Apokalisi 1:10 - Dɔnɔn kə̂ Siki: Tar kə̂ aw arə təbbə

¹⁰ Kə ndɔ lə Əbbə-dəwje, Ndil-mə-nda uwam a, moo marə ndu bbar kə singa gom tə̂ guku. Ndu le bbar tokə lə təbbə kə̂ dəw aw to.

Maketuru le Lubba ke tar kabba

¹⁰ Ke ndɔ le Ebbe-dewje, Ndil-me-nda uwam a, moo mare ndu bbar ke singa gom te guku. Ndu le bbar toke le tebbe ke dew aw to.

Apokalisi 1:10 ပူးပေါင်းရင်းမြစ်များ

Matiye 22:43

Jeju pa arəde nan: «Yeenn a, tokə baânn bba Dabbiti Ndil dduse a, təl bbar Kristə le to ‹Əbbeeje› wa? Dabbiti le pa nan:

Tar kə̂ Maji kə̂ Jan dda makəturu tə̂ 20:19

Ndɔ-kuwa-rɔ tə̂ le njaa, njê-njaje go Jeju tə̂ isije mə kəy tə̂ lo-kul tə̂. Dutuje ta-kəy le kə kele dɔde tə̂, mba n̂-bbəəlje njê-kɔnje dɔ Jiipije. A Jeju tee ar horode tə̂ pa nan: «Mə-wul-lɔm ee kə se.»

Tar kə̂ Maji kə̂ Jan dda makəturu tə̂ 20:26

Ndɔ siri goe tə̂ a, njê-njaje go Jeju tə̂ mbɔnje naan mə kəy tə̂, a Toma ee horode tə̂. Dutuje ta-kəy dɔde tə̂ kə kele. A Jeju tee ar horode tə̂ ngaâ pa nan: «Mə-wul-lɔm ee kə se.»

Kulaje 20:7

N-mbɔn naan kə ndɔ-kuwa-rɔ ta kɔn muru mə-kâra a, Pɔl pa tar arə njê-mə-kunnje ndərəng lo mɔngu, mba lo-karɛ̂ a, nâ ta kɔtu.

1 Kɔrɛntinyɛje 12:3

Yeenn bba, m-ndiki ta pa karəse, dəw kə̂ pa nan: «Ndu-ndɔɔl to dɔ Jeju tə̂» a, dəw le aw pa tar ddəw Ndil tə̂ lə Lubba ang. A dəw kə̂ aw pa tar ddəw Ndil tə̂ lə Lubba bba a kasə pa nan: «Jeju to Əbbə-dəwje.»

1 Kɔrɛntinyɛje 16:2

Kə ndɔ-kuwa-rɔ kâra kâra tɔyn, maji karə dəw kâra kâra unn marə nɛ̂n ngəm dang kə̂y laa, mba karə ndɔ kə̂ m-tee bba unnje kutu mbɔn nɛ̂n-karə-baa le ang.

Apokalisi 17:3

Goe tə̂ a, Ndil uwam ngaâ anjə le unnum aw səm mə kɔr tə̂, a moo marə dɛnɛ̂n isi dɔ marə da tə̂ kə̂ kasɛ. Rɔɛ̂ tɔyn to ri nɛ̂n-tajije kə̂ ta taji nɛ̂n Lubba dɔrɔ. Dɔɛ̂ ee siri a gajɛ̂ dɔku.

Apokalisi 21:10

Ndil uwam ngaâ anjə le unnum aw səm dɔ ddingiri tə̂ kə̂ bo kə̂ ndəw. N̂-tɔjum Jerujalɛm kə̂ to tɔkə bbe kə̂ maji tɔyn kə̂ in darâ rɔ Lubba tə̂ aw ddisi le.