2 Piyɛr 2:4 - Dɔnɔn kə̂ Siki: Tar kə̂ aw arə təbbə

⁴ Mba anjəje kə̂ ddaje majang le, Lubba inyade ddekeke njaa baann ang. Lubba ungude mə buwa tə̂ kə̂ il biti biti arə n̂-naynje tə̂ daw nginanje ndɔ sariya.

2 Piyɛr 2:4 ပူးပေါင်းရင်းမြစ်များ

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Matiye 8:29

Duruje əkii nan: «Ngonn lə Lubba, ddi â osoi tə̂ wa? Ə-ddee ta kula kəmje ndoo tə̂ kete bba karə ndɔɛ̂ kə̂ Lubba ɔju le asə wa?»

Marke 5:7

Nuru əkii kə taar nan: «Jeju Ngonn lə Lubba kə̂ isi ddutu dara tə̂ nu. Ddi â osoi tə̂ wa? M-wali nya kə ri Lubba, ula kəmʼm ndoo tə̂ ang.»

Luku 10:18

Jeju ilade tə̂ nan: «Moo Satan kə̂ in darâ oso tokə lə ndi kə̂ aw təəl.

Luku 8:31

Ndilje kə̂ maji ang le ddaje rɔde to ndoo rɔ Jeju tə̂ ta karə narə dawje mə tɔkə buwa tə̂ kə̂ sunrɛ̂ goto le ang.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Rɔmɛnje 11:21

Mba, Jiipije kə̂ toje to barkəm kakə kə̂ tɔkɔrɔ le, Lubba tukade, a əi, bbo aa rɔi ang a, nâ tukai kə ddang tɔ

Rɔmɛnje 8:32

Lubba kə̂ ɔku Ngonnɛ̂ ang, a unnɛ̂ ulɛ̂ ji dəwje tə̂ arə tɔlɛ̂ mba tar ləje tɔyn le a karəje nɛ̂n tɔyn kâra baa kə ngonnɛ̂ le ang tokə baânn wa?

2 Piyɛr 2:11

A anjəje kə̂ singade ddəm singa-mɔngu ləde ddəm uta lə njê-nɛ̂n-tɔjuje kə̂ tɔkɔrɔ ang le kara dilaje ta-bbar dɔ ndilje tə̂ənn le kəm Əbbə-dəwje tə̂ ang.

2 Piyɛr 2:5

Dəwje kə̂ duninya tə̂ kə̂ ləw toje to njê-nɛ̂n-ddaje kə̂ maji ang le Lubba inyade arə disije ddekeke ang tɔ. Kar tə̂ kə̂ narə maann uwade le, Nowe kə̂ aw ila mbər nɛ̂n-dda kə̂ gatə gatə le â najɛ̂, ne de kə marə dəwje siri.

2 Piyɛr 2:9

Yeenn tɔju to Əbbə-dəwje gərə gusu kə̂ ta kɔru nɛ̂n dəwje kə̂ unnje rɔde arɛ̂je mə nɛ̂n-nan tə̂ kə ddang. A naw ngəm njê kə̂ toje gatə gatə ang mba gangə sariya dɔde tə̂ ndɔ gangə sariya tə̂.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.

Judə 1:13

Daw teeje kə nɛ̂n-rɔ-kul ləde kə̂ n̂-ddaje kə ddaka tokə maann kə̂ aw ləngə kə singa ngaâ aw ubbu njum-tɛɛ̂. N̂-toje tokə əndɛtɛrɛndɛnje kə̂ arje lo kâra ang kə̂ Lubba ngəm marə lo kə̂ il biti biti kə̂ a to kə ndɔ kə ndɔ mbade.

Judə 1:6

Oleje məse dɔ tar tə̂ lə anjəje kə̂ ngəmje lo ləde kə̂ Lubba arəde ang, a tusuje lo ləde inyaje le, Əbbə-dəwje tɔde ungude lo tə̂ kə̂ il biti biti nyɔm mba ngəbbə nɛ̂n tɔkə ndɔ sariya.

Apokalisi 20:10

Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.