2 Piyɛr 2:3 - Dɔnɔn kə̂ Siki: Tar kə̂ aw arə təbbə

³ Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.

2 Piyɛr 2:3 ပူးပေါင်းရင်းမြစ်များ

Matiye 23:14

«To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Ə-taaje nɛ̂n-kingaje lə dɛnɛ̂n-ndubbaje jide tə̂ tɔyn. A kar tə̂ənn njaa, aw dujuje Lubba arəje kure əw mba karə dəwje aajese. Mba yeenn bba sariya kə̂ dɔse tə̂ a ngəng nya.]

Luku 18:8

M-pa marəse, nâ gangə sariya ləde kə ngɔru baa. A ndɔ kə̂ Ngonn lə dəw təl dɔ nangə tə̂ a, nâ kinga njê-mə-kunnje njaa wa?»

Luku 20:20

Njê-poloje Lubba kə Njê-gərəje-Ndu le undaje kəmde kə dɔ Jeju tə̂. Dulaje dəwje kə̂ ddaje rɔde to dəwje kə̂ maji rɔɛ̂ tə̂. Dəwje le awje ta duje tar mba nɛɛ̂n nɛ̂n, ta bbo dingaje tar kə̂ maji ang tɛɛ̂ tə̂ a, kuwɛ̂ kulɛ̂ ji njê-gangəje sariya tə̂ kə ji njê-kɔn-bbeje tə̂.

Luku 22:47

Jeju aw pa tar bbay a, dəwje kə̂ banya ddee teeje. Marə nje-kaw-kula laa kâra horode tə̂ kə̂ dɔku gire joo kə̂ ria nan Judas ɔru nɔn dəwje kə̂ banya le. Judas le ddee ngɔsi kə Jeju ta to mbia.

Tar kə̂ Maji kə̂ Jan dda makəturu tə̂ 2:16

N̂-pa narə njê-labbəje dərje le nan: «Ə-jinje nɛ̂njeenn tɔyn lo tə̂ nəənn kə ddang. Ə-ddaje kəy lə Bɔmje to kəy nɛ̂n-labbə ang.»

Rɔmɛnje 16:18

mba dəwje kə̂ baann toje to bbərə-kulaje lə Əbbəjeje Kristə ang. A daw dəjəje kə dɔ məde tə̂ njaa. Daw dərəje dəwje kə̂ kəmde ɔru ang ddəw tarje tə̂ kə̂ tade tə̂ kə̂ rii to rii ddəm tarje kə̂ daw dərəje nɛ̂n kəm dəwje ddəm.

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

1 Tesalonisinyɛje 2:5

Sese kara ə-gərəje kə majɛ̂, jaw pa tarje ta kərə nɛ̂n dəw ndɔ kâra ang ngaâ kəjə ləje to dɔ nɛ̂n-kinga tə̂ ndɔ kâra ang. Lubba njaa kara a kɔru naji ləje.

1 Tesalonisinyɛje 5:3

Kar kə̂ dəwje a paje nan: «Jisi kə mə-wul-lɔm kə majɛ̂ njaa ngaa. Jasə ta njaa kə bbəəl ang ngaa.» A karɛ̂ tə̂ənn njaa, njangə baa a, tuju a koso dɔ dəwje tə̂ le tokə ndo kə̂ ɔsu dɛnɛ̂n ngaâ dâ teeje tɛɛ tə̂ ang.

1 Timɔte 3:3

Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

1 Timɔte 3:8

Ddəw kâra baa, maji karə diyakərəje toje to dəwje kə̂ ulaje gəl rɔde naan tə̂ ang, dəwje kə̂ tar kə̂ tade tə̂ to joo joo ang, n̂-toje to njê-kayje koto nya ang, maji karə n̂-toje to dəwje kə̂ bbo kinga narɛ kə dɔgɔlɛ̂ ang ddade ang.

1 Timɔte 6:5

mayn tar kə̂ kɔnyɛ̂ goto horo dəwje tə̂ kə̂ kəjə ləde to kə dɔgɔlɛ̂ ddəm tar kə̂ tɔkɔrɔ goto tade tə̂ ddəm. Dooje kunn-mə karə Lubba to ddəw nɛ̂n-kinga ləde.

Titə 1:11

Maji karə uwa tade, mba daw tujuje kəjə lə dəwje tɔyn kə̂ mə nujuje tə̂ kâra kâra. Daw tɔjuje nɛ̂n kə̂ asə karə dəw tɔju ang mba kinga nɛ̂n narɛ kə dɔgɔlɛ̂ ang.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

1 Piyɛr 2:8

Makəturu le pa bbay nan: «To ər kə̂ dəwje aw tukaje gɔlde tə̂ ddəm tɔkə ər kə̂ aw dda arə dəwje aw tosoje ddəm.» Daw tukaje gɔlde tə̂, mba n̂-mbətəje ta koo məde tə̂ kə tar lə Lubba. Yeenn to nɛ̂n kə̂ Lubba gɔl mbade njaa.

1 Piyɛr 5:2

Ddəw kâra baa tokə njê-ngəmje nɛ̂n-kuulje, maji karə ə-ngəmje dəwje kə̂ banya kə̂ Lubba inyade mə jise tə̂ le kə majɛ̂. Lubba ndiki karə ə-ngəmjede kə mə-ndiki ləse njaa bbo tokə nɛ̂n kə̂ duwase kə singa bba karə ə-ddaje nɛ̂ɛnn le ang. Ə-ddaje nɛ̂ɛnn le mba kinga nɛ̂n narɛ ang. Maji karə ə-ddaje kə mə-kâra.

2 Piyɛr 1:16

Kar tə̂ kə̂ n-tɔjuse tar ddee kə̂ Əbbəjeje Jeju-Kristə a ddee kə singa-mɔngu le, jar dɔ tarje tə̂ kə̂ kura kura kə̂ dəwje əjəje kə dɔde baa bba n-tɔju nɛ̂n se ang. Joo tɔkə-mbangə laa kə kəmje njaa.

2 Piyɛr 2:1

Ləw, marə njê-kilaje mbər tar lə Lubba kə̂ tɔkɔrɔ ang toje horo dəwje tə̂ kə̂ Ijarayɛl. Ddəw kâra baa, njê-nɛ̂n-tɔjuje kə̂ tɔkɔrɔ ang a teeje horose tə̂ tɔ. Ddəw gusu tə̂, dâ ddeeje kə nɛ̂n-tɔjuje kə̂ tɔkɔrɔ ang ddəm aw tuju dəwje ddəm. Dâ mbətəje Əbbə-dəwje kə̂ ajide le ngaâ dâ bbarje yo kə dɔde tə̂ kə ngɔru baa.

2 Piyɛr 2:9

Yeenn tɔju to Əbbə-dəwje gərə gusu kə̂ ta kɔru nɛ̂n dəwje kə̂ unnje rɔde arɛ̂je mə nɛ̂n-nan tə̂ kə ddang. A naw ngəm njê kə̂ toje gatə gatə ang mba gangə sariya dɔde tə̂ ndɔ gangə sariya tə̂.

Judə 1:11

Nɛ̂n-wungu a ddee dɔde tə̂, mba n̂-ddaje nɛ̂n tokə lə Kayn. Dərəje ngəm tokə lə Balaam mba kinga nɛ̂n narɛ, n̂-ddaje dɔ-ngəng tokə lə Kore.

Judə 1:15

mba gangə sariya dɔ dəwje tə̂ tɔyn kə̂ duninya tə̂ ngaâ nâ dda karə dəwje kə̂ ddaje majang gərəje majangje ləde ngaâ karə njê-nɛ̂n-ddaje kə̂ maji ang gərəje go tarje kə̂ maji ang kə̂ paje dɔɛ̂ tə̂.»

Judə 1:16

Dede le, n̂-toje to dəwje kə̂ rɔde nəəlde ndɔ kâra ang. Daw dəmje rɔde kə ndɔ tɔyn. Bbo nɛ̂n kə̂ to məde tə̂ dɔrɔ â n̂-ddaje. Tam-tɔnde to ngəm dɔrɔ. Daw dɔsuje gaji dəwje mba kinga nɛ̂n nɛ̂n jide tə̂.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.

Judə 1:7

Oleje məse dɔ tar tə̂ lə dəwje kə̂ bbeje tə̂ kə̂ Sɔdɔm kə Gɔmɔr kə lə dəwje kə̂ mə bbeje tə̂ kə̂ mbɔrde tə̂. N̂-ddaje maji ang tokə lə anjəje le tɔ. Dunnje rɔde dilaje kula kaya tə̂. N̂-ndikije ta dda nɛ̂n kə̂ asə karə dəw dda ang. Yeenn bba, Lubba gangə sariya dɔde tə̂ arə puru kə̂ to kə ndɔ kə ndɔ aw ɔnde. N̂-təlje to nɛ̂n-kɔju-marɛ̂ horo dəwje tə̂.