2 Piyɛr 1:1 - Dɔnɔn kə̂ Siki: Tar kə̂ aw arə təbbə

¹ Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

2 Piyɛr 1:1 ပူးပေါင်းရင်းမြစ်များ

Matiye 10:2

Ri njê-njaje go Jeju tə̂ kə̂ dɔku gire joo le nan: Dɔngɔrɛ̂ to Simɔn kə̂ daw bbarɛ̂ nan Piyɛr kə ngokɔɛ̂n Andere. Jakə ngonn lə Jebede kə ngokɔɛ̂n Jan.

Matiye 4:18

Jeju aw nja kar tɔkə dangə tə̂ kə̂ Galile a, noo ngakɔn-naanje joo: Simɔn kə̂ daw bbarɛ̂ nan Piyɛr de kə ngokɔɛ̂n Andere. Daw dilaje ddəngə tɔkə dangə maann tə̂ le mba n̂-toje to njê-ndɔn-maannje.

Luku 1:47

m-dda rɔ-nəəl mba Lubba kə̂ Nje-kajim ddəm

Luku 11:49

Mba yeenn bba Lubba pa tar ddəw kəm-karɛ tə̂ laa nan: ‹Mâ kula njê-kilaje mbər tar kə njê-kaw-kulaje karəde. Dâ tɔl marɛ̂je ngaâ dâ kula kəm marɛ̂je ndoo tə̂.›

Tar kə̂ Maji kə̂ Jan dda makəturu tə̂ 1:42

Naw kə Simɔn le rɔ Jeju tə̂. Jeju aa Simɔn le ddekeke ngaâ pa arɛ̂ nan: «Ə-to Simɔn, ngonn lə Jan. Dâ bbari nan Sepas ngaa.» Gəl Sepas le nan: «Piyɛr.»

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Tar kə̂ Maji kə̂ Jan dda makəturu tə̂ 20:21

Jeju təl pa arəde bbay nan: «Mə-wul-lɔm ee kə se. Ddəw kâra baa tokə Bɔy ulam le, əman kara mulase tɔ.»

Kulaje 15:14

Bbasinɛn bbay nəənn Simɔn ole məje dɔ gusu tə̂ kə̂ Lubba gɔl kunn-kutu nɛ̂n tə̂ njaa ta mbərə marə dəwje horo gəl-dəwje tə̂ kə̂ gərəje Lubba ang karə n̂-ddeeje to dəwje laa.

Rɔmɛnje 1:1

Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

Rɔmɛnje 1:12

Uta tɔyn, m-ndiki ta tee horose tə̂ mba karə mə-kunn ləse ddəm ləm ddəm arəjeje singa kə yo kə nəənn.

Rɔmɛnje 1:17

Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 15:9

Mba m-to tɛn baa horo njê-kaw-kulaje tə̂ tɔyn. Masə karə n̂-bbarəm to nje-kaw-kula ang, mba mula kəm Egilisi lə Lubba ndoo tə̂.

1 Kɔrɛntinyɛje 9:1

Masə dda ta nɛ̂n kə̂ məm ndiki ang wa? M-to nje-kaw-kula ang wa? Moo Əbbəjeje Jeju ang wa? Sese â ə-toje to kandə kula kə̂ m-dda nɔn gɔl Əbbə-dəwje tə̂ le ang wa?

2 Kɔrɛntinyɛje 4:13

Makəturu lə Lubba pa nan: «Moo məm tə̂. Mba yeenn bba m-pa tar.» Kəjə ləje to kâra baa kə dəw kə̂ pa tar nəənn le. Yeenn bba jeje kara joo məje tə̂ tɔ ngaâ jaw pa tar.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Galatəje 2:8

Mba Lubba kə̂ dda Piyɛr to nje-kaw-kula lə Jiipije le ddam to nje-kaw-kula lə dəwje kə̂ toje to Jiipije ang tɔ.

Epɛjinyɛje 3:5

Ləw, Lubba tɔju nɛ̂nje kə̂ naynje lo-kiyɛ̂ tə̂ le arə dəwje ang. A bbasinɛn, ddəw tə̂ lə Ndil-mə-nda, n̂-tee nɛ̂n kə ddaka narə njê-kaw-kulaje laa kə njê-kilaje mbər tar laa kə̂ nundade dang.

Epɛjinyɛje 4:11

Ne â narə gusu dəwje. Ne â narə marɛ̂je ddeeje to njê-kaw-kulaje, marɛ̂je to njê-kilaje mbər tar lə Lubba, marɛ̂je to njê-kilaje mbər Tar kə̂ Maji, marɛ̂je to njê-kulaje, a marɛ̂je to njê-nɛ̂n-tɔjuje.

Epɛjinyɛje 4:5

Əbbə-dəwje kâra baa, mə-kunn kâra baa, batɛm kâra baa.

Pilipinyɛje 1:1

Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

Pilipinyɛje 1:29

Mba Lubba dda kə se mə-maji karə ooje məse tə̂ kə Kristə njaa a bbayɛ̂ ang, n̂-dda kə se mə-maji karə ooje ndoo mbɛɛ̂ tɔ.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

2 Timɔte 1:5

Maw mole məm dɔ məi tə̂ kə̂ unn tokə tɔkɔrɔ le. To mə-kunn kə̂ Loyis kə̂ to kaije kə̂ dɛnɛ̂n kə kɔinje Ənis deeje nɛ̂n kete. Məjə tokə əi njaa kara unn məi tokə baann tɔ.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

1 Piyɛr 1:1

Əman Piyɛr, nje-kaw-kula lə Jeju-Kristə, m-dda makəturu nəənn mula nɛ̂n marə dəwje kə̂ Lubba mbərəde, kə̂ sarɛnje naan ngaâ isije dang dang to njê-mbaje, nangə tə̂ kə̂ Pɔn, nangə tə̂ kə̂ Galasi, nangə tə̂ kə̂ Kapados, nangə tə̂ kə̂ Aji kə nangə tə̂ kə̂ Bitini.

1 Piyɛr 1:7

Ndoo kə̂ aw ooje le to mba nan nɛ̂n mə-kunn ləse koo, tokə andə kə̂ to nɛ̂n kə̂ aw tuju, a n̂-nan kə puru doo. Baann bba karə mə-kunn ləse kə̂ to nɛ̂n kə̂ ngəng uta andə le a dda karə Lubba ɔsu gajise ddəm pitise ddəm walse ddəm ndɔ tə̂ kə̂ Jeju-Kristə a kunda nɛ̂n lo tee kəm dəwje tə̂.

1 Piyɛr 2:7

Yeenn a, ər le to nɛ̂n-piti ləse, sese kə̂ unnje məse arəje Lubba. A ənga njê kə̂ unnje məde ang le, ər kə̂ njê-kɔsuje kəy mbətəje le ddee to singa gɔl kəy kə̂ dungu nangə̂.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

2 Piyɛr 1:4

Ddəw nɛ̂nje tə̂ənn le bba jingaje nɛ̂n nɛ̂nje kə̂ ngəng nya kə̂ Lubba unn ndue ta karəje le. Yeenn bba karə ddəw nɛ̂nje tə̂ənn le, ə-ddeeje tokə lə Lubba, mba aynje bbo nɛ̂nje kə̂ maji ang kə̂ dɔ nangə tə̂ nəənn kə̂ aw tuju dəwje.

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.