Apokalisi 1:2 - Dɔnɔn kə̂ Siki: Tar kə̂ aw arə təbbə

² Jan pa tar-naji nɛ̂nje tɔyn kə̂ noo le. N̂-pa nan, nɛ̂n kə̂ noo le to tar lə Lubba njaa â Jeju-Kristə tee nɛ̂n kə ddaka.

Maketuru le Lubba ke tar kabba

² Jan pa tar-naji neje tɔyn ke noo le. N̂-pa na, ne ke noo le to tar le Lubba njaa a Jeju-Kiriste tee ne ke ddaka.

Apokalisi 1:2 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 1:32

Jan pa tar-naji lə Jeju le nan: «Moo Ndil kə̂ in darâ ddisi tokə dər ngaâ isi dɔ Jeju tə̂.

Tar kə̂ Maji kə̂ Jan dda makəturu tə̂ 12:17

Dəwje tɔyn kə̂ arje kə Jeju kar tə̂ kə̂ n̂-bbar Lajar buwa-yo tə̂ narə ndol le aw paje tarɛ̂ arə dəwje.

Tar kə̂ Maji kə̂ Jan dda makəturu tə̂ 19:35

Dəw kə̂ oo nɛ̂nje nəənn le kə kəmɛ̂ â aw ɔru gəle nəənn. N̂-gərə to tar kə̂ tɔkɔrɔ â naw pa. N̂-pa baann karə sese kara ooje məse tə̂.

Tar kə̂ Maji kə̂ Jan dda makəturu tə̂ 21:24

Nje-nja go Jeju tə̂ nəənn le njaa oo nɛ̂njeenn le kə kəmɛ̂ ngaâ dda tarɛ̂ makəturu tə̂ nəənn. N-gərə to tar-naji laa le to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 3:11

M-pa tar kə̂ tɔkɔrɔ mari, nɛ̂n kə̂ n-gərə â jaw pa. Jaw pa tar-naji nɛ̂n kə̂ joo kə kəmje, a sese ə-mbətəje tar-naji ləje.

Kulaje 22:15

Mba maji karə ə-təl to nje-tar-naji laa ta ə-pa tar nɛ̂n kə̂ oo kə mbii ddəm kə kəmi ddəm nɔn dəwje tə̂ tɔyn.

Kulaje 26:16

A in taar. Gəl nɛ̂n kə̂ m-tee mingai nɛ̂n tokə be: M-tee mingai karə ə-təl to nje-kula ləm ddəm karə ə-pa tar koo kə̂ oom nəənn arə dəwje ddəm ta karə ila mbər nɛ̂nje kə̂ mâ tɔji bbay.

Kulaje 4:20

Ddəw kə̂ jeje nəənn ja kutu nɛ̂n taje dɔ nɛ̂n tə̂ kə̂ joo kə kəmje ddəm kə mbije ddəm goto.»

1 Kɔrɛntinyɛje 1:6

Tar lə Kristə kə̂ n̂-pa darəse le ungu ngirɛ̂ nangə̂ horose tə̂ kə majɛ̂.

1 Kɔrɛntinyɛje 2:1

Ngakɔnʼmje, ndɔ tə̂ kə̂ m-tee nɛ̂n rɔse tə̂ mba kila mbər tar nɛ̂n kə̂ Lubba ndiki ta dda kə̂ nayn lo-kiyɛ̂ tə̂ bbay le, tarje kə̂ toje to ngɔɛ̂ ngɔɛ̂ wase tar kəm-karɛ â mila nɛ̂n mbər le marəse ang.

1 Jan 1:1

Nɛ̂n kə̂ to kunn-kute tə̂ njaa, nɛ̂n kə̂ joo kə mbije, nɛ̂n kə̂ joo kə kəmje, nɛ̂n kə̂ n-təənn joo kə majɛ̂ ngaâ jɔru kə jije joo le, nɛ̂n le to Tar kə̂ aw arə təbbə dəwje.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

3 Jan 1:12

Demetrus to dəw kə̂ dəwje tɔyn paje tar laa maji. Tar kə̂ tɔkɔrɔ kə̂ naw nja ddəwe tə̂ kara pa tar-naji laa tɔ. Jeje kara jaw pa tar-naji laa kə majɛ̂. Ə-gərə to tar-naji ləje to tar kə̂ tɔkɔrɔ.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 1:19

Nɛ̂n kə̂ aw oo nəənn, nɛ̂n kə̂ aw to nəənn kə nɛ̂n kə̂ a ddee goe tə̂, maji karə ə-dda makəturu tə̂.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 12:11

A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.

Apokalisi 12:17

Wungu ɔn da le dɔ dɛnɛ̂n tə̂ le ngaâ təl kə dɔ kəsə dəwje tə̂ kə̂ toje to ngaka dɛnɛ̂n le aw dda ddɔ kə de. To dede kə̂ daw ngəmje nduje lə Lubba kə tar-najije lə Jeju.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).

Apokalisi 22:21

Maji karə mə-maji lə Əbbə-dəwje Jeju nayn kə se tɔyn.

Apokalisi 6:9

Ngonn batə le ɔru nɛ̂n kə̂ n̂-lətə nɛ̂n ta makəturu le kə̂ to min laa a, moo ndil dəwje kɔ bann tə̂. To ndil dəwje kə̂ n̂-tɔlde mba tar lə Lubba kə tar-naji kə̂ n̂-paje.