Apokalisi 14:8

Marə anjə kə̂ to joo laa ddee go ne tə̂ kə̂ dɔngɔr le ngaâ pa nan: «Babilɔnn kə̂ to bbe-bo le oso mban, oso mban. Ne a narə dəwje kə̂ gəlde dang dang tɔyn ayje bɛn kaya laa kə̂ ɔn to puru le.»

Apokalisi 16:19

Babilɔnn kə̂ to bbe-bo le kayn loe mota ngaâ tɔkə bbeje lə gəl-dəwje osoje. Yeenn ngaâ Lubba ole məɛ̂ dɔ Babilɔnn bbe-bo tə̂ le ngaâ arə bɛn kə̂ to wungu laa kə̂ aw ɔn to puru mə əngo tə̂ dəwje kə̂ mə bbe tə̂ le ayje.

Apokalisi 17:1

Goe tə̂ a, marə anjə kâra horo anjəje tə̂ kə̂ siri kə̂ uwaje əngoje siri jide tə̂ le ddee ngaâ pa arəm nan: «Ə-ddee, mâ tɔji sariya kə̂ dâ gangə dɔ dɛnɛ̂n tə̂ kə̂ to tɔkə nje-kaya kə̂ isi mbɔr tɔkə baje tə̂ le.

Apokalisi 17:2

Ne â tɔkə mbayje kə̂ dɔ nangə tə̂ ddaje nɛ̂n-kaya dɔɛ̂ tə̂ ngaâ dəwje kə̂ dɔ nangə tə̂ ayje bɛn kaya laa arə ddade.»

Apokalisi 17:7

Yeenn ngaâ anjə le pa arəm nan: «Məi aw unda dɔ binya mba ddi wa? Mâ pa nɛ̂n kə̂ iya rɔɛ̂ kə̂ dɔ dɛnɛ̂n tə̂ nəənn kə ye kə̂ dɔ da tə̂ kə̂ dɔɛ̂ ee siri ngaâ gajɛ̂ ee dɔku kə̂ nisi dɔɛ̂ tə̂ nəənn kari.

Apokalisi 18:2

Nuru əkii kə singa nan: «Noso mban, noso mban, Babilɔnn bbe-bo le! N̂-ddee to lo dda bbe kə lo kiya-rɔ le ndilje kə̂ maji ang dang dang tɔyn, kə əəlje kə̂ maji ang dang dang tɔyn kə̂ dəwje ndikije ang.

Apokalisi 18:21

Marə anjə kə̂ nje-singa-mɔngu unn marə tɔkə biri-ər kə̂ ɔɔy ila mə ba-katə tə̂ ngaâ pa nan: «Dâ kila Babilɔnn bbe-bo kə singa tokə be tɔ: Dâ təl kingɛ̂ ang ngaa.

Apokalisi 19:2

Mba sariyaje laa kə̂ naw gangə toje kə̂ dɔgɔlɛ̂ ddəm toje gatə gatə ddəm. N̂-gangə sariya dɔ tɔkə dɛnɛ̂n nje-kaya tə̂ kə̂ tuju dɔ nangə kə kaya laa ngaâ nila barə məsə njê-kulaje laa kə̂ n̂-tɔlde le dɔɛ̂ tə̂.»

Apokalisi 7:3

«Ə-tujuje nangə ang ddəm ba-katə ang ddəm kakəje ang ddəm. Ə-nginanje arə juja əndaji əngo-nɔn njê-kulaje tə̂ lə Lubba ləje bba.»