Apokalisi 14:13 - Dɔnɔn kə̂ Siki: Tar kə̂ aw arə təbbə

¹³ Moo marə ndu kə̂ in darâ pa arəm nan: «Uja tar nəənn makəturu tə̂: ‹Maji arəde, de dəwje kə̂ n̂-naynje ddəw tə̂ lə Əbbə-dəwje ndərəng doyje nɛ̂n bbasinɛn nəənn.› Ndil-mə-nda pa nan: ‹Tɔkɔrɔ njaa, maji karə duwaje rɔde go kula tə̂ kə̂ ngəng kə̂ n̂-ddaje, mba kulaje kə̂ n̂-ddaje a kunn gode.› »

Maketuru le Lubba ke tar kabba

¹³ Moo mare ndu ke in darâ, ngaa pa arem na: «Uja tar neenn maketuru te: ‹Rɔ-neel to le dewje ke naynje ddew te le Ebbe-dewje ndereng oyje ne, bbasene neenn. Ndil-me-nda pa na: Tɔkɔrɔ njaa, maji kare duwaje rɔde go kula te ke ngeng ke n̂-ddaje, mba kulaje ke n̂-ddaje a kunnje gode.› »

Apokalisi 14:13 ပူးပေါင်းရင်းမြစ်များ

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Luku 16:25

Abaraham ilɛ̂ tə̂ nan: ‹Ngonnəm, ole məi, ndɔ kə̂ isi kəm baa bbay le ubba maji, a Lajar tuju â ubba. Bbasinɛn Lubba bɔru maann-nɔn kəmɛ̂ tə̂ lo tə̂ nəənn, a əi, aw oo ndoo.

Luku 16:9

Jeju pa bbay nan: «A əman, m-pa marəse: Maji karə narɛ̂ kə̂ aw ddaje nɛ̂n nɛ̂n kə̂ gatə gatə ang nangə̂ nəənn, uwaje nɛ̂n buwa-kura kə dəwje. Baann bba karə ndɔ kə̂ narɛ le goto jise tə̂ a, n̂-taase kə kə̂y tə̂ kə̂ a to kə ndɔ kə ndɔ.

Rɔmɛnje 14:8

Bbo jaw jisije kəm baa a, jaw jisije kəm baa mba Əbbə-dəwje. Le joyje njaa kara, joyje mba Əbbə-dəwje. Yeenn a, le jisije kəm baa wase joyje njaa kara n-toje to ənga Əbbə-dəwje.

1 Kɔrɛntinyɛje 15:18

Yeenn tɔju to dəwje kə̂ ooje məde tə̂ kə Kristə bba oyje le naynje kə kɔrɔ̂ baa.

1 Kɔrɛntinyɛje 15:20

A tɔkɔrɔ njaa, Kristə le ndol. Horo dəwje tə̂ kə̂ oyje, n̂-to dɔngɔr dəw kə̂ ndol ta tɔju to dəwje kə̂ oyje a ndolje tɔ.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

2 Kɔrɛntinyɛje 5:8

Tɔkɔrɔ njaa, rɔje oy njururu ang bbay ngaâ n-ndiki nya ta kinya da-rɔje nəənn le ta kaw kisi mbɔr Əbbə-dəwje tə̂.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

1 Tesalonisinyɛje 4:14

Bbo jooje məje tə̂ to Jeju oy ngaâ Lubba ndole a, jooje məje tə̂ tɔ to Lubba a ndol dəwje kə̂ ooje məde tə̂ kə Jeju bba oyje, karə disije kə Jeju kâra baa.

1 Tesalonisinyɛje 4:16

Mba ja kooje marə ndu kə̂ Lubba a kunn, ndu marə mbay lə anjəje a bbar ngaâ kɔru təbbə lə Lubba a bbar mə dara tə̂, a ne Əbbə-dəwje njaa nâ kin darâ ddisi. Dəwje kə̂ ooje məde tə̂ kə Kristə bba oyje a ndolje dɔngɔr.

1 Tesalonisinyɛje 5:10

Kristə le oy mba tar ləje bba karə, le jisije kəm baa wase joyje njaa kara, jisije kəm baa saa ndɔ tə̂ kə̂ nâ ddee.

1 Timɔte 5:24

Majangje lə marə dəwje teeje kə ddaka kəm dəwje tə̂ kete kete bba n̂-ngangə sariya dɔɛ̂ tə̂. A manjangje lə marɛ̂je teeje kə ddaka kəm dəwje tə̂ dɔ guku baa.

1 Timɔte 5:25

Ddəw kâra baa, kulaje kə̂ maji kə̂ marə dəw aw dda, kəm dəwje aw oo. Kulaje kə̂ maji kə̂ n̂-dda ngaâ kəm dəwje oo ang kara a nayn lo-kiyɛ̂ tə̂ ang.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 10:4

Kar tə̂ kə̂ ndi le ndangə tɛɛ̂ siri le a, m-ndiki ta kuja tar kə̂ ndije le paje le makəturu tə̂, a moo marə ndu kə̂ in darâ nan: «Ə-ngəm məi tə̂ bbo uja makəturu tə̂ ang.»

Apokalisi 11:15

Goe tə̂ a, anjə kə̂ to siri laa to təbbə. Ndu bbar kə singa darâ nan: «Bbasinɛn, kɔn-mbay dɔ nangə tə̂ nəənn təl mə ji Əbbəjeje tə̂ kə mə ji Mesi tə̂ laa. Nâ kɔn-mbay kə ndɔ kə ndɔ.»

Apokalisi 11:19

Ta-kəy-polo Lubba kə̂ to mə dara tə̂ ɔru ngaâ sanduku dɔnɔn ubba mə kəy-polo tə̂ laa le. Ndi təəl, ndu dəwje bbar, ndi ndangə, nangə yəkə ngaâ kɔju gayn kə singa.

Apokalisi 16:17

Anjə kə̂ to siri laa mbəl wungu kə̂ mə əngo tə̂ laa mə ləl tə̂. Marə ndu bbar kə singa ngende-mbay tə̂ kə̂ kəy-polo Lubba tə̂ le nan: «Bbayɛ̂ ngaa!»

Apokalisi 19:9

Anjə le pa arəm nan: «Uja tar nəənn makəturu tə̂: ‹Maji arə dəwje kə̂ n̂-bbarde kusu taa-naan tə̂ lə Ngonn batə!› » Goe tə̂ a, n̂-pa narəm nan: «To tarje lə Lubba njaa.»

Apokalisi 2:1

«Ə-dda makəturu ula nɛ̂n arə anjə kə̂ Egilisi tə̂ kə̂ Epɛjə ə-pa nan: «Tar kə̂ dəw kə̂ uwa əndɛtɛrɛndɛnje siri jia tə̂ kə̂ kɔl ngaâ aw nja horo nɛ̂n-kunda lambeje tə̂ siri kə̂ n̂-dda kə andə-narɛ pa â nəənn:

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»

Apokalisi 20:6

Maji arəde, de dəwje kə̂ dɔngɔr ndol lə dəwje kə̂ oyje, deeje horode tə̂. N̂-toje to dəwje lə Lubba njaa! Yo kə̂ gɔl joo laa ee kə singa dɔde tə̂ ang. Dâ toje to njê-poloje lə Lubba ddəm lə Kristə ddəm ngaâ dâ kɔnje saa mbay bbal doro kâra le.

Apokalisi 21:5

Ngaâ dəw kə̂ isi ngende-mbay tə̂ le pa nan: «Oo! M-dda nɛ̂nje tɔyn tokə siki ngaa.» N̂-pa nan: «Uja tarje nəənn makəturu tə̂. Mba tarje ləm to tarje kə̂ tɔkɔrɔ ngaâ asəje karə dəw unda məɛ̂ dɔɛ tə̂.»

Apokalisi 22:17

Ndil de kə dɛnɛ̂n kə̂ nje-ngaw le n̂-paje nan: «Ə-ddee!» Maji karə dəw kə̂ oo tar nəənn pa tɔ nan: «Ə-ddee!» Maji karə dəw kə̂ kunda ɔɛ̂n ddee. Dəw kə̂ ndiki a, taa maann kə̂ aw arə təbbə dəw le baa njaa ay!

Apokalisi 6:11

Yeenn ngaâ darəde tɔkə kubbu kə̂ nda, kə̂ ngal kâra kâra tɔyn. Ngaâ, n̂-pa darəde karə n̂-nginanje ngaji, karə kɔr nje-kula marədeje kə kɔr ngakɔndeje utu naan bba. Mba dede kara dâ tɔlde tokə ləde tɔ.