Ngakɔnʼmje, əman njaa m-gərə to isije kə bbo nya ta dda nɛ̂n kə̂ maji. Ə-gərəje nɛ̂nje tɔyn kə̂ to tar ləse ta gərə mban ngaâ asəje ta karə naan ndəjə.
Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.
Bbo marə dəw oo rɔɛ̂ to nje-kila mbər tar lə Lubba wase oo to Ndil tɔjɛ̂ marə nɛ̂n a, maji karə n̂-gərə to tar kə̂ makəturu tə̂ kə̂ maw dda marəse nəənn to ndu kə̂ Əbbəjeje â unn.
Mba yeenn bba, m-dda nɛ̂n makəturu kə̂ keteenn le marəse, mba bbo m-tee rɔse tə̂ a, â ddaje karə rɔm nəələm ang. Mba sese â, â kasəje ta dda karə rɔm nəələm. M-gərə kə majɛ̂ to, rɔ-nəəl ləm to rɔ-nəəl ləse tɔyn tɔ.
Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.
Ngakɔnje, n-dujuse nya kə ri Əbbəjeje Jeju-Kristə karə aynje ngakɔnje kə̂ toje to njê-dabbəje, kə̂ aw ddaje nɛ̂nje kə̂ toje dang kə nɛ̂nje kə̂ n-tɔjuse.