2 Tesalonisinyɛje 1:8 - Dɔnɔn kə̂ Siki: Tar kə̂ aw arə təbbə

⁸ Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.

2 Tesalonisinyɛje 1:8 ပူးပေါင်းရင်းမြစ်များ

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Matiye 25:46

Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 3:19

«Sariya le tokə be: Lo-karɛ ddee dɔ nangə tə̂, a dəwje mbətəje lo-karɛ le, a lo ndul â n̂-ndikije, mba kula-ddade maji ang.

Tar kə̂ Maji kə̂ Jan dda makəturu tə̂ 8:19

Parijinyɛje dujeje nan: «Bɔije le ee dda wa?» Jeju ilade tə̂ nan: «Ə-gərəmje ang ddəm ə-gərəje Bɔmje ang ddəm. Mba bbo ə-gərəmje a, â gərəje Bɔmje tɔ.»

Kulaje 6:7

Tar lə Lubba nja kə kete kete ngaâ kɔr njê-njaje go Jeju tə̂ aw kə kete kete mə bbe tə̂ kə̂ Jerujalɛm. Njê-poloje Lubba tokə banya unnje məde arə Jeju.

Rɔmɛnje 1:28

Mba n̂-mbətəje ta gərə Lubba le ngaâ n̂-tusude ninyade narə n̂-naynje kə kəjəje ləde kə̂ maji ang karə ta n̂-ddaje nɛ̂n kə̂ dəw asə dda ang.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 10:16

A dəwje tɔyn â taaje Tar kə̂ Maji le ang. Ddəw kâra baa tokə Ejayi pa nan: «Əbbəmje, nân bba ndiki tə̂ kə tar kə̂ jila mbəre le wa?»

Rɔmɛnje 15:18

Mba mâ tay pa marə tar dang ang, tar nɛ̂n kə̂ Kristə dda ddəw tə̂ ləm â mâ pa. Ddəw tə̂ ləm, n̂-dda narə dəwje kə̂ toje to Jiipije ang ddaje nɛ̂n kə turu ndu Lubba. N̂-dda nɛ̂ɛnn le ddəw tarje tə̂ ddəm, ddəw kulaje tə̂ ddəm,

Rɔmɛnje 16:26

Nɛ̂n kə̂ to lo-kiyɛ̂ tə̂ le bbasinɛn tee lo-karɛ tə̂ ddəw makəturuje tə̂ lə njê-kilaje mbər tar lə Lubba. Lubba kə̂ nje-kisi kə ndɔ kə ndɔ unn ndu tokə baann karə gəl-dəwje tɔyn ooje məde tə̂ saa ngaâ ooje tɛɛ̂.

Rɔmɛnje 6:16

Ə-gərəje ang wa? Bbo unnje rɔse to bbərə lə marə dəw ta koo tɛɛ̂ a, ə-ddeeje to bbərə lə dəw kə̂ aw ooje tɛɛ̂ le. Ddəw kâra baa, bbo unnje rɔse ilaje majang tə̂ a, majang le a kaw kə se karə oyje. A bbo unnje rɔse ta koo ta Lubba a, Lubba a dda karə ə-ddeeje to dəwje kə̂ gatə gatə.

1 Kɔrɛntinyɛje 15:34

Maji karə ə-təlje uwaje dɔse kə majɛ̂, inyaje nɛ̂n-ddaje kə̂ maji ang. Mba marə dəwje horose tə̂ gərəje Lubba ang. M-pa baann karə rɔ-kul ddase.

2 Kɔrɛntinyɛje 10:5

Jaw tujuje tarje tɔyn kə̂ dəwje kə̂ ooje rɔde bo nya aw paje mba kɔku nɛ̂n ddəw dəw karə gərə Lubba. Jaw juwa kəjəje lə dəwje tɔyn bbərə tə̂ karə dooje ta Kristə.

Galatəje 3:1

See dəwje kə̂ Galasi, mbə ddi â ə-mbəje be wa? N̂-tɔjuse tar koy lə Jeju-Kristə kakə-dəsə tə̂ kə majɛ̂, a nân bba n̂-turu kəmse wa?

Galatəje 4:8

Ləw, ə-gərəje Lubba ang, ə-toje to bbərəje lə kɔrje kə̂ toje to lubbaje kə̂ tɔkɔrɔ ang.

1 Tesalonisinyɛje 4:5

Arəje bbo kə̂ da-rɔ tə̂ dɔrɔ â ddase tokə aw dda dəwje kə̂ gərəje Lubba ang le ang.

Ebərəje 10:27

Bbay nɛ̂n kə̂ nayn â to, ta bbəəl nginan nɛ̂n sariya lə Lubba kə̂ a ddee ddəm puru kə̂ ɔn kə singa nya kə̂ to ngɔsi ta kɔn dəwje kə̂ mbətəje ta koo ta Lubba ddəm.

Ebərəje 10:30

Mba n-gərəje dəw kə̂ pa nan: «Əman â mâ kila barə! Əman â mâ kuka dəw kâra kâra asə kula-ddɛɛ̂.» N̂-pa tɔ bbay nan: «Əbbə-dəwje a gangə sariya dɔ dəwje tə̂ laa.»

Ebərəje 11:8

Ddəw mə-kunn tə̂ â Abaraham oo ta Lubba kə̂ bbarɛ̂ ngaâ ɔtu aw nangə tə̂ kə̂ Lubba a ta karɛ̂ to laa. Naw njaa baann, bbo n̂-gərə lo kə̂ naw naw tə̂ le ang.

Ebərəje 12:29

Mba Lubba ləje to tokə puru kə̂ aw ɔn nɛ̂n tɔyn.

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

1 Piyɛr 3:6

Nɛ̂n-kɔju-marɛ̂ to Sara kə̂ oo ta Abaraham ngaâ bbarɛ̂ to əbbeeje. Bbo aw ddaje maji ngaâ arəje marə nɛ̂n kâra ddase bbəəl ang a, ə-ddeeje to ngannɛ̂ kə̂ dɛnɛ̂n.

1 Piyɛr 4:17

Kar gangə sariya asə ngaa. Sariya le a kunn-kute dɔ dəwje tə̂ lə Lubba. A bbo jeje â sariya le unn kute dɔje tə̂ a, njê kə̂ mbətəje Tar kə̂ Maji le, ləde a to tokə baânn wa?

2 Piyɛr 3:7

A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.

Judə 1:7

Oleje məse dɔ tar tə̂ lə dəwje kə̂ bbeje tə̂ kə̂ Sɔdɔm kə Gɔmɔr kə lə dəwje kə̂ mə bbeje tə̂ kə̂ mbɔrde tə̂. N̂-ddaje maji ang tokə lə anjəje le tɔ. Dunnje rɔde dilaje kula kaya tə̂. N̂-ndikije ta dda nɛ̂n kə̂ asə karə dəw dda ang. Yeenn bba, Lubba gangə sariya dɔde tə̂ arə puru kə̂ to kə ndɔ kə ndɔ aw ɔnde. N̂-təlje to nɛ̂n-kɔju-marɛ̂ horo dəwje tə̂.

Apokalisi 20:10

Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Apokalisi 6:10

Daw duruje əkii kə taar nan: «Əbbə-dəwje, əi kə̂ ə-maji tɔyn ngaâ ə-to dəw kə̂ tɔkɔrɔ, â nginan ndərəng ndɔ kə̂ dda bba â gangə sariya dɔ dəwje tə̂ kə̂ dɔ nangə tə̂ nəənn, ta kila barə ləje mba tɔl kə̂ n̂-tɔlje le wa?»