Apokalisi 14:11 - Dɔnɔn kə̂ Siki: Tar kə̂ aw arə təbbə

¹¹ Puru kə̂ aw ula kəmde ndoo le sɛɛ̂ a kubba bbal kə bbal. Ngaâ dəwje kə̂ aw poloje da le kə ətaar kə̂ ndaji da kə̂ unn da-rɔ da le kə dede kə̂ dɔsu əndaji ri da le rɔde tə̂, til kə kar, dâ kuwaje rɔde ang.»

Maketuru le Lubba ke tar kabba

¹¹ Puru ke aw ula kemde ndoo le sae a kubba bbal ke bbal. Ngaa dewje ke aw poloje da le, ke kɔr ke unda rɔ da le, ke dede ke dɔsu endaji ri da le rɔde te, til ke kare, da kuwaje rɔde ang.

Apokalisi 14:11 ပူးပေါင်းရင်းမြစ်များ

Matiye 11:28

«Ə-ddeeje rɔm tə̂, sese tɔyn kə̂ nɛ̂n-koto aw ɔɔyse arə singase ɔru, mâ karə uwaje rɔse.

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Matiye 25:46

Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»

Ebərəje 1:8

A n̂-pa narə Ngonnɛ̂ nan: «Ə-to Lubba, kɔn-mbay ləi a to kə ndɔ kə ndɔ. Ngaâ, kɔn-mbay ləi to kɔn-mbay kə̂ gatə gatə.

Apokalisi 11:15

Goe tə̂ a, anjə kə̂ to siri laa to təbbə. Ndu bbar kə singa darâ nan: «Bbasinɛn, kɔn-mbay dɔ nangə tə̂ nəənn təl mə ji Əbbəjeje tə̂ kə mə ji Mesi tə̂ laa. Nâ kɔn-mbay kə ndɔ kə ndɔ.»

Apokalisi 13:12

Naw dda kula kə singa kə̂ da kə̂ in mə maann tə̂ tee ee nɛ̂n le dɔ kəmɛ̂ tə̂ njaa. N̂-dda narə nangə kə dəwje kə̂ isije dɔ nangə tə̂ aw ɔsuje məkəjə-gɔlde nɔn da tə̂ kə̂ in mə maann tə̂ tee le, ne kə̂ do laa asə karə noy nɛ̂n bba do le ərə le.

Apokalisi 13:15

Darɛ̂ singa karə nula kəwn mə ətaar tə̂ kə̂ ndaji da kə̂ unn da-rɔ da kə̂ in mə maann tə̂ tee le. Ətaar kə̂ ndaji da le a pa tar ngaâ a dda karə n̂-tɔl dəwje tɔyn kə̂ a mbətəje ta kɔsu məkəjə-gɔlde nangə̂ nɔɛ̂n tə̂.

Apokalisi 13:17

Dəw kə̂ əndaji le to rɔɛ̂ tə̂ ang a, a kasə ndoko nɛ̂n ang ddəm a kasə labbə nɛ̂n ang ddəm. Əndaji le to ri da le, ang a, nimɔrɔ ria.

Apokalisi 14:9

Marə anjə kə̂ dang kə̂ to mota laa ddee go njê kə̂ joo tə̂ le ngaâ pa kə singa nan: «Bbo dəw ɔsu məkəjə-gɔlɛ̂ nangə̂ nɔn da tə̂ le kə nɔn ətaar tə̂ kə̂ unn da-rɔ da le ngaâ dɔsu əndaji da le əngo-nɔɛ̂n tə̂ wase mə jia tə̂ a,

Apokalisi 18:18

ngaâ dooje sa-puru kə̂ aw ɔɛ̂n le a, duruje əkii nan: «Tɔkə bbe kə̂ dda bba asə naan kə bbe-bo wa?»

Apokalisi 18:9

Yeenn ngaâ tɔkə mbayje tɔyn kə̂ dɔ nangə tə̂ kə̂ ddaje nɛ̂n-kaya dɔɛ̂ tə̂ ddəm ddaje saa bbo nɛ̂n-kingaje ddəm le a nɔnje ngaâ dâ ndingaje rɔde kar tə̂ kə̂ dâ kooje sa-puru kə̂ aw ɔɛ̂n le.

Apokalisi 19:3

Ngaa n̂-təl n̂-paje bbay nan: «Aleluya! Sa-puru kə̂ ɔn tɔkə bbe le aw tu kə ndɔ kə ndɔ.»

Apokalisi 20:10

Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.

Apokalisi 22:5

Til a goto ngaâ. Dəw a duju puru lambe wase a nginan karə kar ɔsu bba ta koo nɛ̂n lo ang. Mba ndoko lə Əbbə-dəwje Lubba njaa a kuru dɔde tə̂ ngaâ dâ kɔnje mbay bbal kə bbal.

Apokalisi 7:12

N̂-paje nan: «Amɛnn! Piti, kɔsu gaji, kəm-karɛ, wooyo, ndɔy-ri, singa-mɔngu kə singa toje to lə Lubba ləje kə ndɔ kə ndɔ. Amɛnn!»