2 Tesalonisinyɛje 3:5 - Dɔnɔn kə̂ Siki: Tar kə̂ aw arə təbbə

⁵ Maji karə Əbbə-dəwje tɔjuse ddəw karə ə-ndikije Lubba ngaâ karə Kristə dda arə ə-tɔje wurse.

2 Tesalonisinyɛje 3:5 ပူးပေါင်းရင်းမြစ်များ

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Rɔmɛnje 8:25

A bbo jooje nɛ̂n kə kəmje ang bbay bba jaw jundaje məje dɔɛ̂ tə̂ a, jilaje məje pɔn jaw nginanje nɛ̂n nɛ̂ɛnn le.

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

1 Kɔrɛntinyɛje 8:3

 bbo dəw ndiki Lubba a, Lubba a gəre.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

1 Tesalonisinyɛje 1:10

ngaâ aw nginanje Ngonnɛ̂ Jeju kə̂ oy, a n̂-ndole, ne kə̂ nâ kin darâ ta ddee. Ne ngonnɛ̂ kə̂ nɔruje ta wungu tə̂ lə Lubba kə̂ aw ddee le.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

1 Tesalonisinyɛje 3:11

Maji karə Bɔjeje Lubba njaa kə Əbbəjeje Jeju, dɔruje ddəw darə jaw tee rɔse tə̂!

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

1 Piyɛr 4:1

Kristə oo ndoo da-rɔɛ̂ tə̂. Yeenn a, sese kara maji karə kəjə ləse to tokə baann tɔ. Mba dəw kə̂ oo ndoo da-rɔɛ̂ tə̂, to dəw kə̂ ɔru rɔɛ̂ majang tə̂ kə ddang ngaa.

2 Piyɛr 3:12

Maji karə ə-nginanje ddee le ndɔ lə Lubba le ta ə-ddaje arəje ndɔ le ddee njangə. Mba ndɔɛ̂ le puru a kɔn dara, puru a kɔn nɛ̂nje kə̂ darâ ngaâ a lɛɛnje.

1 Jan 4:19

Jeje, ndiki to məje tə̂, mba Lubba ndikije dɔngɔr.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 13:10

Bbo dəw kə̂ to ta karə duwɛ̂ bbərə tə̂ a, dâ kuwɛ̂ bbərə tə̂. Bbo dəw kə̂ to karə n̂-tɔlɛ̂ kə tɔkə kiya a, dâ tɔlɛ̂ kə tɔkə kiya. Kar nəənn to kar kə̂ ta karə dəwje lə Lubba tɔje wurde ngaâ uwaje mə-kunn ləde arə ngəng.