Apokalisi 13:15 - Dɔnɔn kə̂ Siki: Tar kə̂ aw arə təbbə

¹⁵ Darɛ̂ singa karə nula kəwn mə ətaar tə̂ kə̂ ndaji da kə̂ unn da-rɔ da kə̂ in mə maann tə̂ tee le. Ətaar kə̂ ndaji da le a pa tar ngaâ a dda karə n̂-tɔl dəwje tɔyn kə̂ a mbətəje ta kɔsu məkəjə-gɔlde nangə̂ nɔɛ̂n tə̂.

Maketuru le Lubba ke tar kabba

¹⁵ Dare singa kare nula kewn me kɔr te ke unda rɔ da ke in me maann te tee le. Kɔr le a pa tar, ngaa a dda kar n̂-tɔl dewje tɔyn ke a mbeteje ta kɔsu mekeji gɔlde nange nɔ kɔr te le.

Apokalisi 13:15 ပူးပေါင်းရင်းမြစ်များ

Jakə 2:26

Ddəw kâra baa kə da-rɔ dəw kə̂ bbo kəwn laa tee a, oy le, mə-kunn kə̂ kulɛ̂ goto oy tɔ.

Apokalisi 13:1

Goe tə̂ a, moo marə da in mə ba-katə tə̂ tee. Gajɛ̂ ee dɔku, a dɔɛ̂ ee siri. Əjɔkudɔ dɔku toje dɔ gajɛ̂je tə̂ le kâra kâra ngaâ n̂-dda rije kə̂ toje to ri taji Lubba dɔɛ̂je tə̂ le kâra kâra tɔyn.

Apokalisi 13:12

Naw dda kula kə singa kə̂ da kə̂ in mə maann tə̂ tee ee nɛ̂n le dɔ kəmɛ̂ tə̂ njaa. N̂-dda narə nangə kə dəwje kə̂ isije dɔ nangə tə̂ aw ɔsuje məkəjə-gɔlde nɔn da tə̂ kə̂ in mə maann tə̂ tee le, ne kə̂ do laa asə karə noy nɛ̂n bba do le ərə le.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 14:11

Puru kə̂ aw ula kəmde ndoo le sɛɛ̂ a kubba bbal kə bbal. Ngaâ dəwje kə̂ aw poloje da le kə ətaar kə̂ ndaji da kə̂ unn da-rɔ da le kə dede kə̂ dɔsu əndaji ri da le rɔde tə̂, til kə kar, dâ kuwaje rɔde ang.»

Apokalisi 14:9

Marə anjə kə̂ dang kə̂ to mota laa ddee go njê kə̂ joo tə̂ le ngaâ pa kə singa nan: «Bbo dəw ɔsu məkəjə-gɔlɛ̂ nangə̂ nɔn da tə̂ le kə nɔn ətaar tə̂ kə̂ unn da-rɔ da le ngaâ dɔsu əndaji da le əngo-nɔɛ̂n tə̂ wase mə jia tə̂ a,

Apokalisi 16:2

Anjə kə̂ to dɔngɔrɛ̂ aw mbəl wungu kə̂ mə əngo tə̂ laa dɔ nangə tə̂. Do kə̂ maji ang ddəm aw to nya ddəm oso rɔ dəwje tə̂ kə̂ əndaji lə da le to rɔde tə̂ ngaâ aw poloje ətaar kə̂ ndaji da le.

Apokalisi 16:5

Moo ndu anjə kə̂ ɔn dɔ maannje pa nan: «Əi kə̂ ə-to bbokənɛn ddəm ə-to ləw ddəm ə-maji tɔyn ddəm ə-to gatə gatə ɔju dɔ sariyaje kə̂ ə-gangə nəənn.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Apokalisi 17:17

Mba Lubba ula kəjə laa məde tə̂ karə n̂-ddaje nɛ̂n kə̂ məɛ̂ ndiki. Dâ ddaje nɛ̂n kə̂ kâra baa. Dâ kinyaje singa kɔn-mbay ləde ji da tə̂ le ndərəng ta karə tarje lə Lubba ddeeje to nɛ̂n kə̂ tɔkɔrɔ.

Apokalisi 17:6

Moo dɛnɛ̂n le a, məsə dəwje lə Lubba kə məsə njê-tar-najije lə Jeju kə̂ nay le aw ddɛɛ̂ tokə lə koto. Koo kə̂ mooe a, məm unda dɔ binya nya.

Apokalisi 18:20

Dəwje kə̂ darâ, ə-ddaje rɔ-nəəl mba koso lə Babilɔnn le. See dəwje lə Lubba, see njê-kaw-kulaje kə njê-kilaje mbər tar lə Lubba, ə-ddaje rɔ-nəəl tɔ, mba Lubba gangə sariya dɔɛ̂ tə̂ mba nɛ̂n kə̂ n̂-dda kə se le.

Apokalisi 18:24

Mba mə bbe tə̂ ləi â n̂-kayn məsə dəwje tɔyn kə̂ n̂-tɔlde dɔ nangə tə̂ ddəm məsə njê-kilaje mbər tar lə Lubba ddəm dəwje lə Lubba ddəm.»

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).