2 Tesalonisinyɛje 2:16 - Dɔnɔn kə̂ Siki: Tar kə̂ aw arə təbbə

¹⁶ Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

2 Tesalonisinyɛje 2:16 ပူးပေါင်းရင်းမြစ်များ

Luku 16:25

Abaraham ilɛ̂ tə̂ nan: ‹Ngonnəm, ole məi, ndɔ kə̂ isi kəm baa bbay le ubba maji, a Lajar tuju â ubba. Bbasinɛn Lubba bɔru maann-nɔn kəmɛ̂ tə̂ lo tə̂ nəənn, a əi, aw oo ndoo.

Tar kə̂ Maji kə̂ Jan dda makəturu tə̂ 13:1

Nayn ndɔ kâra karə kusu Pakə asə a, Jeju gərə to kar kə̂ nâ kinya duninya nəənn ta kaw rɔ Bɔ tə̂ asə. Jeju ndiki dəwje laa kə̂ duninya tə̂ nəənn le ngaâ ndikide ndərəng tee kɔnyɛ̂ tə̂.

Tar kə̂ Maji kə̂ Jan dda makəturu tə̂ 15:13

Bbo dəw unn təbbə laa arə mba dəwje kə̂ n̂-ndikide a, ndiki kə̂ uta yeenn goto.

Tar kə̂ Maji kə̂ Jan dda makəturu tə̂ 15:9

M-ndikise tokə Bɔmje ndikim. Yeenn a, maji karə ə-naynje rɔm tə̂, a mâ nayn kaw ndikise.

Tar kə̂ Maji kə̂ Jan dda makəturu tə̂ 16:22

Sese kara, bbasinɛn rɔse nəəlse ang. A mâ təl koose. Rɔ-nəəl ləse a kuta dɔɛ̂ ngaâ dəw kâra a kasə kɔru rɔ-nəəl ləse le kə ddang ang.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Kulaje 15:11

A, n-gərə tɔ to ddəw mə-maji tə̂ lə Əbbə-dəwje Jeju â junda məje to Lubba aji nɛ̂n je tokə najide le.»

Kulaje 18:27

Goe tə̂ a, Apolos le ndiki ta kaw Akay. Njê-mə-kunnje ndikije tə̂ saa ngaâ n̂-ddaje makəturu darə njê-mə-kunnje kə̂ Akay le karə n̂-tɛɛ̂je kə rɔde tə̂ kə majɛ̂. N̂-tee nu a, Lubba dda saa mə-maji arə numan njê-mə-kunnje nya,

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Rɔmɛnje 4:16

Yeenn a, Lubba a karə dəwje nɛ̂nje kə̂ nunn ndue ta karə le ddəw mə-kunn tə̂. Baann bba nɛ̂n le a to nɛ̂n kə̂ dinga baa ddəw mə-maji tə̂ laa. N̂-ndiki ta karə nɛ̂n le ngaka Abaraham tɔyn. Nɛ̂n le to mba dəwje kə̂ eeje kɔ Ndu tə̂ kə karəde baa ang. To mba dəwje tɔyn kə̂ ooje məde tə̂ saa tokə Abaraham kə̂ oo məɛ̂ tə̂ le. Abaraham to bɔjeje tɔyn,

Rɔmɛnje 4:4

Dəw dda kula a, a kinga kuka laa. To mə-maji â n̂-dda saa ang. To kuka kə̂ asə karə ninga njaa.

Rɔmɛnje 5:8

A Lubba tɔjuje ndiki kə̂ n̂-ndikije tokə be: Kar tə̂ kə̂ n-naynje mə nɛ̂n-ddaje tə̂ kə̂ maji ang bbay le, Kristə oy mba tar ləje.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Epɛjinyɛje 5:25

Dingawje, maji karə ə-ndikije dɛnɛ̂nje ləse tokə Kristə ndiki Egilisi, ndərəng arə təbbə laa mbɛɛ̂.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:5

Mba aw undaje məse dɔ nɛ̂nje tə̂ kə̂ maji kə̂ Lubba ngəm mba tar ləse mə dara tə̂. Ndɔ kə̂ dila nɛ̂n mbər Tar kə̂ Maji kə̂ to tar kə̂ tɔkɔrɔ darəse njaa ooje nɛ̂n tar nɛ̂n kə̂ Lubba gɔl mba tar ləse mə dara tə̂ le.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

1 Tesalonisinyɛje 3:11

Maji karə Bɔjeje Lubba njaa kə Əbbəjeje Jeju, dɔruje ddəw darə jaw tee rɔse tə̂!

2 Tesalonisinyɛje 2:13

See ngakɔnje kə̂ Əbbə-dəwje ndikise nya, to tar ləje ta karə wooyo Lubba mbase kə ndɔ tɔyn, mba Lubba mbərəse kunn-kutu duninya tə̂ nu karə ingaje kaji ddəw Ndil tə̂ kə̂ aw dda arə ə-ddeeje maji tɔyn kə ddəw məse tə̂ kə̂ unnje arəje tar kə̂ tɔkɔrɔ.

Titə 1:2

Yeenn bba dâ kundaje məde to dingaje təbbə kə̂ to kə ndɔ kə ndɔ. Lubba kə̂ ərə ngəm ndɔ kâra ang unn ndue ləw baa nu ta karəje təbbə kə̂ to kə ndɔ kə ndɔ le.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 7:19

Mba nɛ̂n kâra kə̂ Ndu lə Mɔyijə dda arə ddee maji tɔyn goto. A jingaje marə nɛ̂n kə̂ maji nya uta, ta kunda məje dɔɛ̂ tə̂. Ddəw nɛ̂n tə̂ənn â jaw ddeeje nɛ̂n ngɔsi kə Lubba.

1 Jan 3:16

Nɛ̂n kə̂ tɔju ndiki le â nəənn: Jeju unn təbbə laa ila kɔrɔ̂ mbaje. Baann a, maji karə jeje kara jarəje təbbə ləje mba ngakɔnje tɔ.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 22:5

Til a goto ngaâ. Dəw a duju puru lambe wase a nginan karə kar ɔsu bba ta koo nɛ̂n lo ang. Mba ndoko lə Əbbə-dəwje Lubba njaa a kuru dɔde tə̂ ngaâ dâ kɔnje mbay bbal kə bbal.

Apokalisi 3:9

Dəwje kə̂ eeje kəy mbɔn-naan tə̂ lə Satan aw ddaje rɔde to Jiipije, a n̂-toje to Jiipije ang. N̂-toje to njê-ngəmje. Mâ kungude mə jii tə̂ ngaâ mâ dda karə n̂-ddee dɔsuje məkəjə-gɔlde nɔin tə̂. Baann bba dâ gərəje to m-ndikii.