Apokalisi 13:16 - Dɔnɔn kə̂ Siki: Tar kə̂ aw arə təbbə

¹⁶ Da le uwa dəwje tɔyn njaa kə singa arə n̂-dda marə əndaji mə jide tə̂ kə̂ kɔl, ang a, əngo-nɔnde tə̂: Njê kə̂ bo kə njê kə̂ tɛn, njê-nɛ̂n-kingaje kə njê-ndooje, bbərəje kə bbərəje ang.

Maketuru le Lubba ke tar kabba

¹⁶ Da le uwa dewje tɔyn njaa ke singa are n̂-dda mare endaji me jide te ke kɔl, wase engo-nɔde te: Nje ke bo, ke nje ke ngaji, nje-ne-kingaje, ke nje-ndooje, bbereje, ke nje ke toje to bbereje ang.

Apokalisi 13:16 ပူးပေါင်းရင်းမြစ်များ

Kulaje 26:22

A Lubba njaa ngəməm ndərəng bbokənɛn karə mɔru gəle nɔn dəwje tə̂ tɔyn, njê kə̂ tɛn wase njê kə̂ bo kara m-nayn maw pa tar-naji laa bbay. Nɛ̂n kə̂ a ta ddee kə̂ njê-kilaje mbər tar lə Lubba kə Mɔyijə n̂-paje tarɛ̂ le njaa maw pa tarɛ̂. Mila marə nɛ̂n dɔɛ̂ tə̂ ang.

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

Galatəje 6:17

Bbasinɛn nəənn, m-ndiki karə dəw dda arə məje tar ang ngaa. Mba koro-doje kə̂ rɔm tə̂ tɔju to m-to dəw lə Jeju.

Epɛjinyɛje 6:8

Ə-gərəje kə majɛ̂: Dəw kə̂ to bbərə wase dəw kə̂ to bbərə ang kara a kinga kuka ji Əbbə-dəwje tə̂ asə kəm maji laa kə̂ n̂-dda.

Kolosinyɛje 3:11

Bbasinɛn, Gɛrɛkə wase Jiipi goto ngaa. Dəw kə̂ uja ganja wase uja ganja ang goto. Dəw kə̂ gəle to dang wase dəw kə̂ kəmɛ̂ ɔru ang goto. Dəw kə̂ to bbərə wase to bbərə ang goto ngaa. A Kristə â to nɛ̂n tɔyn, ne â nee mə dəwje tə̂ tɔyn.

2 Timɔte 3:8

Ləw, Janɛs de kə Jambɛrɛs n̂-mbətəje tar lə Mɔyijə, ddəw kâra baa, dəwje nəənn aw mbətəje tar kə̂ tɔkɔrɔ tokə baann tɔ. N̂-toje to dəwje kə̂ kəjə ləde tuju ngaâ mə-kunn ləde to nɛ̂n kâra ang.

Apokalisi 11:18

Gəl-dəwje kə̂ toje to ləi ang ddaje wungu, a bbasinɛn, kar wungu ləi asə ngaa. Kar gangə sariya dɔ dəwje tə̂ kə̂ oyje asə ngaa. To kar kə̂ â kuka nɛ̂n njê-kulaje ləi kə̂ toje to njê-kilaje mbər tar ləi, njê kə̂ toje to dəwje ləi kə njê kə̂ aw bbəəlje rii, dede kə̂ n̂-toje to dəwje kə̂ ngaji, kə dede kə̂ n̂-toje to dəwje kə̂ bo. To kar kə̂ â tuju nɛ̂n dəwje kə̂ aw tujuje nangə.»

Apokalisi 15:2

Moo marə nɛ̂n tokə lə ba-ər kə̂ kəmɛ̂ arɛ yərərə kə̂ pole naan kə puru. Dəwje kə̂ tətəje da le ddəm ətaar laa ddəm nimɔrɔ ria ddəm kə ddɔ le arje dɔ ba-ər tə̂ kə̂ kəmɛ̂ arɛ yərərə le. Duwaje kondeje lə Lubba jide tə̂.

Apokalisi 19:18

mba kɔn taal tɔkə mbayje, taal mbayje lə mbambaje kə taal njê-singa-mɔnguje. Taal sundaje kə taal njê kə̂ aalje sundaje le, taal dəwje tɔyn, bbərəje kə bbərəje ang, taal dəwje kə̂ ngaji kə dəwje kə̂ bo.»

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.

Apokalisi 19:5

Ngaâ, marə ndu bbar ngende-mbay tə̂ le nan: «Ɔsuje gaji Lubba ləje, see njê-kulaje laa tɔyn, see njê kə̂ ngaji kə see njê kə̂ bo kə̂ aw bbəəleje!»

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).

Apokalisi 6:15

Tɔkə mbayje kə̂ dɔ nangə tə̂, njê-kɔn-bbeje, njê-kɔnje dɔ mbambaje, njê-nɛ̂n-kingaje, njê-singa-mɔnguje, bbərəje kə bbərəje ang, diyaje rɔde bolo ddingirije tə̂ kə horo ərje tə̂.

Apokalisi 7:3

«Ə-tujuje nangə ang ddəm ba-katə ang ddəm kakəje ang ddəm. Ə-nginanje arə juja əndaji əngo-nɔn njê-kulaje tə̂ lə Lubba ləje bba.»