Apokalisi 14:1 - Dɔnɔn kə̂ Siki: Tar kə̂ aw arə təbbə

¹ Maa lo bbay a, moo Ngonn batə le ar dɔ ddingiri tə̂ kə̂ Sinyɔ. Dəwje doro kɔr kâra kə dɔsɔ gire sɔ (144 000) eeje mbɔrɛ̂ tə̂. Ri Ngonn batə le kə ri bɔɛ̂je toje əngo-nɔnde tə̂.

Maketuru le Lubba ke tar kabba

¹ Maa lo bbay a, moo Ngonn bate le ar dɔ ddingiri te ke Siyɔn*. Dewje doro kɔr kara, ke dɔsɔ gire sɔ (144 000) eeje mbɔre te. N̂-dda ri Ngonn bate le, ke ri bɔeje engo-nɔde te.

Apokalisi 14:1 ပူးပေါင်းရင်းမြစ်များ

Luku 12:8

«M-pa marəse, dəwje kə̂ paje kəm dəwje tə̂ nan n̂-toje to dəwje ləm a, Ngonn lə dəw a pa kəm anjəje tə̂ lə Lubba nan n̂-toje to lə ne tɔ.

Rɔmɛnje 9:33

tokə Makəturu lə Lubba pa nan: «Ooje, mila marə ər kə̂ dəwje a tukaje gɔlde tə̂ tɔkə bbe tə̂ kə̂ Sinyɔ, tɔkə ər kə̂ a dda karə dəwje tosoje, dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

Apokalisi 14:14

Maa lo bbay a, moo marə mum kə̂ nda to nda. Marə nɛ̂n kə̂ unn da-rɔ dəw isi dɔ mum tə̂ le. Nunda əjɔkudɔ kə̂ n̂-dda kə andə dɔɛ̂ tə̂ ngaâ nuwa kiya kə̂ atə jia tə̂.

Apokalisi 14:3

Dəwje le aw ɔsuje pa kə̂ siki nɔn ngende-mbay tə̂ le, nɔn nɛ̂nje tə̂ kə̂ toje kəm baa kə̂ sɔ le kə nɔn tɔkəje tə̂ le. Dəw kâra kə̂ a kasə ndo pa le goto. Bbayɛ̂ njaa to dede kə̂ doro kɔr kâra kə dɔsɔ gire sɔ (144 000) kə̂ Ngonn batə uka dɔde dɔ nangə tə̂ le.

Apokalisi 15:5

Goe tə̂ a, moo kəy-polo Lubba mə dara tə̂, tɛɛ̂ tokə təəyn. Kəy-tande kinga-naan lə Lubba kə dəwje laa to məɛ tə̂.

Apokalisi 22:4

Dâ koo kəmɛ̂ ngaâ ria a to əngo-nɔnde tə̂.

Apokalisi 3:12

Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.

Apokalisi 4:1

Goe tə̂ a, moo ta-kəy kə̂ tokə kɔru mə dara tə̂. Ndu kə̂ pa səm tar kete ngaâ bbar tokə lə təbbə le, pa nan: «Aal kə nəənn, mâ tɔji nɛ̂n kə̂ a ddee goe tə̂.»

Apokalisi 6:8

A moo marə sunda kə̂ rɔɛ̂ tokə lə kam. Ri dəw kə̂ aal sunda le nan Yo. Ngaâ lo lə dəwje kə̂ oy aw unn goe. Bbo n̂-kayn dɔ nangə loe sɔ a, darəde singa karə n̂-tɔlje dəwje kə̂ dəbbə nangə tə̂ le loe kâra. Dâ tɔlje dəwje le kə tɔkə kiya ddəm bbo ddəm rɔ-to kə̂ maji ang ddəm ngaâ dâ karəje daje kə̂ muû kə̂ dɔ nangə tə̂ tɔlde tɔ.