Apokalisi 14:2 - Dɔnɔn kə̂ Siki: Tar kə̂ aw arə təbbə

² Moo marə ndu bbar mə dara tə̂ tokə kɔru tɔkə ba kə̂ aw ula ddəm tokə ndi kə̂ aw ndangə kə singa ddəm. Ndu kə̂ moo le bbar tokə kɔru konde kə̂ dəwje aw əmje.

Maketuru le Lubba ke tar kabba

² Moo mare ndu bbar me dara te toke kɔru tɔku ba ke aw ula ddem, toke ndi ke aw ndange ke singa ddem. Ndu ke moo le bbar toke kɔru konde ke dewje aw em.

Apokalisi 14:2 ပူးပေါင်းရင်းမြစ်များ

1 Kɔrɛntinyɛje 13:1

Bbo maw pa tar kə ndɔn-tarje kə̂ dəwje aw paje wase anjəje aw paje ngaâ ndiki goto məm tə̂ a, m-to tokə dalɛ kə̂ aw bbar baa wase gan sambe kə̂ daw tunda.

Apokalisi 1:10

Kə ndɔ lə Əbbə-dəwje, Ndil-mə-nda uwam a, moo marə ndu bbar kə singa gom tə̂ guku. Ndu le bbar tokə lə təbbə kə̂ dəw aw to.

Apokalisi 1:15

Gɔlɛ̂ tokə lə njamnji kə̂ dula purô darə ndɔnrɛn ngaâ ndue bbar tokə lə kɔru tɔkə ba kə̂ aw ula.

Apokalisi 11:12

Njê-kilaje mbər tar lə Lubba le ooje marə ndu kə̂ in dara ngaâ pa arəde kə singa nan: «Inje kə taar nəənn!» Dinje kə darâ mə mum tə̂ kəm njê-baanje tə̂ ləde le.

Apokalisi 11:15

Goe tə̂ a, anjə kə̂ to siri laa to təbbə. Ndu bbar kə singa darâ nan: «Bbasinɛn, kɔn-mbay dɔ nangə tə̂ nəənn təl mə ji Əbbəjeje tə̂ kə mə ji Mesi tə̂ laa. Nâ kɔn-mbay kə ndɔ kə ndɔ.»

Apokalisi 15:2

Moo marə nɛ̂n tokə lə ba-ər kə̂ kəmɛ̂ arɛ yərərə kə̂ pole naan kə puru. Dəwje kə̂ tətəje da le ddəm ətaar laa ddəm nimɔrɔ ria ddəm kə ddɔ le arje dɔ ba-ər tə̂ kə̂ kəmɛ̂ arɛ yərərə le. Duwaje kondeje lə Lubba jide tə̂.

Apokalisi 18:22

Dəw a koo kɔru nɛ̂n-kəm lə njê-kondeje bbe ləi ang ngaa ddəm ndu njê-nɔn-paje ang ngaa ddəm kɔru njê-kɔlje mbula, kə njê-toje təbbə ang ddəm. Dəw a kinga nje-gusu kə̂ aw dda marə kula kâra bbe ləi ang ngaa ddəm dəw a koo kɔru nɛ̂n kə̂ daw duru birî bbeê ləi ang ngaa ddəm.

Apokalisi 5:8

N̂-taa makəturu le a, nɛ̂nje sɔ kə̂ toje kəm baa le kə tɔkəje kə̂ dɔjoo gire sɔ le ɔsuje məkəjə-gɔlde nangə̂ nɔɛ̂n tə̂. Konde kə əngo-narɛje kə̂ yambo ddusu toje jide tə̂ kâra kâra tɔyn. Yambo le to duju lə dəwje lə Lubba.

Apokalisi 6:1

Goe tə̂ a, moo Ngonn batə le ɔru nɛ̂n kə̂ to dɔngɔrɛ̂ kə̂ n̂-lətə nɛ̂n ta makəturu loe siri le. A nɛ̂nje kə̂ toje kəm baa le, moo əkii lə marɛ̂ kâra bbar tokə ndi kə̂ ndangə nan: «Ə-ddee!»

Apokalisi 8:7

Anjə kə̂ dɔngɔr to təbbə laa. A kɔju kə puru poleje naan kə məsə ngaâ gaynje dɔ nangə tə̂. Bbo n̂-kayn nangə kə kakəje kə̂ dɔ nangə tə̂ loe mota a, puru ɔn dəbbə nangə le kâra, ɔn dəbbə kakəje le kâra ngaâ ɔn kamje kə muje kə̂ təbbə tɔyn.