Apokalisi 1:1 - Dɔnɔn kə̂ Siki: Tar kə̂ aw arə təbbə

¹ Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.

Maketuru le Lubba ke tar kabba

¹ Maketuru neenn pa tar dɔ neje te ke Lubba are Jeju-Kiriste tɔju Jan, kare n̂-tɔju nje-kulaje laa, kare n̂-gereje ne ke nayn ngɔsi baa ta ddee. Kiriste ula anji laa are nje-kula laa Jan kare tɔje nejeenn le kare n̂-gere.

Apokalisi 1:1 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 12:49

Mba tarje kə̂ maw pa inje tam tə̂ njaa ang. To nduje kə̂ inje ta Bɔmje tə̂ kə̂ ulam. Ne njaa n̂-tɔjum tar kə̂ mâ pa ddəm nɛ̂n kə̂ mâ tɔju dəwje ddəm.

Tar kə̂ Maji kə̂ Jan dda makəturu tə̂ 15:15

M-bbarse to njê-kulaje ang ngaa, mba nje-kula gərə nɛ̂n kə̂ əbbeeje aw dda ang. Maw bbarse to dəwje kə̂ m-ndikide, mba nɛ̂n tɔyn kə̂ Bɔmje pa arəm, m-pa marə ə-gərəje tɔ.

Tar kə̂ Maji kə̂ Jan dda makəturu tə̂ 17:8

mba m-ndaji tar kə̂ ə-pa arəm marəde ngaâ n̂-taaje. N̂-gərəje to min rɔi tə̂ bba m-ddee tokə tɔkɔrɔ ngaâ dooje məde tə̂ to əi â ulam.

Tar kə̂ Maji kə̂ Jan dda makəturu tə̂ 3:32

Naw pa tar-naji nɛ̂nje kə̂ noo kə mbia ddəm kə kəmɛ̂ ddəm. A dəw kâra ndiki tə̂ kə tar-naji laa le ang.

Tar kə̂ Maji kə̂ Jan dda makəturu tə̂ 8:26

Tarje nya to ta karə m-pa dɔse tə̂ ddəm sariya to nya ta karə m-gangə dɔse tə̂ ddəm. A ne kə̂ nulam, n̂-to tɔkɔrɔ. Nɛ̂n kə̂ moo tɛɛ̂ tə̂ â maw pa marə dəwje kə̂ dɔ nangə tə̂.»

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

Galatəje 1:12

Dəw â ndaji tar le arəm ang ddəm dəw â tɔjum ang ddəm. Jeju-Kristə â tee kə tar le kə ddaka arə m-gərə.

Epɛjinyɛje 3:3

Lubba tɔjum nɛ̂nje kə̂ n̂-gɔl ta dda kə̂ naynje lo-kiyɛ̂ tə̂. M-pa tar dɔ nɛ̂nje tə̂ənn ngaji marəse kete makəturu tə̂ nəənn mban.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Apokalisi 1:19

Nɛ̂n kə̂ aw oo nəənn, nɛ̂n kə̂ aw to nəənn kə nɛ̂n kə̂ a ddee goe tə̂, maji karə ə-dda makəturu tə̂.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 17:1

Goe tə̂ a, marə anjə kâra horo anjəje tə̂ kə̂ siri kə̂ uwaje əngoje siri jide tə̂ le ddee ngaâ pa arəm nan: «Ə-ddee, mâ tɔji sariya kə̂ dâ gangə dɔ dɛnɛ̂n tə̂ kə̂ to tɔkə nje-kaya kə̂ isi mbɔr tɔkə baje tə̂ le.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 19:9

Anjə le pa arəm nan: «Uja tar nəənn makəturu tə̂: ‹Maji arə dəwje kə̂ n̂-bbarde kusu taa-naan tə̂ lə Ngonn batə!› » Goe tə̂ a, n̂-pa narəm nan: «To tarje lə Lubba njaa.»

Apokalisi 21:2

Ngaâ moo tɔkə bbe kə̂ maji tɔyn kə̂ to Jerujalɛm kə̂ siki kə̂ in rɔ Lubba tə̂ darâ aw ddisi. Tɔkə bbe le to tokə lə dɛnɛ̂n kə̂ dda mandə ngaâ ar dɔgɔlɛ̂ tə̂ aw nginan ngawɛ̂je.

Apokalisi 21:9

Goe tə̂ a, anjə kâra horo njê kə̂ siri tə̂ kə̂ uwaje əngo nɛ̂n kəm-to-ndooje kə̂ siri jide tə̂ le ddee pa arəm nan: «Ə-ddee arə m-tɔji nje-ngaw le, dɛnɛ̂n lə Ngonn batə le.»

Apokalisi 22:1

Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee

Apokalisi 22:16

«Əman Jeju, mula anjə ləm karə pa tar-najije nəənn tɔyn arəse mə Egilisije tə̂. M-to dəw kə̂ gəl nuju tə̂ lə Dabbiti. M-to əndɛtɛrɛndɛn kə̂ ta lo-karɛ tə̂ kə̂ ndoko nya.»

Apokalisi 22:6

Goe tə̂ a, anjə le pa arəm nan: «Tarje nəənn to tarje kə̂ tɔkɔrɔ ngaâ asə karə dəw unda məɛ̂ dɔɛ tə̂. Əbbə-dəwje Lubba kə̂ arə Ndil laa ddee dɔ njê-kilaje mbər tar tə̂ laa ula anjə laa karə tɔju njê-kulaje laa nɛ̂n kə̂ nayn ngɔsi baa ta ddee.»

Apokalisi 22:8

Əman Jan njaa moo nɛ̂nje nəənn kə mbim ddəm kə kəm ddəm. Ngaâ go nɛ̂nje tə̂ kə̂ moo kə mbim ddəm kə kəm ddəm le, m-tee moso nɔn gɔl anjə tə̂ kə̂ aw tɔjum nɛ̂nje le ta pole.

Apokalisi 22:9

A n̂-pa narəm nan: «Ə-dda nɛ̂ɛnn ang! M-to nje-kula mari kə nje-kula mar ngakɔinje kə̂ toje to njê-kilaje mbər tar lə Lubba kə nje-kula mar dəwje kə̂ ngəmje tarje kə̂ makəturu tə̂ nəənn. Lubba â maji karə ə-pole.»

Apokalisi 4:1

Goe tə̂ a, moo ta-kəy kə̂ tokə kɔru mə dara tə̂. Ndu kə̂ pa səm tar kete ngaâ bbar tokə lə təbbə le, pa nan: «Aal kə nəənn, mâ tɔji nɛ̂n kə̂ a ddee goe tə̂.»

Apokalisi 5:7

Ngonn batə le nja kə kete aw taa makəturu le ji dəw tə̂ kə̂ isi ngende-mbay tə̂ le, jia tə̂ kə̂ kɔl.