Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»
Goe tə̂ a, Jeju ingɛ̂ mə kəy-polo Lubba tə̂ ngaâ pa arɛ̂ nan: «Oo, rɔi ddee maji ngaa. A ə-dda majang ang ngaa. Baann ang a, nɛ̂n kə̂ ngəng nya uta ye kə̂ kete le a kingai.»
Kar kə̂ dəwje a paje nan: «Jisi kə mə-wul-lɔm kə majɛ̂ njaa ngaa. Jasə ta njaa kə bbəəl ang ngaa.» A karɛ̂ tə̂ənn njaa, njangə baa a, tuju a koso dɔ dəwje tə̂ le tokə ndo kə̂ ɔsu dɛnɛ̂n ngaâ dâ teeje tɛɛ tə̂ ang.
Yeenn a, dəw kə̂ oo Ngonn lə Lubba to nɛ̂n ang kəmɛ̂ tə̂ ngaâ oo məsə dɔnɔn kə̂ Lubba ɔsu karə toko nɛ̂n-yərəwje laa to nɛ̂n kə̂ baa ngaâ taji Ndil-mə-nda kə̂ aw dda saa mə-maji le, kunda laa a bo nya.
Njê-nɛ̂n-tɔjuje kə̂ tɔkɔrɔ ang le toje tokə lə buwa-maann kə̂ maann goto tə̂ ddəm ndi kə̂ il kə̂ bamburanbo ɔsu ɔtu nɛ̂n ddəm. Lubba ngəm lo kə̂ il biti biti aw nginan nɛ̂n de.
A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.
Daw teeje kə nɛ̂n-rɔ-kul ləde kə̂ n̂-ddaje kə ddaka tokə maann kə̂ aw ləngə kə singa ngaâ aw ubbu njum-tɛɛ̂. N̂-toje tokə əndɛtɛrɛndɛnje kə̂ arje lo kâra ang kə̂ Lubba ngəm marə lo kə̂ il biti biti kə̂ a to kə ndɔ kə ndɔ mbade.