Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Piyɛr 3:17 - Dɔnɔn kə̂ Siki: Tar kə̂ aw arə təbbə

17 Yeenn a, see ngakɔnʼmje kə̂ m-ndikise nya, ə-gərəje mban: Maji karə arje dɔ gɔlse tə̂. Arəje njê-nɛ̂n-ddaje kə̂ maji ang ərəse arə ə-ndəəmje ddəw ang ngaâ ə-tusuje mə-kunn ləse le inyaje ang.

အခန်းကိုကြည့်ပါ။ ကော်ပီ




2 Piyɛr 3:17
26 ပူးပေါင်းရင်းမြစ်များ  

Bbo m-pa marəse m-pa nan: Aaje rɔse wum tə̂ lə Parijinyɛje kə Sadusinyɛje a, tar le tee mbɔr tar mapa tə̂ ang. A mba ddi bba asəje ta gərə mə tar le ang wa?»


Jeju pa arəde nan: «Aaje rɔse wum tə̂ lə Parijinyɛje kə Sadusinyɛje.»


«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje.


M-pa marəse kete ta bbo karɛ̂ tee a, oleje məse to m-pa marəse mban.» «M-pa tar nəənn marəse kunn-kute tə̂ ang, mba m-nayn kə se bbay.


Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.


mba dəwje kə̂ baann toje to bbərə-kulaje lə Əbbəjeje Kristə ang. A daw dəjəje kə dɔ məde tə̂ njaa. Daw dərəje dəwje kə̂ kəmde ɔru ang ddəw tarje tə̂ kə̂ tade tə̂ kə̂ rii to rii ddəm tarje kə̂ daw dərəje nɛ̂n kəm dəwje ddəm.


Yeenn a, maji karə dəw kə̂ oo to nar taar a, aa rɔɛ̂, mba nâ kin koso.


Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.


A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.


Sese kə̂ aw sangəje ta ddee gatə gatə kəm Lubba tə̂ ddəw Ndu tə̂ le ə-tinje naan kə Kristə mban. Mə-maji lə Lubba to mbase ang ngaa.


Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.


Maji karə aaje rɔse rɔ dəwje tə̂ kə aw ddaje majang. Aaje rɔse rɔ dəwje tə̂ kə̂ toje tokə lə bisije baann. Dujaje ganja kə̂ tɔkɔrɔ ang.


Tɔkɔrɔ njaa, mee horose tə̂ kə da-rɔm njaa ang. A, ndilim ee horose tə̂. Rɔm nəələm nya mba moo a, kula ləse aw nja kə dɔgɔlɛ̂ ngaâ aw uwaje məse kə̂ unnje arəje Kristə le arə ngəng.


Ə-ngəmje rɔse kə majɛ̂ arəje dəw ərəse ddəw kəjəje tə̂ laa ang, mba to ngəmje ddəm to kəjəje lə dəwje baa ddəm. To kəjəje kə̂ inje mə nɛ̂n-ji-bbeje tə̂ lə dəwje ddəm to kəjəje kə̂ dɔ nangə tə̂ nəənn ddəm. To kəjəje kə̂ inje ddəw tə̂ lə Kristə ang.


Əi kara maji karə aa rɔi rɔɛ̂ tə̂, mba n̂-mbətə tarje ləje kə̂ n-pa nyɔm njaa.


Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.


Maji karə ə-ddaje saa singa, ddəw kuwa kə̂ ta kuwa mə-kunn ləse karə ngəng tə̂. A maji karə ə-gərəje to gar ndooje kə̂ aw ooje nəənn le, ngakɔnse kə̂ duninya tə̂ tɔyn aw ooje tɔ.


A naji Lotə kə̂ to nje-nɛ̂n-dda kə̂ gatə gatə. Dəwje kə̂ dɔ ndɔ tə̂ lə Lotə le, pa-nja ləde kə̂ to kə dɔgɔlɛ̂ ang kə lo-to-majang kə̂ daw dda le oso wur Lotə le nya.


Ngakɔnʼmje kə̂ m-ndikise nya, ooje, makəturu kə̂ to joo laa ngaa â mula nɛ̂n marəse nəənn. Mə makəturuje tə̂ le joo kəm, m-ndiki ta kole məse dɔ marə nɛ̂nje tə̂, mba ndol nɛ̂n dɔse karə kəjə ləse to kə majɛ̂.


Maji karə ole məi dɔ pa-nja tə̂ ləi kə̂ dɔngɔr. Ə-turu məi bbo ə-təl kula-ddai tə̂ kə̂ dɔngɔr le. Bbo baann ang a, mâ ddee rɔi tə̂, ta mâ kɔru nɛ̂n-kunda lambe ləi lo-toe tə̂ kə ddang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ