Apokalisi 1:18 - Dɔnɔn kə̂ Siki: Tar kə̂ aw arə təbbə

¹⁸ M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.

Maketuru le Lubba ke tar kabba

¹⁸ M-to nje-kisi kem baa. Moy lew, a bbasine misi kem baa ke ndɔ ke ndɔ. Mee ke singa dɔ yo te ddem, dɔ lo te le dewje ke oy ddem.

Apokalisi 1:18 ပူးပေါင်းရင်းမြစ်များ

Matiye 11:23

«A əi Kapɛrnawum, dâ kunni kə taar ndərəng darâ wa? Dâ təl səi bəər ndərəng lo tə̂ lə dəwje kə̂ oyje. Mba nɛ̂n-mɔrije kə̂ m-dda bbe ləi, bbo m-dda Sɔdɔm a, bbe le a nayn baa bbay ndərəng bbokənɛn.

Matiye 16:19

Mâ kari kele ta Bbe-kɔn kə̂ darâ. Nɛ̂n tɔyn kə̂ ə-tɔ nangə̂ nəənn to nɛ̂n kə̂ n̂-tɔ darâ mban, nɛ̂n tɔyn kə̂ ə-tutu nangə̂ nəənn, n̂-tutu darâ mban tɔ.»

Luku 24:5

Bbəəl uta dɔ dɛnɛ̂nje le ngaâ dulaje dɔde kə nangə̂. Dingawje kə̂ joo le paje arəde nan: «Mba ddi bba aw sangəje dəw kə̂ isi kəm baa horo dəwje tə̂ kə̂ oyje wa?

Tar kə̂ Maji kə̂ Jan dda makəturu tə̂ 11:25

Jeju pa arɛ̂ nan: «M-to ndol lə dəwje kə̂ oyje ddəm m-to təbbə ddəm. Dəw kə̂ unn məɛ̂ arəm a, le noy kara nâ kisi kəm baa.

Tar kə̂ Maji kə̂ Jan dda makəturu tə̂ 14:19

Kar nayn ngaji baa karə dəwje kə̂ duninya tə̂ nəənn oomje ang ngaa. A sese â koomje, mba misi kəm baa ngaâ sese kara â naynje kəm baa tɔ.

Rɔmɛnje 6:9

Mba n-gərəje tɔ to, Kristə kə̂ oy ngaâ ndol mban le a təl koy ang ngaa. Yo ubba singa dɔɛ̂ tə̂ ang ngaa.

2 Kɔrɛntinyɛje 13:4

Tɔkɔrɔ njaa, n̂-tɔlɛ̂ kakə-dəsə tə̂ mba singɛ̂ kə̂ goto. A bbasinɛn, nisi kəm baa ddəw singa-mɔngu tə̂ lə Lubba. Jeje kara, singaje goto ddəw tə̂ laa tɔ. A ja kisi kəm baa saa ddəw singa-mɔngu tə̂ lə Lubba mbase.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Kolosinyɛje 3:3

Mba oyje mban ngaâ təbbə ləse kə̂ tɔkɔrɔ to lo-kiyɛ̂ tə̂ kə Kristə rɔ Lubba tə̂.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 7:16

N̂-ddee to nje-polo Lubba ddəw ndu tə̂ lə dəwje ang, a ddəw singa-mɔngu tə̂ kə̂ to mə təbbə tə̂ laa kə̂ a tuju ndɔ kâra ang.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Apokalisi 10:6

ngaâ nunda yo kə ri Lubba kə̂ nje-kisi kə ndɔ kə ndɔ, ne kə̂ n̂-dda dara kə nɛ̂nje tɔyn kə̂ toje tə̂, nangə kə nɛ̂nje tɔyn kə̂ toje tə̂, ba-katə kə nɛ̂nje tɔyn kə̂ toje tə̂. Anjə le pa nan: «Kar asə ngaa.

Apokalisi 15:7

Nɛ̂nje kə̂ toje kəm baa kə̂ sɔ le, marɛ̂ kâra arə əngoje kə̂ n̂-dda kə andə-narɛ anjəje kə̂ siri le kâra kâra. Wungu lə Lubba kə̂ Nje-kisi kə ndɔ kə ndɔ ddusu əngoje le.

Apokalisi 2:8

«Ə-dda makəturu ula nɛ̂n arə anjə kə̂ Egilisi tə̂ kə̂ Ismirnə: «Tar kə̂ dəw kə̂ to dɔngɔr dəw ddəm dɔbɔyn dəw ddəm nɛ̂n kə̂ noy ngaâ n̂-təl nisi kəm baa n̂-pa â nəənn:

Apokalisi 20:13

Ba-katə tee kə niinn dəwje kə̂ nayn məɛ̂ tə̂. Ngaâ yo kə lo lə dəwje kə̂ oyje teeje kə̂ niinn dəwje kə̂ toje məɛ̂ tə̂ arə n̂-gangə sariya dɔde tə̂ kâra kâra asə kəm kula-ddade.

Apokalisi 20:14

Goe tə̂ a, dungu yo kə lo lə dəwje kə̂ oyje le mə ndakə puru tə̂. Ndakə puru le to yo kə̂ gɔl joo laa.

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.

Apokalisi 4:9

Kə kar tɔyn, bbo nɛ̂nje kə̂ sɔ le aw ɔsuje pa ta wal nɛ̂n, ta piti nɛ̂n, ta karə nɛ̂n wooyo ne kə̂ nisi dɔ ngende-mbay tə̂ ngaâ nisi kəm baa kə ndɔ kə ndɔ le a,

Apokalisi 5:14

Nɛ̂nje kə̂ sɔ kə̂ toje kəm baa le paje nan: «Amɛnn!» A tɔkəje le ɔsuje məkəjə-gɔlde nangə̂ ngaâ poloje ne kə̂ nisi ngende-mbay tə̂ le ddəm Ngonn batə le ddəm.

Apokalisi 6:8

A moo marə sunda kə̂ rɔɛ̂ tokə lə kam. Ri dəw kə̂ aal sunda le nan Yo. Ngaâ lo lə dəwje kə̂ oy aw unn goe. Bbo n̂-kayn dɔ nangə loe sɔ a, darəde singa karə n̂-tɔlje dəwje kə̂ dəbbə nangə tə̂ le loe kâra. Dâ tɔlje dəwje le kə tɔkə kiya ddəm bbo ddəm rɔ-to kə̂ maji ang ddəm ngaâ dâ karəje daje kə̂ muû kə̂ dɔ nangə tə̂ tɔlde tɔ.

Apokalisi 9:1

Anjə kə̂ to min laa to təbbə, a moo marə əndɛtɛrɛndɛn in darâ oso nangə̂. Darɛ̂ ngaw kele ta tɔkə buwa kə̂ sunrɛ̂ goto.