2 Kɔrɛntinyɛje 5:7 - Dɔnɔn kə̂ Siki: Tar kə̂ aw arə təbbə

⁷ Mba mə-kunn â jaw nja ddəwe tə̂ bbo ddəw kəmje tə̂ kə̂ aw oo lo ang.

2 Kɔrɛntinyɛje 5:7 ပူးပေါင်းရင်းမြစ်များ

1 Kɔrɛntinyɛje 13:12

Bbokənɛn jaw jooje nɛ̂n kəmje tə̂ ndoko ang tokə nɛ̂n kə̂ jaw joo nɛ̂n-koo-rɔ tə̂. A marə ndɔ a, ja kooje kəm kə kəm. Bbokənɛn m-gərə nɛ̂n tɔyn ang bbay. A bbo ndɔɛ̂ asə a, mâ gərə nɛ̂n tokə Lubba gərəm le.

2 Kɔrɛntinyɛje 1:24

To kɔn bba jaw jɔn dɔse ddəw mə-kunn tə̂ ləse ang. Uwaje mə-kunn ləse arəje ngəng mban. Yeenn bba n-ndiki ta karə jeje ddəm sese ddəm n-ddaje kula kə naan jarə rɔse nəəlse.

2 Kɔrɛntinyɛje 4:18

Nɛ̂n kə̂ kəm dəw aw oo â jaw jaa lo kə tə̂ ang. Nɛ̂n kə̂ kəm dəw oo ang â jaw jaa lo kə tə̂. Mba nɛ̂n kə kəm dəw oo, to nɛ̂n kə̂ a nday. A nɛ̂n kə̂ kəm dəw oo ang, to nɛ̂n kə̂ a to kə ndɔ kə ndɔ.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Ebərəje 10:38

Lubba pa nan: «Dəw ləm kə̂ ddee gatə gatə ddəw mə-kunn tə̂ a kisi kə təbbə. A bbo n̂-təl kə guku a, mâ kinga rɔ-nəəl ddəw tə̂ laa ang.»

1 Piyɛr 1:8

Ooje Jeju ang njaa, a ə-ndikeje. Bbasinɛn nəənn ooeje ang bbay njaa, a unnje məse arɛ̂je ngaâ aw ddaje rɔ-nəəl arə uta dɔɛ̂, rɔ-nəəl kə̂ asə pa ang.

1 Piyɛr 5:9

Maji karə ə-ddaje saa singa, ddəw kuwa kə̂ ta kuwa mə-kunn ləse karə ngəng tə̂. A maji karə ə-gərəje to gar ndooje kə̂ aw ooje nəənn le, ngakɔnse kə̂ duninya tə̂ tɔyn aw ooje tɔ.