2 Timɔte 2:19 - Dɔnɔn kə̂ Siki: Tar kə̂ aw arə təbbə

¹⁹ A gɔl kəy kə̂ mɔngu kə̂ Lubba unda nangə̂ le nayn kə singɛ̂. Tar kə̂ n̂-dda gɔl kəy tə̂ le nan: «Əbbə-dəwje gərə njê kə̂ toje to dəwje laa» ngaâ «Maji karə dəw kə̂ bbar ri Əbbə-dəwje mban, mbətə majang.»

Maketuru le Lubba ke tar kabba

¹⁹ A gɔl key ke Lubba unda nangê to ke lo toe. Tar ke n̂-dda gɔl key te le na: «Ebbe-dewje gere nje ke toje to dewje laa», ngaa «Maji kare dew ke bbar ri Ebbe-dewje mban a, mbete majang.»

2 Timɔte 2:19 ပူးပေါင်းရင်းမြစ်များ

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Matiye 7:23

Yeenn le, mâ pa karəde nan: M-gərəse ndɔ kâra ang ta ɔtuje mbɔrəm tə̂ kə ddang. Awje ddəw əw səm, see njê-nɛ̂n-ddaje kə̂ maji ang.»

Matiye 7:25

Ndi ərə, maann siri taa lo tɔyn ngaâ ləl ula yəkə kəy le, a kəy le oso ang mba dungu gɔl kəy le dɔ ər tə̂.

Marke 12:16

N̂-ddeeje kə marə kandə narɛ darɛ̂je ngaâ n̂-dujude nan: «Əndaji dɔ dəw kə makəturu kə̂ n̂-dda kandə narɛ tə̂ nəənn toje to le nan wa?» Dilɛ̂je tə̂ nan: «To lə tɔkə mbay kə̂ Rɔm.»

Marke 13:22

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, bbo ddəw to a, njê kə̂ Lubba mbərəde kara dâ kərəjede tɔ.

Luku 13:27

A nâ kilase tar tə̂ nan: ‹M-gərə lo kə̂ inje tə̂ ang. Ɔtuje mbɔrəm tə̂ kə ddang, sese tɔyn kə̂ ə-toje to njê-nɛ̂n-ddaje kə̂ gatə gatə ang.›

Luku 6:48

N̂-to kâra baa kə dəw kə̂ a ta kɔsu kəy a, uru buwa arə uru bba ungu gɔl kəy le dɔ ər tə̂. Bbo maann taa lo ngaâ unda kar kəy le a, kəy le oso ang, mba nɔsu kəy le kə majɛ̂.

Tar kə̂ Maji kə̂ Jan dda makəturu tə̂ 10:14

Əman, m-to nje-ngəm nɛ̂n-kuul kə̂ maji, m-gərə batəje ləm ngaâ batəje ləm gərəmje,

Tar kə̂ Maji kə̂ Jan dda makəturu tə̂ 13:18

«Maw pa nɛ̂ɛnn ɔju dɔse tɔyn ang. M-gərə dəwje kə̂ m-mbərəde. A maji karə tar kə̂ Makəturu tə̂ lə Lubba nəənn ddee to nɛ̂n kə̂ tɔkɔrɔ. Tar le nan: ‹Dəw kə̂ aw usa səm nɛ̂n təl to nje-baan ləm.›

Tar kə̂ Maji kə̂ Jan dda makəturu tə̂ 3:33

Dəw kə̂ ndiki tə̂ kə tar-naji laa le tɔju kə ddaka to Lubba aw pa tar kə̂ tɔkɔrɔ.

Kulaje 11:26

Ningɛ̂ a, n̂-ddee saa Antiyos. N̂-ddaje bbal kâra Egilisi tə̂ kə̂ Antiyos ngaâ n̂-tɔjuje nɛ̂n dəwje nya nya. Bbe tə̂ kə̂ Antiyos â dəwje unn kutu bbar ri njê-njaje go Jeju tə̂ to «dəwje lə Kristə.»

Kulaje 15:17

Yeenn bba kəsə dəwje a sangəje Əbbə-dəwje, tɔkɔrɔ, gəl-dəwje tɔyn kə̂ m-bbarde karə n̂-toje to dəwje ləm. Tar kə̂ Əbbə-dəwje pa le â nəənn.

Kulaje 9:14

Lo tə̂ nəənn njaa kara, mbayje lə njê-poloje Lubba arɛ̂je ddəw karə n̂-ddee nuwa dəwje tɔyn kə̂ aw bbarje rii.»

Rɔmɛnje 11:2

Lubba turu gire arə dəwje laa kə̂ ne njaa n̂-mbərəde ləw baa le ang. Oleje məse dɔ nɔn tə̂ kə̂ Eli nɔn rɔɛ̂ mba Ijarayɛl kə̂ n̂-dda tarɛ̂ Makəturu tə̂ lə Lubba le wa? N̂-pa nan:

Rɔmɛnje 12:9

Maji karə ə-ndikije dəwje kə mə-kâra. Maji karə ə-mbətəje nɛ̂n kə̂ maji ang, nɛ̂n kə̂ maji dɔrɔ â ə-ddaje.

Rɔmɛnje 15:20

Nɛ̂n kə̂ nəələm to lo kə̂ dəwje gərəje Kristə tə̂ ang bba m-ndiki ta kila mbər Tar kə̂ Maji le tə̂, mba m-ndiki ta kunn ta kula kə̂ dəw kə̂ dang â unda gɔlɛ̂ nangə̂ ang.

Rɔmɛnje 15:9

Kristə ddee tɔ bba karə dəwje kə̂ toje to Jiipije ang kara ɔsuje gaji Lubba mba maji laa. Ddəw kâra baa tokə Makəturu lə Lubba pa nan: «Mba yeenn bba, mâ kɔsu gajii horo gəl-dəwje tə̂, ngaa mâ kɔsu pa wal nɛ̂n rii.»

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

Rɔmɛnje 9:11

Lubba njaa gɔl ddəw kə̂ naw mbərə nɛ̂n dəwje. N̂-mbərə dəwje mba bbar kə̂ n̂-bbarde bbo mba kula-ddade ang. Ta tɔju dəwje to n̂-to gatə gatə ddəw nɛ̂n tə̂ kə̂ n̂-gɔl ta dda le, Lubba le pa arə Rebeka kar tə̂ kə̂ n̂-nayn nuju nɛ̂n ang bbay ngaâ ngannɛ̂ le nayn ddaje maji wase majang ang bbay nan: «Ne kə̂ tɔkə nâ to nje-kula lə ne kə̂ mbatə.»

1 Kɔrɛntinyɛje 1:2

jula kə makəturu nəənn jarə njê-mə-kunnje kə̂ mə Egilisi tə̂ lə Lubba kə̂ bbe tə̂ kə̂ Kɔrɛntə ddəm jarə dəwje kə̂ Lubba bbarde ddəw tə̂ lə Jeju-Kristə ngaâ undade dang arə n̂-toje to njê-mə-ndaje ddəm. Jula kə makəturu nəənn jarə dəwje tɔyn kə̂ aw bbarje ri Əbbəjeje Jeju-Kristə loje tə̂ tɔyn. Jeju-Kristə kə̂ to Əbbədede ddəm Əbbəjeje ddəm.

1 Kɔrɛntinyɛje 8:3

 bbo dəw ndiki Lubba a, Lubba a gəre.

2 Kɔrɛntinyɛje 7:1

See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.

Galatəje 4:9

A bbasinɛn, ə-gərəje Lubba ngaa, uta tɔyn Lubba gərəse ngaa. A, â təl bbəəlje ndilje kə̂ duninya tə̂ kə̂ singade goto ddəm ture goto ddəm tokə baânn wa?

Epɛjinyɛje 2:20

Ə-toje tokə lə dəbbə ərje kə̂ dɔsu nɛ̂n kəy, kə̂ gɔl kəy le to njê-kaw-kulaje kə njê-kilaje mbər tar lə Lubba ngaâ Jeju-Kristə njaa to singa gɔl kəy kə̂ dungu nangə̂ le.

Epɛjinyɛje 3:15

Ne â gəl nɛ̂nje tɔyn kə̂ mə dara tə̂ kə dɔ nangə tə̂ inje rɔɛ̂ tə̂.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

1 Timɔte 3:15

A bbo m-ddee kə tɔkɛ̂ ang a, ndəjəje kə̂ mari nəənn a kari ddəw karə ə-gərə ddəw kə̂ â nja nɛ̂n horo dəwje tə̂ lə Lubba. Dəwje lə Lubba le to Egilisi lə Lubba kə̂ to Nje-kisi kəm baa. Egilisi le aw uwa tar kə̂ tɔkɔrɔ arə ngəng.

1 Timɔte 6:19

Baann bba dâ gɔlje nɛ̂n dam ləde kə̂ kura kə̂ gɔlɛ̂ kətərə, mba ndɔ kə̂ bara. Yeenn tɔ bba dâ kingaje təbbə kə̂ tɔkɔrɔ.

Ebərəje 11:10

Abaraham aw nginan ta kisi tɔkə bbe tə̂ kə̂ dungu gɔlɛ̂ nangə̂ darə ngəng, kə̂ Lubba â tɔju gusu kə̂ n̂-dda nɛ̂n ddəm Lubba â to nje-ddɛɛ̂ ddəm.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

1 Jan 2:19

Dinje horoje tə̂ bba n̂-teeje, a n̂-toje to dəwje ləje ang. Bbo n̂-toje to dəwje ləje a, dâ naynje kə je. N̂-teeje horoje tə̂ kə̂ ddang karə tɔju kə ddaka to dede tɔyn n̂-toje to dəwje ləje ang.

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 21:14

Dɔsu ndoko le dɔ ərje tə̂ dɔku gire joo kə̂ dungu nɛ̂n gɔlɛ̂ ngaâ n̂-dda ri njê-kaw-kulaje kə̂ dɔku gire joo kə̂ toje to lə Ngonn batə le kar ərje tə̂ kə̂ dɔku gire joo le kâra kâra.

Apokalisi 22:4

Dâ koo kəmɛ̂ ngaâ ria a to əngo-nɔnde tə̂.

Apokalisi 3:8

N̂-pa nan: M-gərə kula-ddai. M-gərə to singai to nya ang njaa. A ə-ngəm tar ləm bbo ə-mbətəm ang. Mba yeenn bba, oo, mɔru ta-kəy nɔin tə̂, a dəw kâra a kasə kutu ta-kəy le ang.