Apokalisi 12:3 - Dɔnɔn kə̂ Siki: Tar kə̂ aw arə təbbə

³ Marə nɛ̂n dang təl ubba mə dara tə̂ bbay. Marə tɔkə da kə̂ unn da-rɔ mar, rɔɛ̂ kasɛ̂ tokə lə puru, dɔɛ̂ siri a gajɛ̂ dɔku. Əjɔkudɔje siri toje dɔɛ̂je tə̂ kə̂ siri le.

Maketuru le Lubba ke tar kabba

³ Mare ne dang tel ubba me dara te. Mare tɔku da ke toke le mar, rɔe kase toke le puru, dɔe siri, a gaje dɔku. Ejɔkudɔje siri toje dɔeje te ke siri le.

Apokalisi 12:3 ပူးပေါင်းရင်းမြစ်များ

Apokalisi 12:1

Marə tɔkə nɛ̂n ubba mə dara tə̂. Marə dɛnɛ̂n ula kar rɔɛ̂ tə̂ tokə kubbu, nɛyn to kɔ gɔlɛ̂ tə̂ ngaâ əndɛtɛrɛndɛnje dɔku gire joo toje dɔɛ̂ tə̂ tokə əjɔkudɔ.

Apokalisi 12:13

Tɔkə da le oo kutɛ̂ kə̂ dutɛ̂ dilɛ̂ dɔ nangə tə̂ mban le a, nunn kutu tubba dɛnɛ̂n kə̂ uju ngonn kə̂ dingaw le.

Apokalisi 12:17

Wungu ɔn da le dɔ dɛnɛ̂n tə̂ le ngaâ təl kə dɔ kəsə dəwje tə̂ kə̂ toje to ngaka dɛnɛ̂n le aw dda ddɔ kə de. To dede kə̂ daw ngəmje nduje lə Lubba kə tar-najije lə Jeju.

Apokalisi 12:4

Bbo n̂-kayn horo əndɛtɛrɛndɛnje kə̂ darâ loe mota a, bbɔngu tɔkə da le saa dəbbə əndɛtɛrɛndɛnje loe kâra tilade nangə̂. Tɔkə da le ddee ar nɔn dɛnɛ̂n tə̂ kə̂ aw nduru ndo le aw nginan ta bbo nuju be njaa a, kunn ngonn kə̂ nuje le kusɛ̂ kure kə loe baa.

Apokalisi 12:7

Ddɔ in mə dara tə̂. Misɛl de kə anjəje laa n̂-ddɔje kə tɔkə da kə̂ unn da-rɔ mar le. Da le kə anjəje laa n̂-ddɔje kə de tɔ.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:1

Goe tə̂ a, moo marə da in mə ba-katə tə̂ tee. Gajɛ̂ ee dɔku, a dɔɛ̂ ee siri. Əjɔkudɔ dɔku toje dɔ gajɛ̂je tə̂ le kâra kâra ngaâ n̂-dda rije kə̂ toje to ri taji Lubba dɔɛ̂je tə̂ le kâra kâra tɔyn.

Apokalisi 13:2

Da kə̂ mooe le unn da-rɔ kakə. Gɔlɛ̂ tokə gɔl ənjakəmnjar, a tɛɛ̂ tokə ta ənam. Tɔkə da kə̂ unn da-rɔ mar le arɛ̂ singa-mɔngu laa kə ngende-mbay laa kə singa kə̂ ngəng nya.

Apokalisi 13:4

Dəwje tɔyn ɔsuje məkəjə-gɔlde nangə̂ nɔn da tə̂ kə̂ unn da-rɔ mar le, mba singa kə̂ narə da kə̂ in mə ba-katə tə̂ tee le. Dede tɔyn dɔsuje məkəjə-gɔlde nangə̂ nɔn da tə̂ kə̂ in mə ba-katə tə̂ tee le ngaâ n̂-paje nan: «Nân bba asə naan kə da le wa? Nân bba asə ta ddɔ saa wa?»

Apokalisi 15:1

Goe tə̂ a, moo marə nɛ̂n kə̂ bo kə̂ kura laa dum dɔ dəwje mə dara tə̂: Anjəje siri uwaje nɛ̂n kəm-to-ndooje siri jide tə̂. To dɔbɔyn nɛ̂n kəm-to-ndooje, mba ddəwe tə̂ â, wungu lə Lubba a ddee nɛ̂n dɔ dəwje tə̂.

Apokalisi 16:13

Ngaâ, moo ndilje kə̂ maji ang mota, ndil kə̂ dɔngɔr in mə kil da tə̂ kə̂ unn da-rɔ mar le tee, ndil kə̂ to joo laa in mə kil da tə̂ kə̂ kâra le, mota laa in mə kil nje-kila mbər tar tə̂ kə̂ tɔkɔrɔ ang le daw teeje. Ndilje kə̂ maji ang kə̂ mota le undaje rɔ ənginaynje.

Apokalisi 17:12

«Gaji da kə̂ dɔku kə̂ oo le to tɔkə mbayje dɔku kə̂ nayn ɔnje mbay ang bbay. A dâ kinga singa kə̂ ta kɔn nɛ̂n mbay mba gɔl kar kâra kə da le.

Apokalisi 17:16

Gaji da kə̂ dɔku kə̂ oo le ddəm da le ddəm dâ mbətəje dɛnɛ̂n nje-kaya le, dâ taaje nɛ̂nje laa tɔyn ngaâ dâ kinyɛ̂je rɔɛ̂ baa. Dâ kusaje taal-rɔɛ̂ ngaâ dâ roeje kə puru.

Apokalisi 17:7

Yeenn ngaâ anjə le pa arəm nan: «Məi aw unda dɔ binya mba ddi wa? Mâ pa nɛ̂n kə̂ iya rɔɛ̂ kə̂ dɔ dɛnɛ̂n tə̂ nəənn kə ye kə̂ dɔ da tə̂ kə̂ dɔɛ̂ ee siri ngaâ gajɛ̂ ee dɔku kə̂ nisi dɔɛ̂ tə̂ nəənn kari.

Apokalisi 19:12

Kəmɛ̂ to tokə puru kə̂ aw ɔn. Əjɔkudɔ tokə banya toje dɔɛ̂ tə̂. N̂-dda marə ri rɔɛ̂ tə̂, a ne kə̂ karɛ̂ baa njaa n̂-gərə ri le.

Apokalisi 20:2

Nuwa da kə̂ unn da-rɔ mar, kə̂ to li kə̂ ləw, kə̂ to əsu, kə̂ to Satan le ngaâ n̂-tɔɛ̂ kə kula njamji mba bbal doro kâra (1 000)