2 Piyɛr 3:14 - Dɔnɔn kə̂ Siki: Tar kə̂ aw arə təbbə

¹⁴ Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

2 Piyɛr 3:14 ပူးပေါင်းရင်းမြစ်များ

Matiye 24:26

Yeenn bba bbo, n̂-pa darəse nan: ‹Ya! Nee mə kɔr tə̂› a, awje ang. A bbo nan: ‹Ne â niya rɔɛ̂ nəənn› a, ə-ndikije tə̂ ang.

Matiye 25:7

«Yeenn ngaâ ngann mandəje le tɔyn ndolje ngaâ unnje kutu gɔl lambeje ləde.

Luku 12:43

Maji arɛ̂, ne kə̂ əbbeeje le təl ddee ingɛ̂ ta kula tə̂ le.

Luku 2:29

«Bbasinɛn, Əbbəmje, a kasə ta kinya bbərə ləi karə aw kə mə-wul-lɔm tokə ndui pa le.

1 Kɔrɛntinyɛje 1:8

Lubba le njaa a karəse singa ndərəng ddutu ndɔ tə̂ karə ndɔ təl lə Əbbəjeje Jeju-Kristə a, tar to dɔse tə̂ ang.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

Pilipinyɛje 1:10

Yeenn bba â gərəje nɛ̂n kə̂ maji. Yeenn tɔ bba â toje kə majɛ̂ ddəm tar a to dɔse tə̂ ang ddəm ndɔ tə̂ kə̂ Kristə a təl.

Pilipinyɛje 2:15

Yeenn bba â toje to dəwje kə̂ tar a to dɔde tə̂ ang, dəwje kə̂ nɛ̂n-yərəw ɔrude ang. A toje to ngannje lə Lubba kə̂ majang ɔrude ang, horo dəwje tə̂ kə̂ bbasinɛn nəənn kə̂ toje gatə gatə ang ddəm majije ang ddəm. Maji karə ə-ndokoje horode tə̂ tokə lə puru-ngeel dɔ nangə tə̂,

Pilipinyɛje 3:20

A jeje, bbe ləje to darâ. Jeje jaw ngəbbə Əbbə-dəwje Jeju-Kristə kə̂ to Nje-kajije kə̂ a kin darâ ddee.

1 Tesalonisinyɛje 3:13

Maji karə narə ubbaje singa ngaâ n̂-dda narə ə-ddeeje to dəwje kə̂ maji tɔyn ddəm dəwje kə̂ tar kâra to dɔde tə̂ ang ddəm nɔn Bɔjeje Lubba tə̂, ndɔ tə̂ kə̂ Əbbəjeje Jeju a ddee, ne kə dəwje laa tɔyn. Amɛnn!

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

1 Timɔte 6:14

Maji karə ə-ngəm ndu le arə nɛ̂n-yərəw ɔri ang. Arə tar to dɔi tə̂ ang ndərəng ndɔ təl lə Əbbəjeje Jeju-Kristə.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

1 Piyɛr 1:7

Ndoo kə̂ aw ooje le to mba nan nɛ̂n mə-kunn ləse koo, tokə andə kə̂ to nɛ̂n kə̂ aw tuju, a n̂-nan kə puru doo. Baann bba karə mə-kunn ləse kə̂ to nɛ̂n kə̂ ngəng uta andə le a dda karə Lubba ɔsu gajise ddəm pitise ddəm walse ddəm ndɔ tə̂ kə̂ Jeju-Kristə a kunda nɛ̂n lo tee kəm dəwje tə̂.

2 Piyɛr 3:1

Ngakɔnʼmje kə̂ m-ndikise nya, ooje, makəturu kə̂ to joo laa ngaa â mula nɛ̂n marəse nəənn. Mə makəturuje tə̂ le joo kəm, m-ndiki ta kole məse dɔ marə nɛ̂nje tə̂, mba ndol nɛ̂n dɔse karə kəjə ləse to kə majɛ̂.

2 Piyɛr 3:16

To tarje kə̂ naw pa makəturuje tə̂ tɔyn kə̂ naw dda dɔ tarje tə̂ nəənn le. Marə tarje kə̂ to kətərə ta gərə kandɛ̂ to makəturuje tə̂ laa le. A marə dəwje kə̂ gərəje nɛ̂n ang ddəm sangəje ang ddəm aw turuje kandə tarje le ngaâ aw paje dang tokə daw ddaje kə kəsə tarje kə̂ mə Makəturu tə̂ lə Lubba le. Nɛ̂nje kə̂ daw ddaje baann le, dede njaa daw bbarje yo kə dɔde tə̂.

1 Jan 3:3

Dəw kə̂ unda məɛ̂ dɔ Kristə tə̂, toko nɛ̂n-yərəw laa kə ddang tokə Kristə kə̂ nɛ̂n-yərəw kâra ɔrɛ̂ ang le.