2 Tesalonisinyɛje 1:6 - Dɔnɔn kə̂ Siki: Tar kə̂ aw arə təbbə

⁶ Mba to kə dɔgɔlɛ̂ karə dəwje kə̂ ulaje kəmse ndoo tə̂ le, Lubba ula kəmde ndoo tɔ.

2 Tesalonisinyɛje 1:6 ပူးပေါင်းရင်းမြစ်များ

Kolosinyɛje 3:25

Mba dəw kə̂ aw dda nɛ̂n kə̂ gatə gatə ang, a kinga kuka laa asə kəm nɛ̂n-dda laa kə̂ gatə gatə ang le. Lubba a kɔru kəm dəw kâra ang.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

Apokalisi 11:18

Gəl-dəwje kə̂ toje to ləi ang ddaje wungu, a bbasinɛn, kar wungu ləi asə ngaa. Kar gangə sariya dɔ dəwje tə̂ kə̂ oyje asə ngaa. To kar kə̂ â kuka nɛ̂n njê-kulaje ləi kə̂ toje to njê-kilaje mbər tar ləi, njê kə̂ toje to dəwje ləi kə njê kə̂ aw bbəəlje rii, dede kə̂ n̂-toje to dəwje kə̂ ngaji, kə dede kə̂ n̂-toje to dəwje kə̂ bo. To kar kə̂ â tuju nɛ̂n dəwje kə̂ aw tujuje nangə.»

Apokalisi 15:4

Əbbə-dəwje, nân bba a bbəəl rii ang ngaâ a kɔsu gaji rii ang wa? Mba əi kâra baa â ə-maji tɔyn. Gəl-dəwje tɔyn a ddee kɔsuje məkəjə-gɔlde nangə̂ nɔin tə̂, mba dede tɔyn dooje nɛ̂n-ddaje ləi kə̂ gatə gatə.»

Apokalisi 18:20

Dəwje kə̂ darâ, ə-ddaje rɔ-nəəl mba koso lə Babilɔnn le. See dəwje lə Lubba, see njê-kaw-kulaje kə njê-kilaje mbər tar lə Lubba, ə-ddaje rɔ-nəəl tɔ, mba Lubba gangə sariya dɔɛ̂ tə̂ mba nɛ̂n kə̂ n̂-dda kə se le.

Apokalisi 18:24

Mba mə bbe tə̂ ləi â n̂-kayn məsə dəwje tɔyn kə̂ n̂-tɔlde dɔ nangə tə̂ ddəm məsə njê-kilaje mbər tar lə Lubba ddəm dəwje lə Lubba ddəm.»

Apokalisi 19:2

Mba sariyaje laa kə̂ naw gangə toje kə̂ dɔgɔlɛ̂ ddəm toje gatə gatə ddəm. N̂-gangə sariya dɔ tɔkə dɛnɛ̂n nje-kaya tə̂ kə̂ tuju dɔ nangə kə kaya laa ngaâ nila barə məsə njê-kulaje laa kə̂ n̂-tɔlde le dɔɛ̂ tə̂.»

Apokalisi 6:10

Daw duruje əkii kə taar nan: «Əbbə-dəwje, əi kə̂ ə-maji tɔyn ngaâ ə-to dəw kə̂ tɔkɔrɔ, â nginan ndərəng ndɔ kə̂ dda bba â gangə sariya dɔ dəwje tə̂ kə̂ dɔ nangə tə̂ nəənn, ta kila barə ləje mba tɔl kə̂ n̂-tɔlje le wa?»