Apokalisi 15:2 - Dɔnɔn kə̂ Siki: Tar kə̂ aw arə təbbə

² Moo marə nɛ̂n tokə lə ba-ər kə̂ kəmɛ̂ arɛ yərərə kə̂ pole naan kə puru. Dəwje kə̂ tətəje da le ddəm ətaar laa ddəm nimɔrɔ ria ddəm kə ddɔ le arje dɔ ba-ər tə̂ kə̂ kəmɛ̂ arɛ yərərə le. Duwaje kondeje lə Lubba jide tə̂.

Maketuru le Lubba ke tar kabba

² Moo mare ne toke bajeenn, keme are yerere toke er ke dew unda keme te a oo ne lo, pole naa ke puru. Dewje ke teteje ddɔ dɔ da te le, ke dɔ kɔr ke unda rɔ da te le, ke dɔ nimɔrɔ ria te le arje dɔ ba-kate te le. Duwaje kondeje le Lubba jide te.

Apokalisi 15:2 ပူးပေါင်းရင်းမြစ်များ

Matiye 3:11

Əman, m-ddase batɛm maann ta tɔju to ə-turuje məse mban. A dəw kə̂ aw ddee gom tə̂, ngəng utam. Nɛ̂n-gɔl laa kara munda rɔ dəw kə̂ asə ta kɔru gɔlɛ̂ tə̂ ang. Ne, nâ ddase batɛm Ndil-mə-nda kə batɛm puru.

1 Piyɛr 1:7

Ndoo kə̂ aw ooje le to mba nan nɛ̂n mə-kunn ləse koo, tokə andə kə̂ to nɛ̂n kə̂ aw tuju, a n̂-nan kə puru doo. Baann bba karə mə-kunn ləse kə̂ to nɛ̂n kə̂ ngəng uta andə le a dda karə Lubba ɔsu gajise ddəm pitise ddəm walse ddəm ndɔ tə̂ kə̂ Jeju-Kristə a kunda nɛ̂n lo tee kəm dəwje tə̂.

1 Piyɛr 4:12

Ngakɔnʼmje kə̂ m-ndikise nya, nɛ̂n-nan kə̂ to horose tə̂ tokə lə puru kə̂ aw ɔn lo le, maji karə ooje to nɛ̂n kə̂ siki ang ta arəje dɔse ayn ang.

Apokalisi 12:11

A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.

Apokalisi 13:1

Goe tə̂ a, moo marə da in mə ba-katə tə̂ tee. Gajɛ̂ ee dɔku, a dɔɛ̂ ee siri. Əjɔkudɔ dɔku toje dɔ gajɛ̂je tə̂ le kâra kâra ngaâ n̂-dda rije kə̂ toje to ri taji Lubba dɔɛ̂je tə̂ le kâra kâra tɔyn.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 13:17

Dəw kə̂ əndaji le to rɔɛ̂ tə̂ ang a, a kasə ndoko nɛ̂n ang ddəm a kasə labbə nɛ̂n ang ddəm. Əndaji le to ri da le, ang a, nimɔrɔ ria.

Apokalisi 21:18

Dɔsu ndoko le kə ər kə̂ maji kə̂ ria nan jaspə, a n̂-dda tɔkə bbe le kə andə kə̂ yərəw ɔru ang kə̂ kəmɛ̂ arɛ yərərə.

Apokalisi 4:6

Marə nɛ̂n tokə lə ba-ər kə̂ kəmɛ̂ arɛ yərərə to nɔn ngende-mbay tə̂ le. Marə nɛ̂nje kə̂ toje kəm baa sɔ gukuje ngende-mbay kə̂ to dannâ le, kəmde to rɔde tə̂ tɔyn kete ddəm guku ddəm.

Apokalisi 5:8

N̂-taa makəturu le a, nɛ̂nje sɔ kə̂ toje kəm baa le kə tɔkəje kə̂ dɔjoo gire sɔ le ɔsuje məkəjə-gɔlde nangə̂ nɔɛ̂n tə̂. Konde kə əngo-narɛje kə̂ yambo ddusu toje jide tə̂ kâra kâra tɔyn. Yambo le to duju lə dəwje lə Lubba.