2 Tesalonisinyɛje 3:16 - Dɔnɔn kə̂ Siki: Tar kə̂ aw arə təbbə

¹⁶ Maji karə Əbbə-dəwje kə̂ to nje-mə-wul-lɔm arə məse wul lɔm kə ndɔ tɔyn, mə nɛ̂nje tə̂ tɔyn. Maji karə Əbbə-dəwje nayn kə se tɔyn!

2 Tesalonisinyɛje 3:16 ပူးပေါင်းရင်းမြစ်များ

Matiye 1:23

«Ngonn mandə kə̂ gərə ngaw ang a kuwa səm, nâ kuju ngonn kə̂ dingaw, ngaâ dâ kunda ria nan Emanuwɛl.» Gəl ri le nan: Lubba isi kə je.

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Tar kə̂ Maji kə̂ Jan dda makəturu tə̂ 14:27

«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm.

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Rɔmɛnje 15:33

Maji karə Lubba kə̂ nje-karə mə-wul-lɔm isi kə se tɔyn. Amɛnn!

Rɔmɛnje 16:20

Mbɔr ang a, Lubba kə̂ nje-karə mə-wul-lɔm a rii Satan nangə̂ kɔ gɔlse tə̂. Maji karə mə-maji lə Əbbəjeje Jeju nayn kə se.

1 Kɔrɛntinyɛje 14:33

Mba Lubba to nje-nɛ̂n-dda kə̂ ngabula ang, n̂-to Lubba kə̂ nje-mə-wul-lɔm. Ddəw kâra baa tokə daw ddaje Egilisije tə̂ lə dəwje lə Lubba tɔyn le,

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

Epɛjinyɛje 6:23

Maji karə Lubba kə̂ Bɔ kə Əbbəjeje Jeju-Kristə ddaje arə njê-mə-kunnje isije kə mə-wul-lɔm, karə n̂-ndikije naan ngaâ darəde mə-kunn.

1 Tesalonisinyɛje 3:11

Maji karə Bɔjeje Lubba njaa kə Əbbəjeje Jeju, dɔruje ddəw darə jaw tee rɔse tə̂!

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

2 Tesalonisinyɛje 3:18

Maji karə mə-maji lə Əbbəjeje Jeju-Kristə nayn kə se tɔyn!

2 Timɔte 4:22

Maji karə Əbbə-dəwje ngəmi! Maji karə mə-maji lə Əbbə-dəwje nayn kə se!

Pilemɔn 1:25

Maji karə mə-maji lə Əbbə-dəwje Jeju-Kristə nayn kə se.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

Ebərəje 7:2

Ne â Abaraham jin dɔ nɛ̂nje kâra kâra tɔyn kə̂ in nɛ̂n ta ddɔ tə̂ arɛ̂ to dim. Gəl ri kə̂ to Mɛlkisedɛk le nan: «Tɔkə mbay kə̂ ndiki nɛ̂n-dda kə̂ gatə gatə.» Ngaâ n̂-to tɔkə mbay kə̂ Salɛm tɔ. Yeenn pa nan «tɔkə mbay kə̂ ndiki mə-wul-lɔm.»