2 Kɔrɛntinyɛje 9:15 - Dɔnɔn kə̂ Siki: Tar kə̂ aw arə təbbə

¹⁵ Maji karə jarəje wooyo Lubba mba narəje nɛ̂n kə̂ garɛ̂ goto!

2 Kɔrɛntinyɛje 9:15 ပူးပေါင်းရင်းမြစ်များ

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Luku 2:38

Karɛ̂ tə̂ənn njaa ne kara n̂-tee ningade. Nɔsu gaji Lubba ngaâ n̂-pa tar lə ngonn le narə dəwje tɔyn kə̂ aw ngəbbəje tee lə Jerujalɛm kɔ bbərə tə̂ kə ddang.

Tar kə̂ Maji kə̂ Jan dda makəturu tə̂ 1:16

Nɛ̂nje kə̂ maji dduse arə jeje tɔyn njaa n̂-bbar tar kə̂ maji dɔje tə̂ kə dɔ naan tə̂, dɔ naan tə̂.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Rɔmɛnje 5:15

A mə-maji kə̂ Lubba dda to nɛ̂n-karə-baa kə̂ to dang kə nɛ̂n kə̂ to kə dɔgɔlɛ̂ ang kə̂ Adam dda. Tɔkɔrɔ, dəwje nya oyje mba majang kə̂ dəw kə̂ kâra baa nəənn dda le. A nɛ̂n kə̂ bo uta nya to mə-maji kə̂ Lubba dda kə dəwje ngaâ arəde nɛ̂n baa ddəw tə̂ lə dəw kâra kə̂ to Jeju-Kristə.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

Rɔmɛnje 8:32

Lubba kə̂ ɔku Ngonnɛ̂ ang, a unnɛ̂ ulɛ̂ ji dəwje tə̂ arə tɔlɛ̂ mba tar ləje tɔyn le a karəje nɛ̂n tɔyn kâra baa kə ngonnɛ̂ le ang tokə baânn wa?

1 Kɔrɛntinyɛje 15:57

A jarəje wooyo Lubba kə̂ dda arə n-tətə ddɔ ddəw tə̂ lə Əbbəjeje Jeju-Kristə.

2 Kɔrɛntinyɛje 2:14

Jarəje wooyo Lubba, kə̂ dda arə ddəw tə̂ lə Kristə jee horo dəwje tə̂ kə̂ aw ɔsuje nja kə go kulɛ̂ go Kristə tə̂ kə̂ tətə ddɔ le. Ddəw tə̂ ləje, narə dəwje gərəje Kristə loje tə̂ tɔyn, tokə yambo kə̂ banyɛ̂ taa lo tɔyn.

2 Kɔrɛntinyɛje 9:11

Nâ dda karə ingaje nɛ̂n nya nya, bba karə arəje nɛ̂n kə mə-kâra, baann bba dəwje nya a karəje wooyo Lubba mba nɛ̂n-mbɔn ləse kə̂ ja kaw nɛ̂n karəde kə rise le.

2 Kɔrɛntinyɛje 9:14

Dâ tɔjuje ndiki kə̂ n̂-ndikise ddəw duju tə̂ kə̂ daw dujuje Lubba mba tar ləse, mba mə-maji kə̂ Lubba dda kə se tokə bo nya le.

Epɛjinyɛje 5:20

Maji karə arəje wooyo Lubba kə̂ Bɔ kə kar tɔyn mba nɛ̂nje tɔyn kə ri Əbbəjeje Jeju-Kristə.

Jakə 1:17

Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.

Apokalisi 4:9

Kə kar tɔyn, bbo nɛ̂nje kə̂ sɔ le aw ɔsuje pa ta wal nɛ̂n, ta piti nɛ̂n, ta karə nɛ̂n wooyo ne kə̂ nisi dɔ ngende-mbay tə̂ ngaâ nisi kəm baa kə ndɔ kə ndɔ le a,