Apokalisi 12:1 - Dɔnɔn kə̂ Siki: Tar kə̂ aw arə təbbə

¹ Marə tɔkə nɛ̂n ubba mə dara tə̂. Marə dɛnɛ̂n ula kar rɔɛ̂ tə̂ tokə kubbu, nɛyn to kɔ gɔlɛ̂ tə̂ ngaâ əndɛtɛrɛndɛnje dɔku gire joo toje dɔɛ̂ tə̂ tokə əjɔkudɔ.

Maketuru le Lubba ke tar kabba

¹ Mare tɔku ne ubba me dara te. Mare dene ula kare rɔe te toke kubbu, neyn to kɔ gɔle te, ngaa endeterendeje dɔku gire joo toje dɔe te to ejɔkudɔ.

Apokalisi 12:1 ပူးပေါင်းရင်းမြစ်များ

Matiye 12:38

Yeenn ngaâ marə njê-gərəje-Ndu kə marə Parijinyɛje paje arəje Jeju nan: «Nje-nɛ̂n-tɔju, ə-dda marə nɛ̂n-mɔri arəje joo.»

Matiye 24:30

Yeenn ngaâ nɛ̂n kə̂ a tɔju karə dəwje gərəje nɛ̂n təl lə Ngonn lə dəw a kubba mə dara tə̂. Dəwje tɔyn kə̂ duninya tə̂ a nɔnje. Dâ kooje Ngonn lə dəw kə̂ a ddee mə mum tə̂ kə singa-mɔngu nya ddəm kə piti nya ddəm.

Marke 13:25

Əndɛtɛrɛndɛnje a kinje darâ gaynje nangə̂ ngaâ singa-mɔnguje kə̂ darâ a yəkəje.

Luku 21:11

Nangə a yəkə to bbəəl nya, bbo a koso, rɔ-toje kə̂ dəwje a koyje nɛ̂n nya a koso marə loje tə̂. Marə nɛ̂n-bbəəlje kə nɛ̂n-mɔrije a kubbaje darâ.»

Luku 21:25

«Nɛ̂nje kə̂ dumje dɔ dəw a teeje kəm kar tə̂ ddəm kəm nɛyn tə̂ ddəm kəm əndɛtɛrɛndɛnje tə̂ ddəm. Bbəəl a tɔl dəwje kə̂ dɔ nangə tə̂ mba ba-katə kə̂ kɔrɛ̂ a bbar ngaâ a ləngə.

Tar kə̂ Maji kə̂ Jan dda makəturu tə̂ 3:29

Dəw kə̂ ee kə dɛnɛ̂n, to nje-dɛnɛ̂n le. A dəw kə̂ to nje-buwa-kura lə nje-dɛnɛ̂n le isi mbɔrɛ̂ tə̂. Naw noo tar laa ngaâ rɔɛ̂ nəəle nya mba ndue kə̂ naw noo le. Rɔ-nəəl nəənn le to ləm tɔ. To rɔ-nəəl kə̂ bo nya.

Kulaje 2:19

Mâ dda nɛ̂n kə̂ dum dɔ koo taar mə dara tə̂ ddəm mâ dda nɛ̂n-mɔrije bəər dɔ nangə tə̂ ddəm. Məsə, puru kə tɔkə sa-puru.

Rɔmɛnje 13:14

Maji karə ulaje Əbbəjeje Jeju-Kristə tokə nɛ̂n-ddɔ rɔse tə̂ ta inyaje arəje da-rɔse ndasəse arə ə-ddaje nɛ̂n kə̂ bboe ddɛɛ̂ ang.

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

2 Kɔrɛntinyɛje 11:2

Maw mayn jangə dɔse tə̂ tokə Lubba aw ayn jangə dɔse tə̂ le. M-dda mɔrɔ ləse marə dingaw kâra baa kə̂ to Kristə. M-ndiki ta ddee kə se nɔɛ̂n tə̂ tokə ngonn mandə kə̂ gərə ngaw ang bbay kə̂ aw ngəm rɔɛ̂.

Galatəje 3:27

Sese tɔyn n̂-ddase batɛm kə ri Kristə arə ə-ddeeje tokə Kristə ngaa.

Galatəje 4:26

A Jerujalɛm kə̂ darâ to bbərə ang. Ne a n̂-to kɔnjeje.

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

Epɛjinyɛje 5:32

Nɛ̂n kə̂ iya rɔɛ̂ mə tar tə̂ nəənn bo nya. A əman, m-pa marəse, tar nəənn to tar lə Kristə kə Egilisi.

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 11:19

Ta-kəy-polo Lubba kə̂ to mə dara tə̂ ɔru ngaâ sanduku dɔnɔn ubba mə kəy-polo tə̂ laa le. Ndi təəl, ndu dəwje bbar, ndi ndangə, nangə yəkə ngaâ kɔju gayn kə singa.

Apokalisi 12:3

Marə nɛ̂n dang təl ubba mə dara tə̂ bbay. Marə tɔkə da kə̂ unn da-rɔ mar, rɔɛ̂ kasɛ̂ tokə lə puru, dɔɛ̂ siri a gajɛ̂ dɔku. Əjɔkudɔje siri toje dɔɛ̂je tə̂ kə̂ siri le.

Apokalisi 15:1

Goe tə̂ a, moo marə nɛ̂n kə̂ bo kə̂ kura laa dum dɔ dəwje mə dara tə̂: Anjəje siri uwaje nɛ̂n kəm-to-ndooje siri jide tə̂. To dɔbɔyn nɛ̂n kəm-to-ndooje, mba ddəwe tə̂ â, wungu lə Lubba a ddee nɛ̂n dɔ dəwje tə̂.

Apokalisi 21:14

Dɔsu ndoko le dɔ ərje tə̂ dɔku gire joo kə̂ dungu nɛ̂n gɔlɛ̂ ngaâ n̂-dda ri njê-kaw-kulaje kə̂ dɔku gire joo kə̂ toje to lə Ngonn batə le kar ərje tə̂ kə̂ dɔku gire joo le kâra kâra.

Apokalisi 21:23

Bbe le aw ndiki karə kar ɔsu wase karə nɛyn nda bba karə məɛ̂ ndoko ang. Mba ndoko lə Lubba â aw dda arə məɛ̂ aw ndoko ngaâ Ngonn batə le â to lambe kə̂ mə tɔkə bbe tə̂ le.