2 Kɔrɛntinyɛje 6:9 - Dɔnɔn kə̂ Siki: Tar kə̂ aw arə təbbə

⁹ Dəwje gərəjeje kə majɛ̂, a daw doojeje tokə dəwje kə̂ n̂-gərəjede ang. Dəwje oojeje to dəwje kə̂ a ta koy to koy, a ooje, jisi kəm baa. Dəwje aw tundajeje, a n̂-tɔljeje ang.

2 Kɔrɛntinyɛje 6:9 ပူးပေါင်းရင်းမြစ်များ

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 19:26

A sese njaa ooje kə kəmse ddəm ooje kə mbise ddəm nan Pɔl mbɔn dəwje pa arəde nan kɔrje kə̂ n-dda kə jije to lubbaje ang ngaâ dəwje nya nya ndikije tə̂ saa. Tarje nəənn taa dɔ nangə kə̂ Aji tɔyn bbo Epɛjə kâra baa ang.

Kulaje 25:19

Bbayɛ̂ njaa to tar kə̂ n̂-maynje naan dɔ ddəw kə̂ ta polo nɛ̂n Lubba le njaa kə dɔ marə dingaw tə̂ kə̂ ria nan Jeju kə̂ oy mban, a Pɔl aw pa nan nisi kəm baa.

Kulaje 25:26

A minga marə nɛ̂n kâra kə̂ mâ dda dɔɛ̂ tə̂ makəturu tə̂ kula nɛ̂n karə tɔkə mbay kə̂ Rɔm le ang. Mba yeenn bba m-ddee saa nɔnse tə̂ tɔyn, uta tɔyn, nɔn əi tɔkə mbay Agiripa tə̂ ta kisa mə tar laa le. Goe tə̂ a, mâ gərə nɛ̂n kə̂ mâ dda makəturu tə̂ karə tɔkə mbay kə̂ Rɔm le.

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

Rɔmɛnje 8:36

Ddəw kâra baa tokə n̂-dda tarɛ̂ Makəturu tə̂ lə Lubba nan: «Kar tɔyn njaa jaw jaw ngɔsi kə yo mbai, dəwje aw oojeje tokə lə batəje kə̂ daw duja gɔsude.»

1 Kɔrɛntinyɛje 11:32

A Əbbə-dəwje gangə sariya dɔje tə̂ ngaâ tɔjuje ddəw. Yeenn bba nâ kunda tar dɔje tə̂ ddəw kâra baa kə dəwje kə̂ duninya tə̂ nəənn ang.

1 Kɔrɛntinyɛje 15:31

Mərəse ang, ngakɔnʼmje kə ndɔ kâra kâra tɔyn yo aw bbərə gom. Tɔkɔrɔ njaa rɔm nəələm nya mbase, sese kə̂ əman kə se n-ddaje mə-kâra kə Əbbəjeje Jeju-Kristə le.

1 Kɔrɛntinyɛje 4:9

Mba kə̂ kəmʼm tə̂, Lubba undaje jee njê-kaw-kulaje to dəwje kə̂ guku, n-toje tokə lə dəwje kə̂ n̂-gangə sariya-yo dɔde tə̂. Mba n-təlje to əkarə-koko kə̂ duninya tə̂ tɔyn, kəm anjəje tə̂ kə kəm dəwje tə̂.

2 Kɔrɛntinyɛje 11:6

M-gərə ta pa tar karə kura ang njaa. A nɛ̂n kə̂ ɔju dɔ nɛ̂n-gərə, tarɛ̂ to dang. N-tɔjuse nɛ̂n-gərə le ddaka baa mə nɛ̂nje tə̂ tɔyn.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

2 Kɔrɛntinyɛje 5:11

N-gərə nɛ̂n kə̂ to bbəəl Əbbə-dəwje kə majɛ̂. Ngaâ, n-sangə ddəw ta dda karə dəwje ndikije tə̂ kə tar ləje. Lubba gərəje kə majɛ̂ ngaâ munda məm to ə-gərəjeje kəjə tə̂ ləse kə majɛ̂ tɔ.