Apokalisi 13:4 - Dɔnɔn kə̂ Siki: Tar kə̂ aw arə təbbə

⁴ Dəwje tɔyn ɔsuje məkəjə-gɔlde nangə̂ nɔn da tə̂ kə̂ unn da-rɔ mar le, mba singa kə̂ narə da kə̂ in mə ba-katə tə̂ tee le. Dede tɔyn dɔsuje məkəjə-gɔlde nangə̂ nɔn da tə̂ kə̂ in mə ba-katə tə̂ tee le ngaâ n̂-paje nan: «Nân bba asə naan kə da le wa? Nân bba asə ta ddɔ saa wa?»

Maketuru le Lubba ke tar kabba

⁴ Dewje tɔyn ɔsuje mekeji gɔlde nangê nɔ da te ke unda rɔ mar te le, mba singa ke nare da ke in me ba-kate te tee le. Dede tɔyn dɔsuje mekeji gɔlde nangê nɔ da te ke in me ba-kate te tee le, ngaa n̂-paje na: «Na ase naa ke da le wa? Na ase ta ddɔ saa wa?»

Apokalisi 13:4 ပူးပေါင်းရင်းမြစ်များ

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Tesalonisinyɛje 2:4

Ne le, nâ kin ta mbətə nɛ̂nje tɔyn kə̂ dəwje aw poloje kə nɛ̂n tɔyn kə̂ daw bbar nan lubba. Nâ kaw ndərəng kaw kisi mə Kəy-polo Lubba tə̂ ngaâ nâ dda rɔɛ̂ to Lubba njaa.

Apokalisi 12:3

Marə nɛ̂n dang təl ubba mə dara tə̂ bbay. Marə tɔkə da kə̂ unn da-rɔ mar, rɔɛ̂ kasɛ̂ tokə lə puru, dɔɛ̂ siri a gajɛ̂ dɔku. Əjɔkudɔje siri toje dɔɛ̂je tə̂ kə̂ siri le.

Apokalisi 12:4

Bbo n̂-kayn horo əndɛtɛrɛndɛnje kə̂ darâ loe mota a, bbɔngu tɔkə da le saa dəbbə əndɛtɛrɛndɛnje loe kâra tilade nangə̂. Tɔkə da le ddee ar nɔn dɛnɛ̂n tə̂ kə̂ aw nduru ndo le aw nginan ta bbo nuju be njaa a, kunn ngonn kə̂ nuje le kusɛ̂ kure kə loe baa.

Apokalisi 13:11

Goe tə̂ a, moo marə da dang bbay unda lo mə nangə tə̂ tee. Gajɛ̂ ee joo tokə gaji ngonn batə. A naw pa tar tokə tɔkə da kə̂ unn da-rɔ mar le.

Apokalisi 13:15

Darɛ̂ singa karə nula kəwn mə ətaar tə̂ kə̂ ndaji da kə̂ unn da-rɔ da kə̂ in mə maann tə̂ tee le. Ətaar kə̂ ndaji da le a pa tar ngaâ a dda karə n̂-tɔl dəwje tɔyn kə̂ a mbətəje ta kɔsu məkəjə-gɔlde nangə̂ nɔɛ̂n tə̂.

Apokalisi 13:2

Da kə̂ mooe le unn da-rɔ kakə. Gɔlɛ̂ tokə gɔl ənjakəmnjar, a tɛɛ̂ tokə ta ənam. Tɔkə da kə̂ unn da-rɔ mar le arɛ̂ singa-mɔngu laa kə ngende-mbay laa kə singa kə̂ ngəng nya.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Apokalisi 18:18

ngaâ dooje sa-puru kə̂ aw ɔɛ̂n le a, duruje əkii nan: «Tɔkə bbe kə̂ dda bba asə naan kə bbe-bo wa?»

Apokalisi 9:20

A kəsə dəwje kə̂ nɛ̂n kəm-to-ndooje nəənn le tɔljede ang le inyaje ddəw polo kɔrje kə̂ n̂-ddaje kə jide njaa le ang. N̂-naynje daw poloje ndilje kə̂ maji ang, daw poloje kɔrje kə̂ n̂-ddaje kə andə kə narɛ kə tungu kə ər kə kakə. Kɔrje kə̂ aw ooje lo ang ddəm aw ooje tar ang ddəm aw njaje ang ddəm le.