Apokalisi 12:11 - Dɔnɔn kə̂ Siki: Tar kə̂ aw arə təbbə

¹¹ A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.

Maketuru le Lubba ke tar kabba

¹¹ A ngakɔnje le teteje ddɔ dɔe te, wɔju dɔ mese Ngonn Bate ddem, wɔju dɔ tar le Lubba ke n̂-paje tar-naje ddem. Dooje tebbe lede njaa to ne ke baa ddem, n̂-bbeelje yo ang ddem.

Apokalisi 12:11 ပူးပေါင်းရင်းမြစ်များ

Luku 14:26

«Bbo dəw ddee rɔm tə̂ ngaâ ndikim uta bɔɛ̂je kə kɔɛ̂nje kə dɛnɛ̂n laa kə ngannɛ̂ kə ngakɔɛ̂nje kə ngakɔn-nannɛ̂je kə da-rɔɛ̂ njaa ang a, nân to nje-nja gom tə̂ ang.

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Rɔmɛnje 16:20

Mbɔr ang a, Lubba kə̂ nje-karə mə-wul-lɔm a rii Satan nangə̂ kɔ gɔlse tə̂. Maji karə mə-maji lə Əbbəjeje Jeju nayn kə se.

1 Kɔrɛntinyɛje 15:57

A jarəje wooyo Lubba kə̂ dda arə n-tətə ddɔ ddəw tə̂ lə Əbbəjeje Jeju-Kristə.

1 Jan 4:4

See ngannje kə̂ ngaji kə̂ ə-toje to ənga Lubba, aalje dɔ njê-kilaje mbər tar kə̂ toje to njê-ngəmjeenn le mban, mba Ndil kə̂ to məse tə̂ ubba singa nya uta ndil kə̂ duninya tə̂ nəənn.

1 Jan 5:5

Nân bba tətə duninya nəənn kə ddɔ wa? Dəw kə̂ ndiki tə̂ məɛ̂ tə̂ nan Jeju to Ngonn lə Lubba â tətə ddɔ le.

Apokalisi 1:2

Jan pa tar-naji nɛ̂nje tɔyn kə̂ noo le. N̂-pa nan, nɛ̂n kə̂ noo le to tar lə Lubba njaa â Jeju-Kristə tee nɛ̂n kə ddaka.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 11:7

Bbo n̂-paje tar-naji le n̂-tungaje a, da kə̂ a kin mə tɔkə buwa tə̂ kə̂ sunrɛ̂ goto le a dda ddɔ kə de, singɛ̂ a kutade ngaâ nâ tɔlde.

Apokalisi 12:17

Wungu ɔn da le dɔ dɛnɛ̂n tə̂ le ngaâ təl kə dɔ kəsə dəwje tə̂ kə̂ toje to ngaka dɛnɛ̂n le aw dda ddɔ kə de. To dede kə̂ daw ngəmje nduje lə Lubba kə tar-najije lə Jeju.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 2:17

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ mann kə̂ to lo-kiyɛ̂ tə̂ ngaâ mâ karɛ̂ ər-nda kə̂ n̂-dda marə ri kə̂ siki dɔɛ̂ tə̂. To ri kə̂ dəw kâra gərə ang. Dəw kə̂ dunda ri le dɔɛ̂ tə̂ bba a gərə ri le.»

Apokalisi 2:26

Dəw kə̂ tətə ddɔ ngaâ dda kulaje ləm ndərəng ɔsu kɔnyɛ̂ a, mâ karə nɔn dɔ gəl-dəwje.

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).

Apokalisi 3:12

Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.

Apokalisi 3:5

Yeenn a, dəwje kə̂ tətəje ddɔ a, dâ kulaje kubbuje kə̂ nda, mâ tuju ride makəturu təbbə tə̂ ndɔ kâra ang. Mâ pa nɔn bɔmje tə̂ kə nɔn anjəje tə̂ laa nan n̂-toje to dəwje ləm.

Apokalisi 6:9

Ngonn batə le ɔru nɛ̂n kə̂ n̂-lətə nɛ̂n ta makəturu le kə̂ to min laa a, moo ndil dəwje kɔ bann tə̂. To ndil dəwje kə̂ n̂-tɔlde mba tar lə Lubba kə tar-naji kə̂ n̂-paje.