Apokalisi 13:5 - Dɔnɔn kə̂ Siki: Tar kə̂ aw arə təbbə

⁵ Darə ddəw da le karə pa tar-boroje ddəm karə taji Lubba ddəm. Darɛ̂ singa karə n̂-dda nɛ̂njeenn mba nɛyn dɔsɔ gire joo.

Maketuru le Lubba ke tar kabba

⁵ Dare ddew da le kare pa tar-boroje ddem, kare taji Lubba ddem. Dare singa kare n̂-dda nejeenn mba neyn dɔsɔ gire joo.

Apokalisi 13:5 ပူးပေါင်းရင်းမြစ်များ

2 Tesalonisinyɛje 2:3

Dang bba arəje marə dəw ərəse kə marə gusu ang. Dɔngɔrɛ̂, dəwje a kunnje kutu dda dɔ-kətərə kə Lubba bba. Ngaâ dəw kə̂ mbətə ta dda nɛ̂n kə turu ndu Lubba a tɔju rɔɛ̂ kə ddaka. Ne le Lubba undɛ̂ karə n̂-nayn kə kɔrɔ̂ nyɔm.

2 Tesalonisinyɛje 2:4

Ne le, nâ kin ta mbətə nɛ̂nje tɔyn kə̂ dəwje aw poloje kə nɛ̂n tɔyn kə̂ daw bbar nan lubba. Nâ kaw ndərəng kaw kisi mə Kəy-polo Lubba tə̂ ngaâ nâ dda rɔɛ̂ to Lubba njaa.

2 Tesalonisinyɛje 2:8

Yeenn ngaâ nâ tɔju rɔɛ̂ kə ddaka ngaâ Əbbə-dəwje Jeju a tɔlɛ̂ kə ləl tɛɛ̂, nâ tuje kə ndoko laa kə̂ nâ ddee nɛ̂n.

Apokalisi 11:7

Bbo n̂-paje tar-naji le n̂-tungaje a, da kə̂ a kin mə tɔkə buwa tə̂ kə̂ sunrɛ̂ goto le a dda ddɔ kə de, singɛ̂ a kutade ngaâ nâ tɔlde.

Apokalisi 12:14

A darə dɛnɛ̂n le ubba bakɛ̂ joo tokə lə bakə tɔkə təndə karə nin nɛ̂n naw nɛ̂n mə kɔr tə̂, lo tə̂ kə̂ n̂-gɔl mbɛɛ̂, karə darɛ̂ nɛ̂n-kusa tə̂ n̂-gəmɛ̂ nɛ̂n, ddəw əw kə li le. Nâ nayn baann lo tə̂ənn mba bbal mota kə gɛɛ̂n.

Apokalisi 12:6

A dɛnɛ̂n le ayn aw mə kɔr tə̂, lo tə̂ kə̂ Lubba gɔl arɛ̂ karə n̂-ngəmɛ̂ kə nɛ̂n-kusa tə̂ mba ndɔ doro kâra kə kɔr joo gire dɔmisan (1 260).

Apokalisi 13:7

Darɛ̂ ddəw karə n̂-dda ddɔ kə dəwje lə Lubba ngaâ ta tətəde kə ddɔ. Darɛ̂ singa dɔ dəwje tə̂ kə̂ gəl-kujude dang dang tɔyn, dɔ dəwje tə̂ kə̂ bbeje tə̂ tɔyn kə dɔ dəwje tə̂ kə̂ ndɔn-tarje ləde toje dang dang tɔyn kə dɔ dəwje tə̂ kə̂ gəlde dang dang tɔyn.