2 Piyɛr 3:15 - Dɔnɔn kə̂ Siki: Tar kə̂ aw arə təbbə

¹⁵ Maji karə ə-gərəje to tɔ kə̂ Əbbəjeje aw tɔ wure le to mba karə ingaje nɛ̂n kaji. Tar nəənn le â ngokɔnje Pɔl kə̂ n-ndike nya dda makəturu tə̂ arəse ddəw kəm-karɛ tə̂ kə̂ Lubba arɛ̂.

2 Piyɛr 3:15 ပူးပေါင်းရင်းမြစ်များ

Luku 21:15

mba mâ karəse tar kəm-karɛ kə̂ a gangə singa njê-baanje ləse ddəm dâ kasəje ta mayn ang ddəm.

Kulaje 15:25

Mba yeenn bba, jeje tɔyn njaa junn nduje mba mbərə marə dəwje kulade turuje tə̂ karə n̂-dannje Barnabas de kə Pɔl kə̂ n-ndikide nya.

Kulaje 7:10

Nɔrɛ̂ dann nɛ̂n kəm-to-ndooje tə̂ dang dang kə̂ ingɛ̂ ngaâ narɛ̂ kəm-karɛ ddəm narə Parawɔn kə̂ to tɔkə mbay kə̂ Ejipitə ooe maji kəmɛ̂ tə̂ ddəm. Tɔkə mbay le undɛ̂ to nje-kɔn dɔ nangə kə̂ Ejipitə ddəm nje-ngəm nɛ̂nje tɔyn kə̂ mə kəy tə̂ laa ddəm.

Kulaje 9:17

Yeenn bba Ananiyas le aw ngaâ andə kəy le aw ila jia dɔɛ̂ tə̂ ngaâ pa nan: «Sɔl, ngokɔnʼm, Əbbə-dəwje Jeju kə̂ ingai kə ddəw ddee tə̂ ləi le ulam rɔi tə̂ karə ə-təl oo lo ddəm karə Ndil-mə-nda ddusi ddəm.»

Rɔmɛnje 2:4

Lubba aw dda maji səi nya. N̂-ndiki ta gangə sariya dɔi tə̂ kə tɔkɛ̂ ang. Naw nooi kə kəmɛ̂, a oo nɛ̂njeenn to nɛ̂n kə̂ baa wa? Ə-gərə to Lubba aw dda səi mə-maji baann karə ə-turu məi ang wa?

1 Kɔrɛntinyɛje 12:8

Ndil aw arə marə dəw tar kəm-karɛ. Ndil kə̂ kâra baa le njaa tɔ â aw arə dəw tar nɛ̂n-gərə.

1 Kɔrɛntinyɛje 2:13

Yeenn a, jaw junn tar kəm-karɛ lə dəwje bba jaw pa nɛ̂n tarɛ̂ ang. Jaw pa tarɛ̂ ddəw tar tə̂ kə̂ Ndil lə Lubba tɔjuje.

1 Kɔrɛntinyɛje 3:10

Lubba dda səm mə-maji arə m-ddee to dəw kə̂ gərə gusu kɔsu kəy. Mungu gɔl kəy nangə̂ ngaâ marə dəw ɔsu kəy le dɔɛ tə̂. A maji karə dəw kâra kâra kə̂ aw ɔsu kəy le aa ddəw kə̂ naw nɔsu nɛ̂n kə majɛ̂ bba.

Epɛjinyɛje 3:3

Lubba tɔjum nɛ̂nje kə̂ n̂-gɔl ta dda kə̂ naynje lo-kiyɛ̂ tə̂. M-pa tar dɔ nɛ̂nje tə̂ənn ngaji marəse kete makəturu tə̂ nəənn mban.

1 Timɔte 1:16

A mba yeenn â Lubba oo kəm-to-ndoo ləm, n̂-ndiki ta karə Jeju-Kristə tɔju tɔ-wur laa dɔm tə̂, əman kə̂ m-to dəw kə̂ dɔngɔr kə̂ nje-nɛ̂n-dda kə̂ maji ang le. N̂-dda baann mba karə dəwje kə̂ a ta kooje məde tə̂ saa ta kinga nɛ̂n təbbə kə̂ to kə ndɔ kə ndɔ oomje to nɛ̂n-kɔju-marɛ̂.

Jakə 1:5

Bbo kəm-karɛ du marə dəw horose tə̂ a, maji karə n̂-duju Lubba. Lubba a karɛ̂ kəm-karɛ le. Mba Lubba aw arə nɛ̂n dəw kə mə-maji laa bbo kɔl kə dəw bba arɛ̂ nɛ̂n ang.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

1 Piyɛr 3:20

To ndil dəwje kə̂ ddaje dɔ-kətərə kə Lubba ləw, kar tə̂ kə̂ naw tɔ nɛ̂n wure naw nginan nɛ̂n de, dɔ ndɔje tə̂ kə̂ Nowe aw dda nɛ̂n tɔkə to le. Dəwje jijoo baa â andəje mə tɔkə to tə̂ le ngaâ Lubba ajide ddəw maann tə̂ le.

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.