2 Timɔte 2:25 - Dɔnɔn kə̂ Siki: Tar kə̂ aw arə təbbə

²⁵ Maji karə n̂-tɔju ddəw dəwje kə̂ aw maynje saa tar kə gɔsu kə̂ wul pee. A du ang, Lubba a dda karə n̂-turuje məde mba gərə tar kə̂ tɔkɔrɔ.

Maketuru le Lubba ke tar kabba

²⁵ Maji kare n̂-tɔju ddew dewje ke aw maynje saa tar ke gɔsu ke wul pe. A du ang Lubba a dda kare n̂-turuje ddew lede mba gere tar ke tɔkɔrɔ.

2 Timɔte 2:25 ပူးပေါင်းရင်းမြစ်များ

Matiye 11:29

Ə-taaje juku ləm otoje ngaâ arəje m-tɔjuse nɛ̂n, mba m-wul pee ddəm məm to mə ngonn-kasə ddəm. Yeenn bba â kuwaje rɔse.

Matiye 21:32

Mba, ləw Jan ddee rɔse tə̂, tɔjuse ddəw dda nɛ̂n kə̂ gatə gatə, a ooje məse tə̂ kə tar laa ang. A njê-taaje narɛ lambo kə dɛnɛ̂n njê-kayaje â ooje məde tə̂ kə tar laa le. A sese, ooje nɛ̂njeenn kə majɛ̂, a kəjə ləse jɔkuse ang ddəm ooje məse tə̂ kə tar laa le ang ddəm.»

Marke 1:15

N̂-pa nan: «Kar kə̂ Lubba ɔju le asə ngaâ kɔn-mbay lə Lubba ddee ngɔsi ngaa. Ə-turuje məse bbo ooje məse tə̂ kə Tar kə̂ Maji.»

Tar kə̂ Maji kə̂ Jan dda makəturu tə̂ 5:34

Əman, dəw â aw pa tar-naji ləm ang. A m-pa yeenn mba karə ingaje kaji.

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 5:21

Njê-kaw-kulaje le ooje tɛɛ̂ ngaâ lo a ta karɛ a, dawje kəy-polo Lubba tə̂ daw tɔjuje nɛ̂n. Tɔkə nje-polo Lubba kə njê kə̂ mbɔrɛ̂ tə̂ n̂-bbarje tɔkəje lə dəwje kə Ijarayɛl karə duwa dɔ naan lo gangə sariya tə̂ lə Jiipije. Dulaje kəy-kula tə̂ karə n̂-ddee kə njê-kaw-kulaje le.

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

Kulaje 8:22

Inya kəjə ləi kə̂ maji ang le ta ə-duju Əbbə-dəwje arə ddəw to a, nɔru tar kəjəje kə̂ maji ang le dɔi tə̂ kə ddang.

Galatəje 6:1

Ngakɔnʼmje, sese kə̂ Ndil-mə-nda aw tɔjuse ddəw le bbo ingaje marə dəw dɔ majang tə̂ a, maji karə ə-təlje saa ddəw tə̂ kə̂ maji kə ndu kə̂ wul pee. A aa rɔi kə majɛ̂ mba əi kara, nɛ̂n a kasə ta nain tɔ.

1 Timɔte 2:4

Lubba kə̂ ndiki karə dəwje tɔyn ingaje kaji ddəm ndiki karə dəwje tɔyn gərəje nɛ̂n kə̂ tɔkɔrɔ ddəm.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

2 Timɔte 3:7

Dɛnɛ̂njeenn le aw ndoje nɛ̂n kə ndɔ tɔyn, a ddəw kə̂ dâ kasəje ta gərə nɛ̂n tar kə̂ tɔkɔrɔ goto.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Titə 3:2

Maji karə n̂-tajije dəw ang, n̂-toje to njê-ddɔje kə dəw ang, maji karə n̂-toje to njê-mə-majije. Maji karə n̂-toje to dəwje kə̂ wul pee kə dəwje tɔyn kə ndɔ tɔyn.

Jakə 1:17

Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.

1 Piyɛr 3:15

A maji karə ə-gərəje məse tə̂ to Kristə kə̂ to Əbbəsese maji tɔyn. Dəwje kə̂ aw dujuse ta gərə nɛ̂n kə̂ aw undaje məse dɔɛ̂ tə̂ le, maji karə ə-toje ngɔsi ta kilade tar tə̂ ləde le.

1 Jan 5:16

Bbo dəw oo ngokɔɛ̂n lo dda majang tə̂ kə̂ a kaw saa karə noy ang a, maji karə dəw le duju Lubba, a Lubba a karə təbbə ngokɔɛ̂n le, tokə majang laa le to majang kə̂ a kaw saa karə ninga yo ang. Majang kə̂ aw uju yo to. M-duju karə ə-dujuje Lubba mba majang kə̂ baann ang.