Apokalisi 17:2 - Dɔnɔn kə̂ Siki: Tar kə̂ aw arə təbbə

² Ne â tɔkə mbayje kə̂ dɔ nangə tə̂ ddaje nɛ̂n-kaya dɔɛ̂ tə̂ ngaâ dəwje kə̂ dɔ nangə tə̂ ayje bɛn kaya laa arə ddade.»

Maketuru le Lubba ke tar kabba

² Ne a tɔku mbayje ke dɔ nange te ddaje ne-kaya dɔe te, ngaa dewje ke dɔ nange te ayje ben kaya laa are ddade.»

Apokalisi 17:2 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 2:10

ngaâ, pa arɛ̂ nan: «Dəwje tɔyn aw kaynje bɛn kə̂ maji dɔngɔr, ta goe tə̂ kə̂ dəwje ayje asəde bba kaynje bɛn kə̂ maji gatə ang. A əi, ə-ngəm bɛn kə̂ maji ndərəng kar tə̂ nəənn wa?»

Apokalisi 14:8

Marə anjə kə̂ to joo laa ddee go ne tə̂ kə̂ dɔngɔr le ngaâ pa nan: «Babilɔnn kə̂ to bbe-bo le oso mban, oso mban. Ne a narə dəwje kə̂ gəlde dang dang tɔyn ayje bɛn kaya laa kə̂ ɔn to puru le.»

Apokalisi 17:13

Dede dɔku tɔyn kəjə ləde kâra baa: Ta karə da le singa-mɔngu ləde kə singa ləde.

Apokalisi 17:17

Mba Lubba ula kəjə laa məde tə̂ karə n̂-ddaje nɛ̂n kə̂ məɛ̂ ndiki. Dâ ddaje nɛ̂n kə̂ kâra baa. Dâ kinyaje singa kɔn-mbay ləde ji da tə̂ le ndərəng ta karə tarje lə Lubba ddeeje to nɛ̂n kə̂ tɔkɔrɔ.

Apokalisi 17:5

N̂-dda marə ri əngo-nɔɛ̂n tə̂, to ri kə̂ dəw gərə kandɛ̂ ang. Ri le nan: «Babilɔnn bbe-bo, kɔn dɛnɛ̂n njê-kayaje, kɔn nɛ̂nje kə̂ dɔ nangə tə̂ kə̂ asə ta koo kə kəm ang.»

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 18:23

Puru lambe a ndoko mə bbe tə̂ ləi ang ngaa ddəm dəw a koo ndu basan de kə ngonn mandə kə̂ n̂-taaje naan tokə siki bbeê ləi ang ngaa ddəm mba njê-nɛ̂n-labbəje kə̂ bbeê ləi toje to dəwje kə̂ ngəng kə̂ dɔ nangə tə̂ ngaâ ərə gəl-dəwje tɔyn kə nɛ̂n-kumanje ləi kə̂ aw dda arə n̂-ndəəmje ddəw.

Apokalisi 18:3

Mba gəl-dəwje tɔyn ayje koto bɛn kaya laa kə̂ ɔn to puru le. Tɔkə mbayje kə̂ dɔ nangə tə̂ ddaje nɛ̂n-kaya dɔɛ̂ tə̂. Ngaâ njê-nɛ̂n-labbəje kə̂ dɔ nangə tə̂ ingaje nɛ̂n nya ɔju dɔ nɛ̂n-kingaje kə̂ gatɛ̂ ngəng kə̂ n̂-dda bboe nya le.»

Apokalisi 18:9

Yeenn ngaâ tɔkə mbayje tɔyn kə̂ dɔ nangə tə̂ kə̂ ddaje nɛ̂n-kaya dɔɛ̂ tə̂ ddəm ddaje saa bbo nɛ̂n-kingaje ddəm le a nɔnje ngaâ dâ ndingaje rɔde kar tə̂ kə̂ dâ kooje sa-puru kə̂ aw ɔɛ̂n le.

Apokalisi 2:22

Mba yeenn bba, mâ kunnɛ̂ kilɛ̂ tuwa rɔ-to tə̂ karə noo ndoo nya, ne de kə njê kə̂ aw ddaje lo-to-majang saa. Bbo dinyaje nɛ̂n-ddaje ləde le ang a, nɛ̂ɛnn le a kingade.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.

Apokalisi 9:21

Dinyaje ddəw tɔl dəw ang ddəm ddəw əmbilije ləde ang ddəm ddəw kaya ang ddəm ddəw bbokoje ləde ang ddəm.