Apokalisi 17:4 - Dɔnɔn kə̂ Siki: Tar kə̂ aw arə təbbə

⁴ Dɛnɛ̂n le ula kubbu kə̂ kasɛ kə̂ kura ngaâ ndɔnrɛn. Nula nɛ̂n-mandəje kə̂ n̂-dda kə andə-narɛ kə kɔr ərje kə̂ gatɛ̂ ngəng kə mərəje. Nuwa əngo andə-narɛ jia tə̂. Nɛ̂n-yərəwje kə nɛ̂n-kayaje laa kə̂ asə koo kə kəm ang ddusuje mə əngo le.

Maketuru le Lubba ke tar kabba

⁴ Dene le ula kubbu ke kase, ke kura, ngaa ndɔren to ndɔren. Nula ne-mandeje ke n̂-dda ke ande, ke kɔr erje ke gate ngeng, ke mereje. Nuwa engo ande jia te. Ne-yerewje, ke ne-kayaje laa ke ase koo ke kem ang ddusuje me engo le.

Apokalisi 17:4 ပူးပေါင်းရင်းမြစ်များ

Apokalisi 14:8

Marə anjə kə̂ to joo laa ddee go ne tə̂ kə̂ dɔngɔr le ngaâ pa nan: «Babilɔnn kə̂ to bbe-bo le oso mban, oso mban. Ne a narə dəwje kə̂ gəlde dang dang tɔyn ayje bɛn kaya laa kə̂ ɔn to puru le.»

Apokalisi 18:12

Nɛ̂nje tokə andə, andə-narɛ, kɔr ərje kə̂ gatɛ̂ ngəng, mərəje, kubbuje kə̂ n̂-dda kə lɛɛn kə̂ kasɛ kə̂ ndɔnrɛn kə yeje kə̂ n̂-dda kə nɛ̂n kə̂ ria nan sowa, kamje tɔyn kə̂ ətəje maji, nɛ̂nje kə̂ n̂-dda kə ngangə kərə, nɛ̂nje tɔyn kə̂ n̂-dda kə kakə kə̂ gatɛ̂ ngəng, nɛ̂nje kə̂ n̂-dda kə tungu kə andə-narɛ wase kə ər kə̂ kura kə̂ ria nan marbərə.

Apokalisi 18:16

Dâ paje nan: «Nɛ̂n kəm-to-ndoo bbo! Nɛ̂n kəm-to-ndoo bbo! Dɔngɔr, bbe-bo nəənn aw ula kubbuje kə̂ kura kə̂ kasɛ kə̂ ndɔnrɛn. Naw nula nɛ̂n-mbije kə nɛ̂n-jije kə̂ n̂-dda kə andə kə kɔr ərje kə̂ gatɛ̂ ngəng kə mərəje!

Apokalisi 19:2

Mba sariyaje laa kə̂ naw gangə toje kə̂ dɔgɔlɛ̂ ddəm toje gatə gatə ddəm. N̂-gangə sariya dɔ tɔkə dɛnɛ̂n nje-kaya tə̂ kə̂ tuju dɔ nangə kə kaya laa ngaâ nila barə məsə njê-kulaje laa kə̂ n̂-tɔlde le dɔɛ̂ tə̂.»

Apokalisi 21:21

Ta-ndokoje kə̂ dɔku gire joo le toje to mərəje dɔku gire joo. Ta-doko kâra a, n̂-dda kə mərə kâra baa. N̂-dda natə tɔkə bbe le kə andə kə̂ maji kə̂ kəmɛ̂ arɛ yərərə.

Apokalisi 9:21

Dinyaje ddəw tɔl dəw ang ddəm ddəw əmbilije ləde ang ddəm ddəw kaya ang ddəm ddəw bbokoje ləde ang ddəm.