2 Timɔte 3:16 - Dɔnɔn kə̂ Siki: Tar kə̂ aw arə təbbə

¹⁶ Tar tɔyn kə̂ n̂-dda Makəturu tə̂ le in rɔ Lubba tə̂ ngaâ Makəturu le to mba tɔju dəwje tar kə̂ tɔkɔrɔ, mba karə dəw gərə majang laa, mba gɔl pa-nja lə dəw karə to kə dannâ, mba tɔju dəw ddəw kə̂ gatə gatə.

Maketuru le Lubba ke tar kabba

¹⁶ Tar tɔyn ke n̂-dda Maketuru te le in rɔ Lubba te, ngaa Maketuru le to mba tɔju tar ke tɔkɔrɔ dewje, mba kare dew gere majang laa, mba mɔse pa-nja le dew kare to ke danna, mba tɔju ddew ke gate gate dew.

2 Timɔte 3:16 ပူးပေါင်းရင်းမြစ်များ

Matiye 13:52

N̂-pa narəde nan: «Mba yeenn bba, nje-gərə-Ndu kə̂ gərə nɛ̂nje dɔ Bbe-kɔn tə̂ kə̂ darâ, to kâra baa kə nje-kəy kə̂ oto nɛ̂nje kə̂ siki kə nɛ̂nje kə̂ toje to konnɛ̂ mə dam tə̂ laa tee nɛ̂n.»

Matiye 21:42

Goe tə̂ a, Jeju dujude nan: «Ə-turaje tar kə̂ Makəturu lə Lubba pa nəənn ndɔ kâra ang bbay wa? Tar kə̂ nan: ‹Ər kə̂ njê-kɔsuje kəy mbətəje, təl ddee to singa gɔl kəy kə̂ dungu nangə̂. To nɛ̂n kə̂ in rɔ Əbbə-dəwje tə̂ ngaâ to nɛ̂n-mɔri kəmje tə̂.›

Matiye 22:43

Jeju pa arəde nan: «Yeenn a, tokə baânn bba Dabbiti Ndil dduse a, təl bbar Kristə le to ‹Əbbeeje› wa? Dabbiti le pa nan:

Matiye 26:54

A bbo m-dda tokə baann a, tarje kə̂ Makəturu lə Lubba pa le a ddeeje to nɛ̂n kə̂ tɔkɔrɔ tokə baânn wa? Makəturu le pa nan, maji karə nɛ̂ɛnn le to tokə baann.»

Matiye 26:56

A nɛ̂njeenn tɔyn toje bba karə tar kə̂ njê-kilaje mbər tar lə Lubba paje Makəturu tə̂ le ddeeje to nɛ̂n kə̂ tɔkɔrɔ.» Yeenn ngaâ njê-njaje go Jeju tə̂ le tɔyn njaa aynje inyɛ̂je.

Marke 12:24

Jeju ilade tə̂ nan: «Ə-ndəəmje ddəw, mba ə-gərəje Makəturu lə Lubba ang ddəm tar singa-mɔngu lə Lubba ang ddəm.

Marke 12:36

Dabbiti njaa kara, kar tə̂ kə̂ Ndil-mə-nda dduse, pa nan: ‹Əbbə-dəwje Lubba pa arə Əbbəmje nan: Ə-ddee isi dɔ ji-kɔləm tə̂ ndərəng ta mungu njê-baanje ləi kɔ gɔli tə̂.›

Tar kə̂ Maji kə̂ Jan dda makəturu tə̂ 10:35

Dəw kâra asə kɔru marə tar kə̂ Makəturu-Ndu tə̂ ang. A Makəturu-Ndu tə̂ənn, dəwje kə̂ Lubba aw pa tar arəde â naw bbarde to lubbaje.

Tar kə̂ Maji kə̂ Jan dda makəturu tə̂ 3:20

Dəwje tɔyn kə̂ aw ddaje majang ndikije lo-karɛ ang arə n̂-ddeeje kə lo-karɛ tə̂ ang mba kin karə dəwje ooje nɛ̂n-ddaje ləde kə̂ maji ang.

Kulaje 1:16

«Ngakɔnʼmje, tar kə̂ Ndil-mə-nda unda ta Dabbiti tə̂ arə pa makəturu tə̂ lə Lubba le ddee to tar kə̂ tɔkɔrɔ ngaa. Tar le nan Judas a təl to nje-kunn nɔn dəwje kə̂ uwaje Jeju.

Kulaje 18:25

N̂-tɔjɛ̂ «ddəw lə Əbbə-dəwje» tokə kete arə kəjə laa sangə kə majɛ̂ ngaâ n̂-tɔju nɛ̂n dɔ Jeju tə̂ kə̂ dɔgɔlɛ̂. A batɛm lə Jan kâra baa a n̂-gərə.

Kulaje 20:20

Nɛ̂n kə̂ a ddase maji tɔyn njaa m-tɔjuse. M-pa nɛ̂nje tɔyn marəse, m-tɔjuse nɛ̂n kəm dəwje tə̂ ddəm mə kəyje tə̂ ləse ddəm.

Kulaje 20:27

Mba miyase marə nɛ̂n ang, m-tɔjuse nɛ̂n tɔyn kə̂ Lubba gɔl ta dda.

Kulaje 28:25

Horode tə̂ tar ləde aw naan tə̂ ang ngaâ kar tə̂ kə̂ dâ ta kɔtuje a, Pɔl pa tar kâra nan: «Tar kə̂ Ndil-mə-nda unda ta Ejayi tə̂ kə̂ to nje-kila mbər tar lə Lubba arə pa arə kajejedede le to tar kə̂ tɔkɔrɔ. Ndil-mə-nda pa nan:

Rɔmɛnje 15:4

Tɔkɔrɔ njaa, tarje tɔyn kə̂ n̂-dda ləw Makəturu tə̂ lə Lubba le, n̂-dda mba tɔju nɛ̂n je nɛ̂n bba karə wurje kə̂ jaw tɔje le ddəm singa kə̂ jaw jingaje ddəwe tə̂ le ddəm dda arə jundaje məje dɔ nɛ̂n tə̂ kə̂ Lubba pa tarɛ̂.

Rɔmɛnje 2:20

Oo rɔi to nje-tɔju nɛ̂n dəwje kə̂ gərəje nɛ̂n ang ddəm nje-tɔju nɛ̂n ngannje kə̂ ngaji ddəm. Tɔkɔrɔ oo to Ndu unn ddəw arə ə-gərə nɛ̂n ddəm ə-gərə tar kə̂ tɔkɔrɔ ddəm mban.

Rɔmɛnje 3:2

Nɛ̂n kə̂ maji to mə nɛ̂nje tə̂ nya njaa. Dɔngɔr njaa kara, Jiipije â Lubba inya tarje laa mə jide tə̂.

Rɔmɛnje 4:23

A tar kə̂ n̂-dda Makəturu tə̂ lə Lubba nan: «Lubba ooe to dəw kə̂ gatə gatə» le to mba Abaraham kə karɛ̂ ang.

1 Kɔrɛntinyɛje 12:7

Ndil aw dda kula mə dəwje tə̂ kâra kâra ddəw gusu tə̂ mba kisi maji lə dəwje tɔyn.

Galatəje 3:8

Tɔ bbay, Makəturu lə Lubba pa kete mban nan Lubba a koo dəwje kə̂ toje to Jiipije ang to dəwje kə̂ gatə gatə kəmɛ̂ tə̂ ddəw mə-kunn tə̂ le. Mba yeenn bba, Makəturu le pa tar kə̂ maji nəənn tokə kete arə Abaraham nan: «Lubba a bbar tar kə̂ maji dɔ kəsə gəl-dəwje tə̂ tɔyn ddəw tə̂ ləi.»

2 Timɔte 2:25

Maji karə n̂-tɔju ddəw dəwje kə̂ aw maynje saa tar kə gɔsu kə̂ wul pee. A du ang, Lubba a dda karə n̂-turuje məde mba gərə tar kə̂ tɔkɔrɔ.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Ebərəje 11:1

Mə-kunn, to karə dəw arə məɛ̂ oso pɔn dɔ nɛ̂nje tə̂ kə̂ naw nunda məɛ̂ dɔɛ̂ tə̂, to karə dəw tɔju to nɛ̂nje kə̂ kəmɛ̂ aw oo ang ddəm le toje tə̂ənn njaa.

Ebərəje 3:7

Mba yeenn bba, tokə Ndil-mə-nda pa nan: «Bbokənɛn, bbo ooje ndu Lubba kə̂ aw bbar a,

Ebərəje 4:12

Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.