2 Piyɛr 2:21 - Dɔnɔn kə̂ Siki: Tar kə̂ aw arə təbbə

²¹ Mba, gərə ddəw nɛ̂n-dda kə̂ gatə gatə ang maji uta ye kə̂ ta gərə ngaâ bba ta tusu Ndu lə Lubba kə̂ n̂-tɔjude le kinya.

2 Piyɛr 2:21 ပူးပေါင်းရင်းမြစ်များ

Matiye 21:32

Mba, ləw Jan ddee rɔse tə̂, tɔjuse ddəw dda nɛ̂n kə̂ gatə gatə, a ooje məse tə̂ kə tar laa ang. A njê-taaje narɛ lambo kə dɛnɛ̂n njê-kayaje â ooje məde tə̂ kə tar laa le. A sese, ooje nɛ̂njeenn kə majɛ̂, a kəjə ləse jɔkuse ang ddəm ooje məse tə̂ kə tar laa le ang ddəm.»

Luku 12:47

«Nje-kula kə̂ gərə nɛ̂n kə̂ mə əbbeeje ndiki, a gɔl nɛ̂n ang ddəm dda nɛ̂n kə̂ əbbeeje ndiki le ang ddəm a kinga kunda nya.

Tar kə̂ Maji kə̂ Jan dda makəturu tə̂ 15:22

Bbo m-ddee ang ngaâ m-pa tar marəde ang a, tar majang a to dɔde tə̂ ang. A bbasinɛn, nɛ̂n kə̂ dâ kunn kɔru nɛ̂n naji ləde goto ngaa.

Tar kə̂ Maji kə̂ Jan dda makəturu tə̂ 9:41

Jeju ilade tə̂ nan: «Bbo ə-toje to njê-kəm-tɔje a, â ddaje majang ang. A bbasinɛn, ə-paje nan: ‹Jaw joo lo› a ə-naynje mə majang tə̂.»

Rɔmɛnje 7:12

Tɔkɔrɔ, Ndu maji tɔyn. Ndu lə Lubba maji tɔyn, to gatə gatə ddəm maji ddəm.

Galatəje 6:2

Maji karə otoje nɛ̂n-koto kə naan, yeenn â to dda kula kə ndu Kristə.

1 Tesalonisinyɛje 4:2

Mba ə-gərəje nduje kə̂ Əbbə-dəwje Jeju arə n-pa jarəse mban.

1 Timɔte 6:14

Maji karə ə-ngəm ndu le arə nɛ̂n-yərəw ɔri ang. Arə tar to dɔi tə̂ ang ndərəng ndɔ təl lə Əbbəjeje Jeju-Kristə.

Ebərəje 10:26

Mba bbo n-gərəje nɛ̂n kə̂ tɔkɔrɔ mban bba n-təlje jaw ddaje majang kə mə-ndiki ləje a, marə nɛ̂n-polo kâra a kasə kɔru majang ləje le ang ngaa.

Jakə 4:17

Yeenn a, dəw kə̂ gərə ddəw dda nɛ̂n kə̂ maji bba dda ang, dda majang.

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.