Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Tesalonisinyɛje 1:7 - Dɔnɔn kə̂ Siki: Tar kə̂ aw arə təbbə

7 Ngaâ karə n̂-dda narə sese kə̂ aw ooje ndoo le kara, uwaje rɔse kə je, kar tə̂ kə̂ Əbbə-dəwje Jeju a kunda lo tee ngaâ a kin darâ ddee kə anjəje laa kə̂ toje to njê-singa-mɔnguje le.

အခန်းကိုကြည့်ပါ။ ကော်ပီ




2 Tesalonisinyɛje 1:7
51 ပူးပေါင်းရင်းမြစ်များ  

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.


Tɔkɔrɔ njaa, m-pa marəse: Marə dəwje horo dəwje tə̂ kə̂ arje nəənn a koyje ang ndərəng dâ kooje Ngonn lə dəw kə̂ a ddee ta kɔn-mbay.»


«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti.


«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.


Jeju ilɛ̂ tə̂ nan: «Əi njaa ə-pa mban. A m-pa marəse, bbasinɛn nəənn njaa â kooje Ngonn lə dəw kə̂ isi dɔ ji-kɔl Lubba tə̂ kə̂ nje-singa-mɔngu. A kooeje kar tə̂ kə̂ nâ kin darâ ta ddee mə mum tə̂ tɔ.»


Jeju ilɛ̂ tə̂ nan: «Ye njaann, m-to Ngonnɛ̂. Â kooje Ngonn lə dəw kə̂ isi dɔ ji-kɔl Lubba tə̂ kə̂ Nje-singa-mɔngu. Nâ kin darâ mə mum tə̂ ta ddee.»


Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»


Abaraham ilɛ̂ tə̂ nan: ‹Ngonnəm, ole məi, ndɔ kə̂ isi kəm baa bbay le ubba maji, a Lajar tuju â ubba. Bbasinɛn Lubba bɔru maann-nɔn kəmɛ̂ tə̂ lo tə̂ nəənn, a əi, aw oo ndoo.


Nɛ̂ɛnn a to ddəw kâra baa ndɔ tə̂ kə̂ Ngonn lə dəw a tee nɛ̂n kəm dəwje tə̂.


Lubba dda nɛ̂n tɔyn ddəw tə̂ laa. Nɛ̂n kâra kə̂ Lubba inyɛ̂ a dda kə karɛ̂ baa goto.


Jeju təl pa bbay nan: «Tɔkɔrɔ m-pa marəse, a kooje dara kə̂ təəyn ngaâ anjəje lə Lubba a kinje dɔ Ngonn lə dəw tə̂ kaw kə taar ddəm ddisi kə dɔɛ̂ tə̂ ddəm.»


Dingawje le paje arəjede nan: «Dəwje kə̂ Galile, mba ddi bba arje nəənn aw aaje lo kə darâ wa? Jeju kə̂ Lubba unnɛ̂ horose tə̂ aw saa kə darâ le a təl ddee tokə kaw laa kə̂ ooje nəənn.»


Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse


Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.


kula lə dəw kâra kâra a tee kə ddaka kəm dəwje tə̂ ndɔ gangə sariya tə̂. Dâ nan kula lə dəw kâra kâra kə puru ta gərə.


Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.


Maji karə Bɔjeje Lubba kə Əbbəjeje Jeju-Kristə n̂-ddaje kə se mə-maji ddəm darə məse wul lɔm ddəm.


Mba ddəw tə̂ laa â Lubba dda nɛ̂nje tɔyn kə̂ mə dara tə̂ ddəm dɔ nangə tə̂ ddəm nɛ̂nje kə̂ kəm dəw oo ddəm yeje kə̂ kəm dəw oo ang ddəm. N̂-dda ndilje kə̂ toje to njê-singaje, ndilje kə̂ aw ɔnje mbay. Lubba dda nɛ̂nje tɔyn ddəw tə̂ lə Kristə le ddəm mba Kristə le ddəm.


Maji karə narə ubbaje singa ngaâ n̂-dda narə ə-ddeeje to dəwje kə̂ maji tɔyn ddəm dəwje kə̂ tar kâra to dɔde tə̂ ang ddəm nɔn Bɔjeje Lubba tə̂, ndɔ tə̂ kə̂ Əbbəjeje Jeju a ddee, ne kə dəwje laa tɔyn. Amɛnn!


Bbo juwaje jarə ngəng a, ja kɔnje mbay saa tɔ. Bbo n-mbəteje a, ne njaa kara nâ mbətəje tɔ.


N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.


Bbay nɛ̂n kə̂ nayn â to, ta bbəəl nginan nɛ̂n sariya lə Lubba kə̂ a ddee ddəm puru kə̂ ɔn kə singa nya kə̂ to ngɔsi ta kɔn dəwje kə̂ mbətəje ta koo ta Lubba ddəm.


Mba Lubba ləje to tokə puru kə̂ aw ɔn nɛ̂n tɔyn.


Ndu Lubba kə̂ unn ta karə jandə lo kuwa-rɔ tə̂ kə̂ n̂-gɔl mba tar ləje le nayn baa bbay. Yeenn a, maji karə kəmje kətərə bba karə dəw kâra horose tə̂ dda tokə nɛ̂ɛnn le due to du ang.


Mba yeenn bba, maji karə n-ddaje singa ta tee lo kuwa-rɔ tə̂ le. Baann bba dəw kâra horoje tə̂ a koso tokə lə kajejedede kə̂ ddaje dɔ-kətərə le ang.


Yeenn pa nan, marə ndɔ kə̂ dəwje lə Lubba a kuwaje nɛ̂n rɔde le nayn bbay. Ndɔ le to tokə ndɔ kə̂ to siri laa le.


Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.


Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.


A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.


Oleje məse dɔ tar tə̂ lə dəwje kə̂ bbeje tə̂ kə̂ Sɔdɔm kə Gɔmɔr kə lə dəwje kə̂ mə bbeje tə̂ kə̂ mbɔrde tə̂. N̂-ddaje maji ang tokə lə anjəje le tɔ. Dunnje rɔde dilaje kula kaya tə̂. N̂-ndikije ta dda nɛ̂n kə̂ asə karə dəw dda ang. Yeenn bba, Lubba gangə sariya dɔde tə̂ arə puru kə̂ to kə ndɔ kə ndɔ aw ɔnde. N̂-təlje to nɛ̂n-kɔju-marɛ̂ horo dəwje tə̂.


Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.


ne kara nâ kay bɛn tɔkə wungu lə Lubba, bɛn kə̂ n̂-pole kə maann ang a dungu mə əngo wungu tə̂ laa. Ngaâ nâ koo ndoo kəm puru tə̂ kə kəm supərə tə̂, kəm anjəje tə̂ kə̂ majije tɔyn ddəm kəm Ngonn batə tə̂ ddəm.


Moo marə ndu kə̂ in darâ pa arəm nan: «Uja tar nəənn makəturu tə̂: ‹Maji arəde, de dəwje kə̂ n̂-naynje ddəw tə̂ lə Əbbə-dəwje ndərəng doyje nɛ̂n bbasinɛn nəənn.› Ndil-mə-nda pa nan: ‹Tɔkɔrɔ njaa, maji karə duwaje rɔde go kula tə̂ kə̂ ngəng kə̂ n̂-ddaje, mba kulaje kə̂ n̂-ddaje a kunn gode.› »


Goe tə̂ a, moo tɔkə ngende-mbay kə̂ nda kə dəw kə̂ isi dɔɛ tə̂. Nangə kə dara ɔtuje aynje nɔɛ̂n tə̂ kə ddang arə dəw təl oode ang ngaa.


Nâ bɔru maann-nɔn tɔyn kəmde tə̂. Yo a goto ngaa. Ndoo, əkii kə nɛ̂n kəm-to-ndoo a gotoje, mba nɛ̂nje kə̂ ləw ndayje mban.»


«Əman Jeju, mula anjə ləm karə pa tar-najije nəənn tɔyn arəse mə Egilisije tə̂. M-to dəw kə̂ gəl nuju tə̂ lə Dabbiti. M-to əndɛtɛrɛndɛn kə̂ ta lo-karɛ tə̂ kə̂ ndoko nya.»


Goe tə̂ a, anjə le pa arəm nan: «Tarje nəənn to tarje kə̂ tɔkɔrɔ ngaâ asə karə dəw unda məɛ̂ dɔɛ tə̂. Əbbə-dəwje Lubba kə̂ arə Ndil laa ddee dɔ njê-kilaje mbər tar tə̂ laa ula anjə laa karə tɔju njê-kulaje laa nɛ̂n kə̂ nayn ngɔsi baa ta ddee.»


A n̂-pa narəm nan: «Ə-dda nɛ̂ɛnn ang! M-to nje-kula mari kə nje-kula mar ngakɔinje kə̂ toje to njê-kilaje mbər tar lə Lubba kə nje-kula mar dəwje kə̂ ngəmje tarje kə̂ makəturu tə̂ nəənn. Lubba â maji karə ə-pole.»


Yeenn ngaâ darəde tɔkə kubbu kə̂ nda, kə̂ ngal kâra kâra tɔyn. Ngaâ, n̂-pa darəde karə n̂-nginanje ngaji, karə kɔr nje-kula marədeje kə kɔr ngakɔndeje utu naan bba. Mba dede kara dâ tɔlde tokə ləde tɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ