2 Tesalonisinyɛje 3:2 - Dɔnɔn kə̂ Siki: Tar kə̂ aw arə təbbə

² Ə-dujuje Lubba tɔ karə ɔruje ji njê-mə-majangje tə̂ ddəm ji dəwje tə̂ kə̂ maji ang ddəm. Mba to dəwje tɔyn njaa bba ooje məde tə̂ kə Lubba ang.

2 Tesalonisinyɛje 3:2 ပူးပေါင်းရင်းမြစ်များ

Matiye 17:17

Jeju pa nan: «See dəwje kə̂ mə-kunn ləse goto nəənn, mâ nayn kə se be mba ndɔ baânn wa? Mâ kumanse mba ndɔ baânn bbay wa? Ə-ddeeje kə ngonn le arəmje.»

Matiye 23:23

«To ndoo nya arəse, see njê-gərəje-Ndu kə see Parijinyɛje kə̂ njê-ngəmje. Sese kə̂ aw dinje dɔ ngann nɛ̂n-ndɔɔje ləse tɔyn arəje to dim, a aw mbətəje nɛ̂nje kə̂ ngəng nya uta kəseje kə̂ Ndu aw tɔju. Nɛ̂nje tokə: Nɛ̂n-dda kə̂ gatə gatə, koo kəm-to-ndoo lə dəw kə nayn ddəw mə-kunn tə̂. Nɛ̂njeenn â to tar ləse ta dda, a ta kinya kəseje ər kâra tə̂ ang.

Luku 18:8

M-pa marəse, nâ gangə sariya ləde kə ngɔru baa. A ndɔ kə̂ Ngonn lə dəw təl dɔ nangə tə̂ a, nâ kinga njê-mə-kunnje njaa wa?»

Kulaje 13:45

Jiipije ooje dəwje kə̂ banya le a, mə ddade. N̂-paje tar kə̂ aw tila kəm tar lə Pɔl ngaâ n̂-tajɛ̂je.

Kulaje 13:50

A Jiipije ɔsuje kutu dɛnɛ̂nje kə̂ isije lo kula tə̂ kə̂ bo kə̂ aw poloje Lubba ddəm ɔsuje kutu njê-kɔn-bbeje ddəm arə dinje n̂-ddaje Pɔl de kə Barnabas maji ang ngaâ n̂-tubbade dɔ nangə tə̂ ləde le.

Kulaje 14:2

A Jiipije kə̂ mbətəje ta koo məde tə̂ le aw tulaje dəwje kə̂ toje to Jiipije ang karə dəjəje kəjə kə̂ maji ang dɔ Pɔl de kə Barnabas tə̂.

Kulaje 17:5

A Jiipije kə̂ mə ddade mbɔnje dəwje kə̂ toje to njê-dɔ-gotoje kə̂ aw njaje go ddəw tə̂ baa, dɔsuje kutu dəwje kə̂ banya ngaâ n̂-yəkəje lo darə ddekeke goto mə bbe tə̂ le.

Kulaje 25:27

Mba kəjə tə̂ ləm, kula dəw Rɔm, a pa gəl nɛ̂n kə̂ dunda nɛ̂n tar dɔɛ̂ tə̂ ang to kula mbə.»

Kulaje 28:24

Marɛ̂je ndikije tə̂ kə tar kə̂ naw pa le, a marɛ̂je mbətəje.

Rɔmɛnje 10:16

A dəwje tɔyn â taaje Tar kə̂ Maji le ang. Ddəw kâra baa tokə Ejayi pa nan: «Əbbəmje, nân bba ndiki tə̂ kə tar kə̂ jila mbəre le wa?»

Rɔmɛnje 15:31

bba karə moso mə ji dəwje tə̂ kə̂ Jude kə̂ mbətəje Kristə le ang. Ə-dujuje Lubba arə njê-mə-kunnje taaje nɛ̂n kə̂ maw nɛ̂n kə Jerujalɛm ta karəde nəənn le kə rɔ-nəəl.

1 Kɔrɛntinyɛje 15:32

Bbo maw məjə tar tokə lə dəwje a, mâ dda ddɔ kə dəwje kə̂ Epɛjə kə̂ toje tokə lə daje kə̂ muû mba ddi wa? Bbo ndol lə dəwje kə̂ oyje goto a, maji karə n-ddaje tokə marə dəwje kə̂ aw paje nan: «Jusaje ta jayje mba ndɔ kə̂ bara a, ja koyje.»

1 Tesalonisinyɛje 2:18

Mba yeenn bba, n-ndiki ta təl kaw rɔse tə̂. Ngaâ əman Pɔl njaa m-sangə ddəw gɔl banya nya ta kaw. A Satan ɔkuje ddəw.

2 Timɔte 4:17

A Əbbə-dəwje njaa umanʼm ngaâ arəm singa, mba karə mila mbər tar laa nya marə dəwje ngaâ ta karə dəwje kə̂ toje to Jiipije ang kara tar laa oso mbide tə̂ tɔ ngaâ nɔrum ta ənam tə̂.