Apokalisi 12:17 - Dɔnɔn kə̂ Siki: Tar kə̂ aw arə təbbə

¹⁷ Wungu ɔn da le dɔ dɛnɛ̂n tə̂ le ngaâ təl kə dɔ kəsə dəwje tə̂ kə̂ toje to ngaka dɛnɛ̂n le aw dda ddɔ kə de. To dede kə̂ daw ngəmje nduje lə Lubba kə tar-najije lə Jeju.

Maketuru le Lubba ke tar kabba

¹⁷ Wungu ɔn da le dɔ dene te le, ngaa tel ke dɔ kese dewje te ke gel dene te le, aw dda ddɔ ke de. To dede ke daw n̂-ngemje nduje le Lubba, ke tar-najije le Jeju.

Apokalisi 12:17 ပူးပေါင်းရင်းမြစ်များ

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

1 Kɔrɛntinyɛje 2:1

Ngakɔnʼmje, ndɔ tə̂ kə̂ m-tee nɛ̂n rɔse tə̂ mba kila mbər tar nɛ̂n kə̂ Lubba ndiki ta dda kə̂ nayn lo-kiyɛ̂ tə̂ bbay le, tarje kə̂ toje to ngɔɛ̂ ngɔɛ̂ wase tar kəm-karɛ â mila nɛ̂n mbər le marəse ang.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

1 Jan 2:3

Bbo n-ngəmje ndu lə Lubba a, yeenn tɔju to n-gərəje Lubba.

1 Jan 5:10

Dəw kə̂ unn məɛ̂ arə Ngonn lə Lubba, tar-naji le to məɛ̂ tə̂. Dəw kə̂ unn məɛ̂ arə Lubba ang, dəw le dda arə Lubba ddee to nje-ngəm, mba nunda mə-kunn laa dɔ tar-naji tə̂ kə̂ Lubba pa dɔ Ngonnɛ̂ tə̂ le ang.

1 Jan 5:2

Ddəw kə̂ ja gərəje nɛ̂n to n-ndikije ngann lə Lubba â nəənn: n-ndikije Lubba ngaâ n-ddaje nɛ̂n kə turu nduje laa.

Apokalisi 1:2

Jan pa tar-naji nɛ̂nje tɔyn kə̂ noo le. N̂-pa nan, nɛ̂n kə̂ noo le to tar lə Lubba njaa â Jeju-Kristə tee nɛ̂n kə ddaka.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 11:7

Bbo n̂-paje tar-naji le n̂-tungaje a, da kə̂ a kin mə tɔkə buwa tə̂ kə̂ sunrɛ̂ goto le a dda ddɔ kə de, singɛ̂ a kutade ngaâ nâ tɔlde.

Apokalisi 12:16

A nangə ddee uman dɛnɛ̂n le. Nangə təəyn tɛɛ̂ uru nɛ̂n ba kə̂ tɔkə da le tɔmɔn le.

Apokalisi 13:7

Darɛ̂ ddəw karə n̂-dda ddɔ kə dəwje lə Lubba ngaâ ta tətəde kə ddɔ. Darɛ̂ singa dɔ dəwje tə̂ kə̂ gəl-kujude dang dang tɔyn, dɔ dəwje tə̂ kə̂ bbeje tə̂ tɔyn kə dɔ dəwje tə̂ kə̂ ndɔn-tarje ləde toje dang dang tɔyn kə dɔ dəwje tə̂ kə̂ gəlde dang dang tɔyn.

Apokalisi 14:12

Lo tə̂ nəənn to ta karə dəwje lə Lubba kə̂ aw ngəmje nduje laa ngaâ naynje ddəw məde tə̂ kə̂ dunnje darə Jeju le duwaje darə ngəng.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Apokalisi 17:6

Moo dɛnɛ̂n le a, məsə dəwje lə Lubba kə məsə njê-tar-najije lə Jeju kə̂ nay le aw ddɛɛ̂ tokə lə koto. Koo kə̂ mooe a, məm unda dɔ binya nya.

Apokalisi 18:20

Dəwje kə̂ darâ, ə-ddaje rɔ-nəəl mba koso lə Babilɔnn le. See dəwje lə Lubba, see njê-kaw-kulaje kə njê-kilaje mbər tar lə Lubba, ə-ddaje rɔ-nəəl tɔ, mba Lubba gangə sariya dɔɛ̂ tə̂ mba nɛ̂n kə̂ n̂-dda kə se le.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 19:19

Goe tə̂ a, moo da le kə tɔkə mbayje kə̂ dɔ nangə tə̂ kə mbambaje ləde. N̂-mbɔnje naan ta ddɔ kə dəw kə̂ isi dɔ sunda tə̂ le, ne kə mbambaje laa.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).

Apokalisi 22:14

Maji arəde, de dəwje kə̂ daw tokoje kubbuje ləde, ta kinga ddəw kusa kandə kakə kə̂ aw arə dəw təbbə ddəm ta kandə kə ta-ndoko mə bbe tə̂ le ddəm.

Apokalisi 6:9

Ngonn batə le ɔru nɛ̂n kə̂ n̂-lətə nɛ̂n ta makəturu le kə̂ to min laa a, moo ndil dəwje kɔ bann tə̂. To ndil dəwje kə̂ n̂-tɔlde mba tar lə Lubba kə tar-naji kə̂ n̂-paje.