2 Kɔrɛntinyɛje 4:4 - Dɔnɔn kə̂ Siki: Tar kə̂ aw arə təbbə

⁴ Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 4:4 ပူးပေါင်းရင်းမြစ်များ

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 12:31

Kar gangə sariya dɔ nangə tə̂ nəənn asə ngaa. Bbasinɛn, dâ tubba nje-kɔn dɔ duninya nəənn kə ddang.

Tar kə̂ Maji kə̂ Jan dda makəturu tə̂ 12:35

Jeju ilade tə̂ nan: «Lo-karɛ nayn horose tə̂ mba gɔju kar bbay. Maji karə ə-njaje kar tə̂ kə̂ lo-karɛ le nayn horose tə̂ bbay, yeenn bba lo ndul a tee dɔse tə̂ busu ang. Mba dəw kə̂ aw nja lo ndul tə̂ gərə lo kə̂ aw aw kə tə̂ ang.

Tar kə̂ Maji kə̂ Jan dda makəturu tə̂ 12:40

«Lubba dda arə kəmde oo lo ang. N̂-dda narə məde kətərə, bba karə dooje lo ang, karə n̂-gərəje nɛ̂n ang, bba karə n̂-turu ddəw ləde ang, ngaâ, karə Lubba ajide rɔ-to tə̂ ləde ang.»

Tar kə̂ Maji kə̂ Jan dda makəturu tə̂ 12:45

dəw kə̂ oom a, oo dəw kə̂ ulam tɔ.

Tar kə̂ Maji kə̂ Jan dda makəturu tə̂ 14:30

Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang.

Tar kə̂ Maji kə̂ Jan dda makəturu tə̂ 15:24

Bbo m-dda nɛ̂nje kə̂ dəw dda ndɔ kâra ang horode tə̂ ang a, tar majang a to dɔde tə̂ ang. A bbasinɛn, dooje nɛ̂nje kə̂ m-dda, a n̂-mbətəmje ddəm n̂-mbətəje Bɔmje ddəm.

Tar kə̂ Maji kə̂ Jan dda makəturu tə̂ 16:11

Nâ tɔjude karə n̂-gərəje nɛ̂n kə̂ ria nan sariya lə Lubba, mba Lubba gangə sariya dɔ nje-kɔn dɔ duninya tə̂ nəənn mban.

Tar kə̂ Maji kə̂ Jan dda makəturu tə̂ 8:12

Jeju təl pa tar arə dəwje kə̂ banya le bbay nan: «Əman â m-to lo-karɛ kə̂ dɔ nangə tə̂. Dəw kə̂ unn gom a, a nja lo ndul tə̂ ang. Nâ kinga lo-karɛ kə̂ aw arə təbbə.»

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Kulaje 26:23

N̂-paje nan Kristə a koo ndoo. Horo dəwje tə̂ kə̂ oyje nâ to dɔngɔr dəw kə̂ a ndol ngaâ nâ kila mbər lo-karɛ karə Jiipije kə dəwje kə̂ toje to Jiipije ang.»

1 Kɔrɛntinyɛje 10:20

Baann ang. Mâ ta pa nan, nɛ̂nje kə̂ n̂-polo nɛ̂n kɔrje le, n̂-polo nɛ̂n ndilje kə̂ maji ang bbo n̂-polo nɛ̂n Lubba ang. Mba yeenn bba, m-ndiki karə ə-ddaje mə-kâra kə ndilje kə̂ maji ang ang.

2 Kɔrɛntinyɛje 2:11

Yeenn bba ta kinya karə Satan taa ddəw ləje ang. Mba n-gərə nɛ̂n kə̂ naw sangə kə majɛ̂.

2 Kɔrɛntinyɛje 2:12

Kar tə̂ kə̂ m-tee tɔkə bbe tə̂ kə̂ Torowas ta kila mbər Tar kə̂ Maji lə Kristə le, Əbbə-dəwje ɔru ddəw arəm kə̂ majɛ̂ njaa.

2 Kɔrɛntinyɛje 3:11

Mba bbo nɛ̂n kə̂ aw nday to nday ndoko ləw a, nɛ̂n kə̂ a nayn kə ndɔ kə ndɔ a ndoko kuta.

2 Kɔrɛntinyɛje 3:14

A ddəw nɛ̂n-gərə ləde utu ngaa. Ndərəng bbokənɛn nəənn, bbo daw turaje makəturu Dɔnɔn kə̂ Ləw le a, tokə nɛ̂n kə̂ ta-kubbu le nayn kə lo-toe bbay, tokə kɔru ang. Mba dəw kə̂ unn məɛ̂ arə Kristə bba ta-kubbu le a kɔru kəmɛ̂ tə̂.

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Galatəje 1:4

Jeju njaa unn rɔɛ̂ arə yo mba majangje ləje, mba tee nɛ̂n kə je mə karje tə̂ kə̂ maji ang nəənn kə ddang, tokə ye kə̂ mə Lubba kə̂ to Bɔjeje ndiki.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Epɛjinyɛje 6:12

To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

Pilipinyɛje 2:6

N̂-to to Lubba njaa, a n̂-nar ddəw ta nayn kisi to Lubba le dɔrɔ ang.

Kolosinyɛje 1:15

Dəw kâra oo Lubba ang. A Kristə le dəw kə̂ ooe a, oo Lubba. N̂-to Ngonn-dərə kə̂ uta nɛ̂nje tɔyn kə̂ Lubba dda.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 6:4

Marə dəwje, lo-karɛ lə Lubba dda arə kəmde uja, dingaje nɛ̂n-karə-baa kə̂ in darâ ngaâ dingaje Ndil-mə-nda.

2 Piyɛr 1:19

Dɔɛ̂ tə̂ bbay, n-gərə to tarje lə njê-kilaje mbər tar to tarje kə̂ tɔkɔrɔ njaa. Yeenn a, ngəm kə̂ aw ngəmje tarje ləde le to nɛ̂n kə̂ maji. Mba tarje le toje tokə lə puru lambe kə̂ aw ndoko lo ndul tə̂ ndərəng karə lo arɛ ngaâ karə əndɛtɛrɛndɛn kə̂ ta lo-karɛ tə̂ ndoko məse tə̂.

1 Jan 2:11

Dəw kə̂ mbətə ngokɔɛ̂n nayn lo ndul tə̂ bbay. Naw nja lo ndul tə̂ ngaâ n̂-gərə lo kə̂ naw naw tə̂ ang, mba lo ndul ɔku kəmɛ̂.

1 Jan 2:8

Ndu kə̂ ləw le to ndu kə̂ siki tɔ. Ndu kə̂ siki le ddee tɔkɔrɔ ddəw tə̂ lə Jeju-Kristə ddəm ddəw pa-nja tə̂ ləse ddəm. Mba lo ndul aw nday, a lo-karɛ kə̂ tɔkɔrɔ aw ndoko ngaa.

1 Jan 5:19

Jeje, n-gərəje to n-toje to dəwje lə Lubba, a duninya nəənn tɔyn to mə ji Nje-mə-majang tə̂.