2 Tesalonisinyɛje 1:4 - Dɔnɔn kə̂ Siki: Tar kə̂ aw arə təbbə

⁴ Nɛ̂ɛnn le dda arə jaw junda guje mbase, mba wurse kə̂ aw tɔje kə mə-kunn ləse kə̂ aw uwaje arəje ngəng mə nɛ̂n kəm-to-ndooje tə̂ kə mə nɛ̂n-singaje tə̂ kə̂ aw ingase le.

2 Tesalonisinyɛje 1:4 ပူးပေါင်းရင်းမြစ်များ

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 8:25

A bbo jooje nɛ̂n kə kəmje ang bbay bba jaw jundaje məje dɔɛ̂ tə̂ a, jilaje məje pɔn jaw nginanje nɛ̂n nɛ̂ɛnn le.

1 Kɔrɛntinyɛje 7:17

Tar kə̂ ta kila dɔ marɛ̂ tə̂ â nəənn. Maji karə dəw kâra kâra nayn kə kisi laa kə̂ Əbbə-dəwje arɛ̂ karə nisi nɛ̂n, kisi kə̂ nisi nɛ̂n kete bba Lubba bbarɛ̂ le. Yeenn to ndu kə̂ munn marə Egilisije tɔyn.

2 Kɔrɛntinyɛje 12:10

Mba yeenn bba, rɔm nəələm nya mə karje tə̂ kə̂ singam goto, mə nɛ̂n-tajije tə̂, mə nɛ̂n-singaje tə̂, mə ndooje tə̂ kə̂ dəwje aw ulaje kəmʼm tə̂, mə nɛ̂n-bbəəlje tə̂ kə̂ aw ingamje ɔju dɔ Kristə. Mba, mə kar tə̂ kə̂ singam goto bba maw mubba singa.

2 Kɔrɛntinyɛje 7:14

Mba gum kə̂ munda ngaji mbase kəmɛ̂ tə̂ le təl to nɛ̂n-rɔ-kul ləm ang. Jeje jaw pa tar kə̂ tɔkɔrɔ kə ndɔ tɔyn jarəse, yeenn bba guje kə̂ jaw junda mbase kəm Titə tə̂ le ddee to nɛ̂n kə̂ to kə dɔgɔlɛ̂ njaa.

2 Kɔrɛntinyɛje 7:4

Munda məm tɔyn kə dɔse tə̂. Maw munda gum mbase nya. Wurum oso pɔn ddəm maw minga rɔ-nəəl nya ddəm mə nɛ̂n kəm-to-ndooje tə̂ ləje.

2 Kɔrɛntinyɛje 9:2

M-gərə kəjə kə̂ maji kə̂ to məse tə̂ arə maw munda nɛ̂n gum marə dəwje kə̂ Maseduwann, m-pa nan, kaal baa njaa, Egilisije kə̂ Akay gɔlje rɔde ta karə nɛ̂n. Ngaâ bbo karə nɛ̂n kə̂ to məse tə̂ le dda arə nya lə Egilisije ddaje bbo ta karə nɛ̂n tɔ.

2 Kɔrɛntinyɛje 9:4

Bbo njê kə̂ Maseduwann ddeeje səm ngaâ gərəje to ə-gɔlje rɔse ang a, məje kə̂ junda dɔse tə̂ le a təl to nɛ̂n-rɔ-kul ləje ddəm ləse ddəm.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

1 Tesalonisinyɛje 2:14

Ngakɔnje kə̂ Tesalonikə, ə-ndajije nɛ̂n-dda lə dəwje kə̂ Egilisi tə̂ kə̂ nangə tə̂ kə̂ Jude mban, dede kə̂ dooje məde tə̂ kə Jeju-Kristə le. Dede le dooje ndoo ji Jiipije tə̂, a bbasinɛn sese kara njê kə̂ ləse njaa aw ula kəmse ndoo tə̂ tokə baann tɔ.

1 Tesalonisinyɛje 2:19

Sese â jaw junda məje dɔse tə̂, sese â ja kinga rɔ-nəəl mbase, sese tɔ â, â toje to nɛ̂n-piti ləje nɔn Əbbə-dəwje Jeju tə̂ ndɔ tə̂ kə̂ nâ ddee.

2 Tesalonisinyɛje 3:5

Maji karə Əbbə-dəwje tɔjuse ddəw karə ə-ndikije Lubba ngaâ karə Kristə dda arə ə-tɔje wurse.

Ebərəje 10:36

Maji karə uwaje arə ngəng bba â ddaje nɛ̂n kə̂ mə Lubba ndiki. Ngaâ goe tə̂ a, â kingaje nɛ̂n kə̂ nunn ndue ta karəse.

Ebərəje 6:12

Arəje dabbə ddase ang, a ə-ndajije dəwje kə̂ unnje məde ngaâ tɔje wurde nginanje ngaâ ingaje nɛ̂nje kə̂ Lubba unn ndue ta karəde.

Ebərəje 6:15

Abaraham tɔ wure nginan ngaâ ninga nɛ̂n kə̂ Lubba unn ndue ta karɛ̂ le.

Jakə 5:11

Ooje, jaw pitije dəwje kə̂ aw oreje wurde. Ooje tar kore-wur lə Jobbo ngaâ ə-gərəje maji kə̂ Əbbə-dəwje dda saa goe tə̂. Mba Əbbə-dəwje to nje-koo kəm-to-ndoo lə dəwje ddəm nje-dda mə-maji kə dəwje ddəm.

2 Piyɛr 1:6

Nɛ̂n-gərə le, ilaje tɔ-bbo kə̂ da-rɔ tə̂ dɔɛ̂ tə̂, tɔ-bbo kə̂ da-rɔ tə̂ le, ilaje kuwa karə ngəng dɔɛ̂ tə̂, kuwa karə ngəng le, ilaje ngəm-rɔ mba Lubba dɔɛ̂ tə̂,

Apokalisi 14:12

Lo tə̂ nəənn to ta karə dəwje lə Lubba kə̂ aw ngəmje nduje laa ngaâ naynje ddəw məde tə̂ kə̂ dunnje darə Jeju le duwaje darə ngəng.