Apokalisi 1:16 - Dɔnɔn kə̂ Siki: Tar kə̂ aw arə təbbə

¹⁶ Nuwa əndɛtɛrɛndɛnje siri jia tə̂ kə̂ kɔl. Tɔkə kiya kə̂ tɛɛ̂ joo kəm atə tee tɛɛ̂ tə̂ ngaâ kəmɛ̂ ndoko tokə lə kar kə̂ ɔsu kə singa nya.

Maketuru le Lubba ke tar kabba

¹⁶ Nuwa endeterendeje siri jia te ke kɔl. Tɔku kiya ke tae joo kem ate tee tae te, ngaa keme ndoko toke le kare ke ɔsu nya.

Apokalisi 1:16 ပူးပေါင်းရင်းမြစ်များ

Matiye 17:2

Jeju turu to dang kəmde tə̂, kəmɛ̂ unn kutu ndoko tokə lə kar ngaâ kubbuje laa turu nda ngaâ aw ndoko.

Kulaje 26:13

Tɔkə mbay, mee ddəw-boô maw maw ngaâ kar ar dannâ a, moo marə lo-karɛ in darâ uru dɔm tə̂, əman kə njê-buwa lo-kawje ləm. Lo-karɛ le ndoko laa uta ndoko lə kar.

Epɛjinyɛje 6:17

Unnje kaji kə̂ Lubba ajije le tokə əjɔkudɔ andə-narɛ lə njê-ddɔje. Ngaâ unnje tar lə Lubba tokə tɔkə kiya kə̂ Ndil-mə-nda arəse.

Ebərəje 4:12

Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 10:1

Goe tə̂ a, m-təl moo marə anjə kə̂ nje-singa-mɔngu in darâ aw ddisi. Mum taa rɔɛ̂ tɔyn tokə lə kubbu ngaâ ngaburandi guku dangara dɔɛ̂. Kəmɛ̂ ndoko tokə lə kar ngaâ gɔlɛ̂ kasɛ tokə lə ndɔn-puru.

Apokalisi 12:1

Marə tɔkə nɛ̂n ubba mə dara tə̂. Marə dɛnɛ̂n ula kar rɔɛ̂ tə̂ tokə kubbu, nɛyn to kɔ gɔlɛ̂ tə̂ ngaâ əndɛtɛrɛndɛnje dɔku gire joo toje dɔɛ̂ tə̂ tokə əjɔkudɔ.

Apokalisi 19:15

Marə tɔkə kiya kə̂ atə in ta dəw tə̂ kə̂ aal sunda le tee ta tuka nɛ̂n gəl-dəwje. Nâ kɔn dɔde karə ngəng nya. Nâ tɔju wungu lə Lubba kə̂ to nje-singa-mɔngu, wungu laa kə̂ aw ɔn puru, ddəw mbɔyn tə̂ kə̂ nâ mbɔynde kə gɔlɛ̂ tokə lə kandə binyə mə nɛ̂n-kore-maann binyə tə̂.

Apokalisi 19:21

N̂-tɔl kəseje kə tɔkə kiya kə̂ in ta dəw tə̂ kə̂ isi dɔ sunda tə̂ tee le ngaâ əəlje tɔyn ɔnje taalde arə məde ndann.

Apokalisi 2:1

«Ə-dda makəturu ula nɛ̂n arə anjə kə̂ Egilisi tə̂ kə̂ Epɛjə ə-pa nan: «Tar kə̂ dəw kə̂ uwa əndɛtɛrɛndɛnje siri jia tə̂ kə̂ kɔl ngaâ aw nja horo nɛ̂n-kunda lambeje tə̂ siri kə̂ n̂-dda kə andə-narɛ pa â nəənn:

Apokalisi 2:12

«Ə-dda makəturu ula nɛ̂n arə anjə kə̂ Egilisi tə̂ kə̂ Pɛrgam ə-pa nan: «Tar kə̂ dəw kə̂ uwa tɔkə kiya kə̂ tɛɛ̂ joo ngaâ atə pa â nəənn:

Apokalisi 2:16

Yeenn a, to tar ləi ta turu məi. Baann ang a, mâ ddee rɔi tə̂ njangə baa mba ddɔ kə dəwjeenn le kə tɔkə kiya kə̂ tee tam tə̂ nəənn.

Apokalisi 3:1

«Ə-dda makəturu ula nɛ̂n arə anjə kə̂ Egilisi tə̂ kə̂ Sardə ə-pa nan: «Tar kə̂ dəw kə̂ ee kə ndilje lə Lubba kə̂ siri kə əndɛtɛrɛndɛnje siri pa â nəənn: M-gərə kulaje kə̂ aw dda, dəwje ooje to isi kəm baa, a oy mban.