2 Timɔte 4:17 - Dɔnɔn kə̂ Siki: Tar kə̂ aw arə təbbə

¹⁷ A Əbbə-dəwje njaa umanʼm ngaâ arəm singa, mba karə mila mbər tar laa nya marə dəwje ngaâ ta karə dəwje kə̂ toje to Jiipije ang kara tar laa oso mbide tə̂ tɔ ngaâ nɔrum ta ənam tə̂.

Maketuru le Lubba ke tar kabba

¹⁷ A Ebbe-dewje njaa umam ngaa arem singa, mba kare mila mber-tar laa nya mare dewje ngaa ta kare dewje ke toje to Jiipije ang kara tar laa oso mbide te tɔ. Ngaa nɔrum ta tebeyn te.

2 Timɔte 4:17 ပူးပေါင်းရင်းမြစ်များ

Matiye 10:19

A bbo daw kə se sariya tə̂ a, əjəje tar kə̂ â paje wase gusu kə̂ a paje nɛ̂n tar le ang. Kar tə̂ənn njaa, Lubba a karəse tar kə̂ â paje.

Luku 1:1

Dəw kə̂ bo Topil, marə nɛ̂nje njaje horoje tə̂ ngaâ marə dəwje kə̂ ooje nɛ̂nje le kə kəmde, kunn-kute tə̂ njaa paje arəjeje. Dede kə̂ dooje nɛ̂nje le kə kəmde le n̂-təlje n̂-ddeeje to njê-paje tar lə Lubba. Yeenn bba dəwje nya unnje kutu dda makəturu mba kɔru nɛ̂n gəl nɛ̂nje kə̂ ndayje horoje tə̂ ləw.

Luku 21:15

mba mâ karəse tar kəm-karɛ kə̂ a gangə singa njê-baanje ləse ddəm dâ kasəje ta mayn ang ddəm.

Kulaje 23:11

Lo ndul a, Əbbə-dəwje tee inga Pɔl ngaâ pa arɛ̂ nan: «Uwa arə ngəng, ə-pa tar-naji ləm Jerujalɛm mban, a maji karə ə-dda tokə baann Rɔm tɔ.»

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 15:31

bba karə moso mə ji dəwje tə̂ kə̂ Jude kə̂ mbətəje Kristə le ang. Ə-dujuje Lubba arə njê-mə-kunnje taaje nɛ̂n kə̂ maw nɛ̂n kə Jerujalɛm ta karəde nəənn le kə rɔ-nəəl.

2 Kɔrɛntinyɛje 12:9

A n̂-pa narəm nan: «Mə-maji kə̂ m-dda səi njaa asi. Kar tə̂ kə̂ singa dəw goto bba maw tɔju singa-mɔngu ləm.» Yeenn bba, m-ndiki nya ta kunda gum mba singam kə̂ goto, bba karə singa-mɔngu lə Kristə to dɔm tə̂.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

1 Timɔte 1:12

Marə wooyo nya Əbbəjeje Jeju-Kristə kə̂ arəm singa: Noom to marə dəw kə̂ nâ kasə ta kunda məɛ̂ dɔɛ̂ tə̂ ngaâ n̂-bbarəm kula tə̂ laa.

2 Timɔte 2:1

Əi ngonnəm, maji karə inga singa ddəw mə-maji tə̂ kə̂ Lubba dda kə je ddəw mə-kâra tə̂ kə̂ n-dda kə Jeju-Kristə le.

2 Timɔte 2:9

Tar kə̂ Maji le â moo ndoo mbɛɛ̂ ndərəng n̂-tɔm dilam kəy-kula tə̂ tokə lə nje-nɛ̂n-dda kə̂ maji ang. A tar lə Lubba â n̂-tɔ ang.

2 Timɔte 3:11

Ə-gərə dda kə̂ dəwje ddamje, ndoo kə̂ moo Antiyos, Ikoniyɔm kə Listərə. Dda kə̂ dəwje oso ddamje! A Əbbə-dəwje ɔrum mə nɛ̂nje tə̂ənn tɔyn.

2 Timɔte 4:5

A əi, maji karə ə-gərə dɔ jii ddəw nɛ̂nje tə̂ tɔyn, ə-tɔ wuri mə nɛ̂n kəm-to-ndooje tə̂, ila mbər Tar kə̂ Maji. Ə-dda kula lə Lubba kə majɛ̂.

Titə 1:3

Karɛ̂ asə a, Lubba tee kə tar laa le kə ddaka ddəw tar tə̂ kə̂ n̂-pa narəm. Lubba kə̂ Nje-kajije le inya tar le mə jim tə̂ ngaâ nunn ndu narəm ta karə mila mbər tar le.

Ebərəje 11:33

Ddəw mə-kunn tə̂ â n̂-tətəje tɔkə bbe-kɔnje kə ddɔ. N̂-ddaje nɛ̂n kə̂ gatə gatə ngaâ dingaje nɛ̂n kə̂ Lubba unn ndue ta karəde, n̂-tɔje ta ənamje.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

2 Piyɛr 2:9

Yeenn tɔju to Əbbə-dəwje gərə gusu kə̂ ta kɔru nɛ̂n dəwje kə̂ unnje rɔde arɛ̂je mə nɛ̂n-nan tə̂ kə ddang. A naw ngəm njê kə̂ toje gatə gatə ang mba gangə sariya dɔde tə̂ ndɔ gangə sariya tə̂.