Apokalisi 11:3 - Dɔnɔn kə̂ Siki: Tar kə̂ aw arə təbbə

³ Mâ karə njê-tar-najije ləm kə̂ joo ilaje mbər tar ləm kə kubbu-ndoo rɔde tə̂ ndɔ doro kâra, kɔr joo kə dɔmisan (1 260).»

Maketuru le Lubba ke tar kabba

³ Ma kare nje-tar-najije lem ke joo ilaje mber tar lem, ke kubbu ndoo rɔde te ndɔ doro kara, kɔr joo, ke dɔ misan (1 260).

Apokalisi 11:3 ပူးပေါင်းရင်းမြစ်များ

Matiye 11:21

N̂-pa nan: «To ndoo nya arəse, see dəwje kə̂ Korajɛn! To ndoo nya arəse, see dəwje kə̂ Betesayida! Nɛ̂n-mɔrije kə̂ m-dda horose tə̂ nəənn, bbo m-dda mə bbeje tə̂ kə̂ Tir kə Sidɔn â be a, ləw baa njaa dəwje kə̂ mə bbeje tə̂ənn a kulaje kubbu-ndoo ddəm dâ kisije dɔ bu-puru tə̂ ddəm ngaâ dâ turuje məde.

Matiye 18:16

Bbo noo tar ləi ang a, ə-bbar dəw kâra wase joo ungude dɔi tə̂. Yeenn bba karə tar kə̂ Makəturu lə Lubba pa le ddee to nɛ̂n tɔkɔrɔ. Tar le nan: ‹Dâ gɔl tar nɔn njê-tar-najije tə̂ joo wase mota.›

Luku 10:13

«To ndoo nya arəse, see dəwje kə̂ Korajɛn! To ndoo nya arəse, see dəwje kə̂ Betesayida! Nɛ̂n-mɔrije kə̂ m-dda horose tə̂ nəənn, bbo m-dda mə bbeje tə̂ kə̂ Tir kə Sidɔn â be a, ləw baa njaa dəwje kə̂ mə bbeje tə̂ənn a kula kubbu-ndoo ddəm dâ kisije dɔ bu-puru tə̂ ddəm ngaâ dâ turu məde.

Luku 24:48

Ə-toje to njê-tar-naji nɛ̂nje nəənn le.

Tar kə̂ Maji kə̂ Jan dda makəturu tə̂ 15:27

Ngaâ sese kara, â kɔruje naji ləm, mba eeje səm ləw baa kunn-kute tə̂.»

Tar kə̂ Maji kə̂ Jan dda makəturu tə̂ 3:27

Jan ilade tə̂ nan: «Nɛ̂n kə̂ dara arə bba dəw a kasə ta kinga.

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Kulaje 13:31

ngaâ n̂-tɔju rɔɛ̂ ndɔ banya narə dəwje kə̂ inje saa nangə tə̂ kə̂ Galile dannɛ̂je ndərəng bbe tə̂ kə̂ Jerujalɛm. Dede le ngaâ bbasinɛn n̂-ddeeje to njê-tar-najije laa nɔn dəwje tə̂ kə̂ Ijarayɛl.

Kulaje 2:32

Jeju kə̂ maw pa tar laa nəənn le, noy, a Lubba ndole ngaâ jeje tɔyn n-toje to njê-tar-naji nɛ̂ɛnn le.

Kulaje 3:15

Dəw kə̂ nje-karə təbbə kə̂ ə-tɔlɛ̂je le, Lubba ndole arə n-to njê-tar-naji nɛ̂ɛnn le.

1 Kɔrɛntinyɛje 12:28

Mba yeenn bba, mə Egilisi tə̂, Lubba unda Njê-kaw-kulaje to dəwje kə̂ dɔngɔr. Njê-kilaje mbər tar lə Lubba toje to joo ləde. Njê-nɛ̂n-tɔjuje toje to mota ləde. A goe tə̂ to njê-ddaje nɛ̂n-mɔri, goe tə̂ a narə gusu kaji njê-rɔ-toje, gusu kuman dəwje, gusu kɔn dɔ dəwje kə gusu pa ndɔn-tarje dang dang.

2 Kɔrɛntinyɛje 13:1

Gɔl mota laa ngaa â maw maw kə bbe ləse nəənn. A Makəturu lə Lubba pa nan: «Maji ta koo tar-najije lə dəwje joo wase mota bba ta gangə sariya»

Epɛjinyɛje 4:11

Ne â narə gusu dəwje. Ne â narə marɛ̂je ddeeje to njê-kaw-kulaje, marɛ̂je to njê-kilaje mbər tar lə Lubba, marɛ̂je to njê-kilaje mbər Tar kə̂ Maji, marɛ̂je to njê-kulaje, a marɛ̂je to njê-nɛ̂n-tɔjuje.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 11:2

A inya ndakə lo kə̂ ta kəy-polo tə̂ ddaka bbo ɔju ang. Mba darə ndakə lo le gəl-dəwje kə̂ toje to Jiipije ang. Dâ mbɔynje bbe kə̂ maji tɔyn le kə gɔlde nɛyn dɔsɔ gire joo.

Apokalisi 11:6

Deeje kə singa ta kutu kəm dara karə ndi ərə ang mə ndɔje tə̂ kə̂ daw dilaje nɛ̂n mbər tar lə Lubba. Deeje kə singa ta dda karə maannje təlje to məsə ngaâ ta dda karə nɛ̂n kəm-to-ndooje dang dang osoje dɔ nangə tə̂ tokə məde ndiki.

Apokalisi 12:6

A dɛnɛ̂n le ayn aw mə kɔr tə̂, lo tə̂ kə̂ Lubba gɔl arɛ̂ karə n̂-ngəmɛ̂ kə nɛ̂n-kusa tə̂ mba ndɔ doro kâra kə kɔr joo gire dɔmisan (1 260).

Apokalisi 13:5

Darə ddəw da le karə pa tar-boroje ddəm karə taji Lubba ddəm. Darɛ̂ singa karə n̂-dda nɛ̂njeenn mba nɛyn dɔsɔ gire joo.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).