Apokalisi 17:14 - Dɔnɔn kə̂ Siki: Tar kə̂ aw arə təbbə

¹⁴ Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Maketuru le Lubba ke tar kabba

¹⁴ Da ddaje ddɔ ke Ngonn bate le, a Ngonn bate le a kutade ke singa, mba n̂-to Ebbe ebbe-dewje ddem, n̂-to Mbay dɔ mbayje ddem. Nje ke Lubba bbarde, ke nje ke n̂-mberede, ke dewje laa ke eeje saa, a kutade ke singa tɔ.

Apokalisi 17:14 ပူးပေါင်းရင်းမြစ်များ

Matiye 22:14

Ta kutu nɛ̂n dɔ tar le a, Jeju pa nan: «Tɔkɔrɔ, Lubba bbar dəwje tokə banya njaa, a njê kə̂ n̂-mbərəde banya ang.»

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Rɔmɛnje 1:6

Sese kara eeje horo dəwje tə̂ənn tɔ. Sese kə̂ Lubba bbarse arə ə-ddeeje to dəwje lə Jeju-Kristə le.

Rɔmɛnje 8:30

Njê kə̂ Lubba undade dang tokə kete le n̂-bbarde tɔ. Njê kə̂ n̂-bbarde le narə n̂-ddeeje gatə gatə kəmɛ̂ tə̂. Njê kə̂ narə ddeeje gatə gatə kəmɛ̂ tə̂ le narə dingaje piti laa tɔ.

Rɔmɛnje 8:37

A mə nɛ̂nje tə̂ənn tɔyn n-tətə ddɔ ddəw tə̂ lə Jeju kə̂ ndikije le.

1 Kɔrɛntinyɛje 15:24

Kristə a guru singa ndilje kə̂ maji ang tɔyn kə̂ aw ɔnje mbay kə singa-mɔnguje tɔyn. Goe tə̂ a, to dɔbɔyn nɛ̂n. Nâ təl kə kɔn-mbay le karə Lubba kə Bɔ.

1 Timɔte 6:15

Nâ təl kə ndɔ kə̂ Lubba ɔju. Lubba kə̂ to nje-dda karə dəwje isije kə rɔ-nəəl, ne kə̂ karɛ̂ â nɔn dɔ nɛ̂nje tɔyn, ne kə̂ n̂-to Mbay-dɔ-mbayje kə Əbbə-əbbə-dəwjeje.

2 Timɔte 2:4

Dəw kə̂ unn rɔɛ̂ to mbamba ngaâ ndiki ta dda karə rɔ dəw kə̂ ɔn dɔɛ̂ nəəle, aa lo kə nɛ̂nje tə̂ lə siwilje ang ngaa.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 11:7

Bbo n̂-paje tar-naji le n̂-tungaje a, da kə̂ a kin mə tɔkə buwa tə̂ kə̂ sunrɛ̂ goto le a dda ddɔ kə de, singɛ̂ a kutade ngaâ nâ tɔlde.

Apokalisi 16:14

To ndilje kə̂ maji ang kə̂ aw ddaje nɛ̂n-mɔrije. Dawje ta kinga tɔkə mbayje kə̂ dɔ nangə tə̂ tɔyn ta mbɔnde nginan nɛ̂n ddɔ kə̂ tɔkə ndɔ tə̂ lə Lubba kə̂ nje-singa-mɔngu.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.